Morgunblaðið - 21.04.2022, Qupperneq 33

33
MORGUNBLAÐIÐ FIMMTUDAGUR 21. APRÍL 2022
Þyrluflug Erlendir sem innlendir ferðamenn flykkjast enn að gosstöðvunum í Geldingadölum, gangandi og fljúgandi. Hér hefur þyrla frá Norðurflugi lent við nýjustu hraunbreiður þessa lands.
Árni Sæberg
Lífsgæðasetur St. Jó, þar
sem áður var St. Jósepsspítali,
verður formlega opnað í dag,
sumardaginn fyrsta. Nú fögn-
um við því að þrjár meginhæðir
hússins hafa verið teknar í
notkun þar. Við fögnum því
einnig að bærinn hafi eignast
þessa sögufrægu og fallegu
byggingu, sem hafði staðið auð
um árabil og drabbast niður, en
eftir talsvert þref náðist sam-
komulag við ríkið um að kaupa
húsið. Við fögnum því enn fremur að húsið,
sem um margra áratuga skeið hýsti starfsemi
sem flestir Hafnfirðingar bera miklar taugar
til, sé komið aftur í notkun. Þá fögnum við því
að þessu húsi og sögu þess hefur verið sýnd
tilhlýðileg virðing og sómi.
Sérstakt eftirlit með framkvæmdum
Fljótlega eftir kaupin á húsinu var ákveðið
að koma þar upp starfsemi sem stuðlaði að
bættri heilsu og lífsgæðum fólks,
svokölluðu Lífsgæðasetri. Nú hef-
ur á þriðja tug einstaklinga, félaga
og fyrirtækja komið sér fyrir í
þessu fallega og vel heppnaða ný-
uppgerða rými og starfsemin
komin í fullan gang. Af leigutök-
um má nefna Alzheimer- og Park-
insonsamtökin, Sorgarmiðstöðina,
Heilsueflingu Janusar auk ýmiss
konar fjölbreyttrar starfsemi
minni rekstraraðila sem starfa að
heilsueflingu.
Þríhliða samstarf Hafnarfjarð-
arbæjar, Alzheimer- og Park-
insonsamtakanna og Oddfellowreglunnar var
einstakt og nýstárlegt, þar sem þau síðast-
nefndu fjármögnuðu endurbætur á þriðju hæð
hússins til stuðnings samtökunum og gagnvart
bænum hafa þau greitt sem svarar húsaleigu
til næstu fimmtán ára. Sá stuðningur flýtti fyr-
ir því að endurbótum hússins lauk, því að alltaf
var unnið út frá því að bærinn myndi gera hús-
ið upp á eins hagkvæman og skynsamlegan
hátt sem frekast var unnt. Var meðal annars
ákveðið að framkvæma í áföngum til að koma í
veg fyrir umframkostnað. Nú blasir við að sú
nálgun tókst mjög vel.
Kostnaðaráætlanir hafa staðist
Fljótlega eftir að framkvæmdir við end-
urbætur þessa 3.000 fermetra húss hófust var
ákveðið að skipa sérstakan framkvæmdahóp
um verkið. Í hópnum sitja meðal annarra bæj-
arstjóri og formaður bæjarráðs enda ábyrgð-
araðilar verkefnisins. Var það gert til að kjörn-
ir fulltrúar gætu fylgst sem best með
framgangi verksins og þó ekki síður til að
tryggja að eftirlit yrði með kostnaðinum við
endurgerðina. Var þá nýlegt dæmi um mikinn
umframkostnað við endurgerð Braggans í
Reykjavík haft til hliðsjónar en kostnaðurinn
við endurgerð St. Jó er einungis tíundi hluti
þess pr fm, sem kostaði að gera upp Braggann.
Skemmst er frá því að segja að þetta fyr-
irkomulag gaf mjög góða raun. Nú þegar þrjár
hæðir þessa nærri eitt hundrað ára gamla húss
eru tilbúnar hafa allar kostnaðaráætlanir stað-
ist og vel það! Alls hefur bæjarfélagið fjárfest í
endurbótum hússins, að innan sem utan, fyrir
um 500 milljónir króna. Áætlun gerir ráð fyrir
tæpum hundrað milljónum króna til viðbótar
þar sem hafin er vinna við endurgerð kjallara
hússins vegna mikillar eftirspurnar eftir rými.
Sem bæjarstjóri Hafnarfjarðar síðastliðin
fjögur ár er ég afar stolt af því hvernig tókst
að bjarga þessari niðurníddu byggingu og
tryggja án alls bruðls að húsið yrði iðandi af lífi
og á nýjan leik bæjarprýði okkar Hafnfirðinga.
Það er því sérstakt tilhlökkunarefni að bjóða
gestum og gangandi að skoða húsið og kynnast
starfseminni þar. Ég minni á opið hús í Lífs-
gæðasetri St. Jó frá kl. 12-15 í dag og vonumst
við til að sjá sem flesta. Gleðilegt sumar.
Eftir Rósu Guðbjartsdóttur »Nú þegar þrjár hæðir þessa
nærri eitt hundrað ára
gamla húss eru tilbúnar hafa
allar kostnaðaráætlanir staðist
og vel það!
Rósa Guðbjartsdóttir
Höfundur er bæjarstjóri Hafnarfjarðar.
