Vesturbæjarblaðið - des. 2021, Blaðsíða 14

14 Vesturbæjarblaðið DESEMBER 2021
Fyrir nokkru kom út ljóðabók
sem nefnist Eins og í kviksjá.
Höfundur hennar er Þórdís
Richardsdóttir. Þórdís er alin
upp á Hverfisgötu og bjó um
skeið á Dunhaganum. Því má
segja að hún sé Vesturbæingur.
Hún hleypti heimdraganum
26 ára aldri og hefur búið
í Uppsala í Svíþjóð í á fimmta
áratug. Þórdís eða Dísa eins
og hún var oft kölluð gaf sína
fyrstu ljóðabók úr aðeins 24
ára að aldri. Bókin nefndist
Ljóð í lausaleik og vakti strax
mikla athygli enda óvenjuleg að
mörgu leyti. Ljóðin voru barn
nýs tíma frumleg og femínsk í
senn. Nokkuð sem tengdist tíma
þegar íslenskar konur voru að
vakna til vitundar. Þegar þær
héldu kvennafrídag. Fjölmenntu
í miðborgina og mörkuðu
upphaf þeirrar jafnréttisbaráttu
kvenna sem hófst í kjölfarið.
Með bókinni Ljóð í lausaleik
s k r i f a ð i Þ ó r d í s s i g m e ð
eftirminnilegum hætti sem hluta
af þessari baráttu. Þótt Þórdís
hafi búið handan hafsins frá 1976
hefur hún hefur alla tíð haldið
mikilli tryggð og tengslum við
átthagana. Hún hefur komið
reglulega til landsins og fylgst
með mönnum og málefnum.
Þórdís hefur lengst af starfað sem
kennari í Uppsala en hefur aldrei
hætt að skrifa. Árið 2001 gaf hún
út ljóðabókina Úr bláu tjaldi og
nú bókina Eins og í kviksjá.
Í þessari nýju bók minnist
hún móðurlandsins sem ýmsum
hætti. Tengslanna við land og
fjölskyldu sína. Tileinkar hana
tveim systrum sem báðar létust
fyrir aldur fram. Hún skiptir
bókinni í þrjá kafla. Hinn fyrsta
nefnir hún “Hér á ég heima” hvar
annars staðar en á landinu bláa.
Undir Esjunni. Skógar Svíþjóðar
skyggja þar ekki á sýn hennar
til vesturs. Á köflum kemur
söknuður fram. Íslendingseðlið í
gegnum tíðina.

Á einum stað segir hún:

Enn einu sinni
komin í heimsókn
En ekkert stendur í stað
Þó mér þóknist
að líta inn
Það stæði ekki einu sinni
í stað þótt ég dveldi
hér endalaust
og heimtaði
meiri tíma.

Þannig sér hún hin gömlu
heimkynni fyrir sér. Nýja tíma
tengjast hinum eldri.
Í öðrum hluta bókarinnar
skrifar hún til látinna systra
sinna. Lýsir uppeldi þeirra. Fjallar
um líf þeirra og lífslok. Ef til vill
finnst henni að hún hafi ekki verið
til staðar fyrir þær þegar örlögin
gripu í tauma.

Þar segir hún:

Og allt sem við trúðum á
lékum okkur að
hræddumst
birtist á veggjum
í sjúkrastofunni
eins og á hvíta tjaldinu
í Stjörnubíó.

Þriðja hluta bókarinnar kallar
hún “Þegar hringurinn þrengist”.
Þar leitar hún til fyrri tíðar.
Dregur fram myndir af fullorðnu
fólki. Einkum konum. Fyrir
vestan. Erfiði daganna vonum og
þrám. Hvernig tengist hennar lífi
líf þeirra. Er ef til vill er skammt
á milli kynslóða. Þeirra sem eru
að hverfa og hinna sem enn eru
að vaxa. Í lokaljóði bókarinnar
skrifar hún til móður sinnar.
Fullorðnar konu sem dvelur á
hjúkrunarheimili og hefir misst
tvær dætur sínar. Lýsir hinu
daglega lífi á sinn hátt.
Sannar hæfileika sína
Í þessari bók hefur Þórdís enn
á ný sannað hæfileika sína sem
höfundur. Hæfileika til þess að
greina mannssálina. Hæfileika til
þess að líta inn á við. Líta í eign
barm og færa sjónina í töluð orð.
Í bókstafi. Eins og í kviksjá er með
athyglisverðust ljóðabókum sem
komið hafa út á þessu hausti.
Þórdís sýnir að hún hefur engu
gleymt frá því hún tók þátt í að
ýta kvennabaráttunni úr vör með
Ljóðum í lausaleik. Hún hefur
þess í stað margt lært á leiðinni í
gegnum lífið.
Glæsileg ljóðabók
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Þórdís Richardsdóttir
Kápa bókarinnar er skreytt með
mynd eftir barnabarn Þórdísar.
Jólakveðja
frá Dómkirkjunni
„Að heyra boðin himni frá
fær huga þínum breytt.
Þau boða að heilög himins dýrð
sé hjarta þínu veitt."
Svo yrkir sr. Hjálmar Jónsson
í sálminum góða sem hefst á
orðunum:

Á dimmri nóttu bárust boð
um bjartan nýjan dag.
Hér yrkir hann um fyrirheitið, boðskap englanna um nýja
tíma, betri tíma og andstæðurnar eru sterkar. Mitt í myrkinu
skín loks ljósið og gefur von um meira ljós, meiri birtu, meiri
fögnuð.
Skilaboðin eru nefnilega þau, að þar sem frelsarinn er nú
fæddur þá er dýrð Guðs, sem er á himnum, einnig á jörðu, sé
henni gefið rúm í hjarta okkar.
Guð gerist maður og maðurinn fær hlutdeild í himninum;
markmiðið er að byggja brú milli manns og Guðs og manna á
milli.
Þessi boð geta breytt huga okkar og hjartaþeli, og gerir það,
þegar best lætur.
Það líður að jólum og undirbúningur þessarar helgu hátíðar
ljóss og friðar stendur yfir. Í Dómkirkjunni er aftansöngurinn kl.
18 hvort tveggja í senn, upphaf og hápunktur jólahaldsins og
það hættir ekki að vera hið mesta tilhlökkunarefni.
Kófið hefur hallað öllum leik og gildir það jafnt um
Dómkirkjuna og aðrar stoðir samfélagsins. Því biðjum við þá
sem hyggjast koma til aftansöngsins kl. 18:00 að sýna fram á gilt
covidpróf við kirkjudyr.
Um annað starf og helgihald í Dómkirkjunni yfir hátíðarnar
bendum við á facebooksíðu Dómkirkjunnar og domkirkjan.is
Allir eru hjartanlega velkomnir.
Prestar og starfsfólk Dómkirkjunnar óska þér uppbyggilegrar
aðventu, gleðilegra jóla og farsældar á ári komanda.
Landakotsskóli er sigurvegari
Reykjavíkurmóts grunnskólas-
veita í áttunda til tíunda bekk
2021. Skólinn sendi tvö lið í
keppni áttunda til tíunda bek-
kjar, A-sveit og stúlknasveit. A
sveitin gerði sér lítið fyrir og
vann mótið, með þó nokkrum
yfirburðum. Allar viðureignir
unnust, heilir 22 vinningar af
24 mögulegum. Stúlknasveitin
var skipuð þeim Gerðu Bergs-
dóttur, Ástu Eddu Árnadóttur
og Tinnu Sif Þrastardóttur í
8. bekk og fékk sveitin 4 vin-
ninga. Þar sem hún var eina
stúlknasveitin í flokknum sig-
raði skólinn einnig í stúlkna-
flokki í áttunda til tíunda bekk.
Landakotsskóli kom vel út á
Reykjavíkurmóti grunnskólas-
veita sem fram fór í húsnæði
Taflfélags Reykjavíkur 11. til
12. október. Skólinn sendi eitt
lið í flokk fjórða til sjöunda
bekkjar. Sveitin lenti í fjórða
sæti, stutt frá verðlaunasæti.
Liðsmenn á miðstigi voru: Jón
Louie Freygang Thoroddsen og
Helgi Nils Gunnlaugsson 4. bekk,
Muhammad Rayan Ijaz Suleh-
ria B-hópi, Vilhjálmur Andri
Jóhannsson 6. bekk. Liðsstjóri
var Jón Fjölnir Thoroddsen.
Sveitin vann þrjár viðureignir,
gerði jafntefli í tveimur og tapaði
tveimur, og hlaut 17 vinninga,
aðeins hálfum vinningi frá þriðja
sæti. Liðsstjóri beggja liða var
Gauti Páll Jónsson.
Landakotsskóli sigurvegari í skák
Skákmeistarar í Landakotsskóla.