Morgunblaðið - 17.05.2022, Blaðsíða 12

12 FRÉTTIR
Viðskipti | Atvinnulíf
MORGUNBLAÐIÐ ÞRIÐJUDAGUR 17. MAÍ 2022
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
Jón Bjarki Bentsson, aðalhagfræð-
ingur Íslandsbanka, segir útflæði
gjaldeyris vegna ferðalaga Íslend-
inga líklega hafa
átt þátt í veikingu
krónunnar í fyrri
hluta maí. Krón-
an sé nú að
styrkjast lítillega
á ný og sé skýr-
ingin mögulega
tíðindi af erlend-
um mörkuðum.
Gengisvísitalan
stóð í 195 stigum
9. mars og lækkaði niður í 184 stig 5.
maí. Lægri vísitala þýðir hærra
gengi og öfugt.
Gengið styrktist lítillega í gær.
„Það er tvennt sem gæti skýrt
þessa gengislækkun undanfarið.
Annars vegar var neyslugleði land-
ans erlendis mjög myndarleg í apríl.
Seðlabankinn birti fyrir helgi tölur
sem sýna að kortavelta erlendis
margfaldaðist milli ára. Þótt gildin í
fyrra hafi verið lág telst veltan í ár
samt mikil í sögulegu samhengi,“
segir Jón Bjarki. Hinn þátturinn sé
áhættufælni á mörkuðum en gengi
krónu taki orðið meira mið af stemn-
ingu á markaði eftir að losað var um
takmarkanir á framvirkum samn-
ingum og tengsl við erlenda verð-
bréfamarkaði efldust. Útlit sé fyrir
styrkingu í sumar. baldura@mbl.is
Sveiflur
í genginu
Jón Bjarki
Bentsson
Gengisvísitala
krónunnar*
196
189
182
H
ei
m
ild
:
Se
ðl
ab
an
ki
Ís
la
nd
s/
m
bl
.is
*Lægri vísitalaþýðir hærragengi krónunnarogöfugt.
1.mars 2022 16.maí 2022
187,71
185,23
195,14
188.52
Skipulags- og samgönguráð Reykja-
víkurborgar hefur auglýst breytingu
á Borgartúni 34-36 sem felur í sér að
byggingarmagn er aukið um 3.250
fermetra og íbúðum fjölgað úr 86 í
100. Með auknu byggingarmagni á
að skapa hagstæðara svigrúm „fyrir
betri og fleiri íbúðir á reitnum“ og ná
markmiði um fjölbreytta samsetn-
ingu íbúða.
Reiturinn hefur verið kenndur við
fyrirtækið Guðmund Jónasson en
hann er sunnan við Hótel Cabin.
Dótturfélag Langasjávar keypti
fasteignina við Borgartún af félagi í
eigu niðja Guðmundar Jónassonar
fyrir um tveimur árum.
Fram kom í ViðskiptaMogganum í
fyrrasumar að hefja ætti uppbygg-
inguna í ár og sölu íbúða 2024.
Með uppbyggingunni er haldið
áfram að þétta byggð við Borgartún-
ið. Á síðustu árum hafa nokkur fjöl-
býlishús komið í sölu og eru íbúðir
þar uppseldar. Alls voru 94 íbúðir í
tveimur turnum á Höfðatorgi og 77
íbúðir í Stuðlaborg og 52 íbúðir í Sól-
borg á Kirkjusandi. Þá var 21 íbúð í
Borgartúni 28a og í Borgartúni 24
rís nú fjölbýlishús með 65 íbúðum við
hringtorg á horni Borgartúns og
Nóatúns. Samhliða þessari upp-
byggingu hefur framboð á ýmissi
þjónustu verið aukið í Borgartúni og
má þar nefna mathöll í Borgartúni
29. baldura@mbl.is
- Langisjór fær
rýmri heimildir
Fleiri íbúðir í Borgartúni
Teikning/Andakt arkitektar
Borgartún 34-36 Á reitnum voru höfuðstöðvar Guðmundar Jónassonar.