Endurgerður St. Jó er bæjarprýði Hafnarfjarðar
Reykjavík hefur alla burði til að
verða borg tækifæranna. Höf-
uðborgin stendur á spennandi
tímamótum enda margvíslegar
breytingar í farvatninu. Tækni-
framfarir, fólksfjölgun og lofts-
lagsbreytingar munu setja mark
sitt á viðfangsefni framtíðar.
Varðveita þarf sérkenni Reykja-
víkur en gæta þess að borgin þró-
ist í takt við aðrar vestrænar
borgir – og verði ekki undir í sam-
keppni um ungt fólk og atgervi.
Undir stjórn núverandi meirihluta hefur hef-
ur höfuðborgin ekki verið í forystu. Undanliðin
kjörtímabil hefur húsnæðisvandinn vaxið, tafa-
tími í umferðinni aukist, þjónusta Strætó
versnað og biðlistavandi leikskólanna verið
vanræktur. Innviðir liggja undir skemmdum
sökum viðhaldsskorts og skuldasöfnun borg-
arinnar virðist hömlulaus. Fyrirtæki flýja borg-
ina vegna lóðaskorts og óhagstæðs skattaum-
hverfis. Við stjórn hafa verið öfl sem láta sér
nægja að tala um hlutina – en hafa minni áhuga
á að framkvæma. Nú er kominn tími á breyt-
ingar.
Barnvæn borg
Sjálfstæðisflokkurinn vill
tryggja barnvæna borg og öfluga
þjónustu við fjölskyldur. Reynsl-
an hefur sýnt að fjölskyldufólk
flýr í nágrannasveitarfélög þar
sem þjónustan reynist betri. Við
ætlum að tryggja öllum börnum
leikskólapláss frá 12 mánaða aldri
og bjóða svokallaðan foreldra-
styrk fyrir foreldra sem kjósa að
dvelja heima með börnin sín eftir
fæðingarorlof, til tveggja ára ald-
urs. Við ætlum að forgangsraða
uppbyggingu íþróttamannvirkja í þágu barna
og ungmenna og hækka frístundakortið í 70
þúsund krónur árlega. Við viljum að höfuð-
borgin verði framúrskarandi valkostur fyrir
fjölskyldur.
Kröftug húsnæðisuppbygging
Sjálfstæðisflokkurinn ætlar að ráðast í kröft-
uga húsnæðisuppbyggingu með skipulagi nýrra
hverfa samhliða þéttingu byggðar innan hverfa
sem hafa til þess svigrúm. Jafnframt ætlar
flokkurinn að fjölga 15 mínútna hverfum og efla
nærþjónustu hverfanna. Við leggjum áherslu á
öflugri verslunarkjarna innan borgarhverfa og
hyggjumst setja á laggirnar stofnstyrki til
þeirra sem vilja hefja starfsemi í auðum versl-
unarrýmum innan kjarnanna.
Fjölbreyttar og greiðar samgöngur
Jafnframt leggjum við ríka áherslu á greiðar
og fjölbreyttar samgöngur. Við ætlum að hefja
uppbyggingu Sundabrautar á næsta kjör-
tímabili, innleiða hjólreiðaáætlun af krafti,
fjölga heitum stígum í borginni, tryggja snjall-
ar ljósastýringar um alla borg og fara í öfluga
uppbyggingu almenningssamgangna á höfuð-
borgarsvæðinu. Frjálsir valkostir í samgöngum
er leiðarljósið.
Öflug grunnþjónusta og
traustur fjárhagur
Flokkurinn vill enn fremur að grunnþjónusta
verði efld. Sorphirða verði öflugri og betur
verði staðið að snjóruðningi að vetri og götu-
sópun að vori. Við skiljum jafnframt að svo
bjóða megi framúrskarandi þjónustu þarf fjár-
hagur borgarinnar að vera traustur. Við ætlum
að minnka yfirbyggingu, einfalda stjórnkerfið
og hagræða í borgarkerfinu.
Hamingja á þínum forsendum
Sjálfstæðisflokkurinn vill skapa borg sem
virkar fyrir fólk og fyrirtæki. Höfuðborg, þar
sem fólk getur leitað hamingjunnar á eigin for-
sendum. Við viljum borgarumhverfi sem setur
fjölskyldur í forgang og velferðarþjónustu sem
tryggir rétt sérhvers einstaklings til að lifa með
reisn. Við viljum skapa borgarumhverfi sem
laðar að sér hæfileikafólk með úrvali atvinnu-
tækifæra, spennandi búsetukostum, iðandi
menningarlífi og fjölbreyttum samgöngu-
kostum. Við viljum borg sem ryður veginn fyrir
þá sem vilja sækja fram og styður við hug-
myndaauðgi og verðmætasköpun. Höfuðborg
sem byggist á frjálsum valkostum, jöfnum
tækifærum, frjálsu framtaki og hagkvæmum
rekstri. Við viljum Reykjavík sem virkar.
Eftir Hildi Björnsdóttur » Við stjórn hafa verið öfl
sem láta sér nægja að tala
um hlutina – en hafa minni
áhuga á að framkvæma. Nú er
kominn tími á breytingar.
Hildur Björnsdóttir
Höfundur er oddviti Sjálfstæðisflokksins í
Reykjavík.
hildurb@reykjavik.is
Reykjavík sem virkar