Skessuhorn - 29.07.2022, Blaðsíða 17

MIÐVIKUDAGUR 20. JÚLÍ 2022 17
Síðastliðinn föstudag var afhjúpað
nýtt upplýsingaskilti um gönguleið-
ir á Hafnarfjall og „Tindana sjö“ á
bílastæðinu við rætur Hafnarfjalls,
við gamla þjóðveginn. Uppbygging
gönguleiðarinnar á Hafnarfjall er
fyrsta stóra verkefnið sem Ferðafé-
lag Borgarfjarðarhéraðs tekst á við,
en félagið var stofnað fyrir rúmu
ári síðan. Í verkefninu fólst að stika
leiðina upp á Hafnarfjall og lagfæra
lítillega, hreinsa burtu girðingaleif-
ar sem voru meðfram stórum hluta
leiðarinnar, stækka og lagfæra bíla-
stæði við rætur fjallsins og svo núna
að setja upp upplýsingaskilti þar sem
lýst er gönguleiðum á fjallið og sagt
frá jarðfræði þess og sögu. „Sjálf-
boðaliðar á vegum Stikunefndar
FFB sáu um að stika leiðina upp á
fjall, lagfæra gönguleiðina og fjar-
lægja gamlar girðingar, en það var
umtalsvert þrekvirki. Vegagerðin sá
síðan um að stækka og lagfæra bíla-
stæðið en það gamla var talið ógn
við umferðaröryggi,“ sagði Gísli
Einarsson forseti FFB í samtali við
Skessuhorn.
Gerð upplýsingaskiltisins er
styrkt af Norðuráli og uppbygging
gönguleiðanna af Hvalfjarðar-
sveit. Þá hefur FFB fengið vilyrði
um styrk frá Framkvæmdasjóði
ferðamannastaða vegna áfram-
haldandi framkvæmda á Hafnar-
fjalli. „Frekari áform eru uppi um
uppbyggingu gönguleiða á Hafnar-
fjall. Stefnt er að því á næstu miss-
erum að setja merkingar á alla
tindana sjö og þá er að hefjast vinna
við gerð útsýnisskífu sem verður á
toppi Hafnarfjalls.“ Eftir að nýja
upplýsingaskiltið var afhjúpað var
félagsmönnum og gestum boðið að
þiggja veitingar.
glh
Ólafsdalshátíð fór fram um liðna
helgi. „Hátíðin tókst mjög vel,
margt var um manninn og allir
skemmtu sér konunglega,“ sagði
Rögnvaldur Guðmundsson for-
maður Ólafsdalsfélagsins.
Fjölbreytt dagskrá var í boði.
Meðal annars var hægt að fara í
göngutúr með fornleifafræðingi
frá Fornleifastofnun Íslands þar
sem víkingaaldarskálinn var skoð-
aður auk minja sem grafnir hafa
verið upp á staðnum. Dalurinn er
ríkur af minjum sem skoða þarf
betur, að sögn fornleifafræðing-
anna sem tóku til máls á hátíðinni.
Handverks- og matarmarkaður var
á staðnum sem og hátíðardagskrá
sem endaði á tónleikum með Bjart-
mari Guðlaugssyni. Spáð hafði
verið votviðri sem gekk ekki eftir
svo gestir nutu dagsins í logni og
blíðu. Sumaropnun er á íbúðar- og
skólahúsinu í Ólafsdal til 1. ágúst
þar sem opið er alla daga klukk-
an 12-17. Þar eru einnig til sýn-
is listaverk eftir bræðurna Halldór
og Snorra Ásgeirssyni auk þess sem
kaffisala er.
sþ/ Ljósm. tóku frændskystkinin
Auður Axelsdóttir, Rögnvaldur Guð-
mundsson og Torfi Ólafur Sverrisson.
Vel mætt
á Ólafsdalshátíð
Torfi Ólafur Sverrisson í hópi fimmtíu annarra að leggja af
stað í sögugöngu undir leiðsögn starfsfólks Fornleifastofn-
unar.
Bjartmar, Þorgeir, Rögnvaldur og fleiri sem komu fram á
hátíðinni.
Dregið í happdrættinu.Þorgrímur á Erpsstöðum bauð upp á ís.
Meðal gesta var Þorleifur Finnsson, en til gamans má geta
að hann spilaði á harmonikku þegar styttan af Torfa og
Guðlaugu var afhjúpuð árið 1955.
Hönnuður upplýsingaskiltisins er Árni
Tryggvason.
Nýtt upplýsingaskilti afhjúpað við Hafnarfjall
Gísli Einarsson forseti Ferðafélags Borgarfjarðarhéraðs ávarpar gesti.
Jónína Hólmfríður Pálsdóttir og Hrefna Sigmarsdóttir fengu þann heiður að afhjúpa nýja upplýsingaskiltið.
Rýnt í nýja skiltið.Gestir deila reynslusögum af göngum á Hafnarfjall.
Gestum var boðið upp á kaffi og
bakkelsi; kleinur, pönnukökur og
flatkökur með smjöri og hangikjöti.