BAKSVIÐ
Gísli Freyr Valdórsson
gislifreyr@mbl.is
„Við viljum hætta að útskrifa fólk
sem stígur sín fyrstu skref út á
vinnumarkaðinn en fær engin störf
við hæfi. Í staðinn ætlum við að fá
fleiri nemendur inn í þær greinar
sem eru vaxandi og bjóða upp á
spennandi tækifæri.“
Þetta sagði Áslaug Arna Sigur-
björnsdóttir, háskóla-, iðnaðar- og
nýsköpunarráðherra, þegar hún
kynnti starfsemi og áherslur nýs
ráðuneytis á nýsköpunarviku í
Grósku í gær. Þar rifjaði hún upp
hvernig síldaævintýrið rann sitt
skeið á enda eftir að hafa skapað um
helming útflutningstekna þjóðarinn-
ar um tíma, hvernig náttúruhamfarir
hafa valdið skaða á landbúnaði og
nýjasta dæmi um það hvernig heilar
atvinnugreinar verða fyrir áföllum
þegar ferðaþjónustan, sem um tíma
skapaði yfir 40% af útflutnings-
tekjum þjóðarinnar, þurfti að lúta í
lægra haldi fyrir heimsfaraldri.
„Ég rifja þetta upp núna því ég lít
á það sem mitt mikilvægasta hlut-
verk sem ráðherra að gera allt sem í
mínu valdi stendur til að við sem þjóð
hættum að leggja öll eggin í sömu
körfuna,“ sagði Áslaug Arna.
„Eitt mikilvægasta verkefni okkar
nú er að fjölga stoðum samfélagsins
til að tryggja að við getum áfram
búið við ein bestu lífskjör í heimi.
Það gerist ekki að sjálfu sér en aðal-
atriðið er að við hættum að byggja
nánast alfarið á takmörkuðum auð-
lindum sem háðar eru utanaðkom-
andi aðstæðum og sveiflum.“
Hugvitið fari hvergi
Áslaug Arna sagði að Íslendingar
þyrftu að treysta á sína mikilvæg-
ustu auðlind, hugvitið. Þá auðlind
gæti enginn tekið frá þjóðinni og
notkun á hugviti myndi stækka og
styrkja okkar helstu atvinnugreinar.
Nefndi hún sem dæmi hvernig hug-
vitið hefur gerð sjávarútveginn arð-
bærari og skilvirkari. Þá tiltók hún
nokkur dæmi um fyrirtæki sem
hefðu margfaldað veltu sína og um-
svif hér á landi, með tilheyrandi
fjölgun starfa og auknum skatt-
greiðslum, eftir að ákveðið var að
framlengja skattafrádrátt vegna
rannsóknar og þróunar, til dæmis
leikjafyrirtækið 1939 Games og Nox
Medical sem sérhæfir sig í svefn-
rannsóknum á heimsvísu.
Störf muni breytast
Í fyrirlestri sínum vitnaði Áslaug
Arna í úttekt Samtaka iðnaðarins
þar sem fram kemur að þörf væri á
allt að níu þúsund sérfræðingum í
störf í hugverkaiðnaði á næstu fimm
árum ef vöxtur greinarinnar á að
ganga eftir. Hún sagði því mikilvægt
að skapa nýsköpunarfyrirtækjum
þau skilyrði að þau gætu stækkað og
byggt upp starfsemi sína, sem að
stærstu leyti grundvallaðist á mann-
auði en mikil samkeppni væri á milli
landa um færustu sérfræðinga á
hverju sviði og Íslandi væri ekki
undanskilið þeirri öflugu samkeppni.
Því þyrftu stjórnvöld og atvinnulífið
að stilla saman strengi sína hvað
málefn erlendra aðila og atvinnu-
leyfa fyrir þá varðar.
„Heimurinn breytist hratt og í ná-
inni framtíð er áætlað að allt að
helmingur núverandi starfa muni
breytast umtalsvert eða hverfa. 65%
af þeim börnum sem eru í grunn-
skóla í dag munu sinna störfum sem
við eigum ekki nöfn yfir, því þau
[störf] eru ekki til. Því er líka spáð að
35% af þeirri færni sem eftirspurn er
eftir á vinnumarkaði í dag verði ekki
þörf fyrir eftir þrjú ár.“
Vill ævintýri sem lýkur ekki
- „Lykillinn að bættum lífsgæðum og fleiri tækifærum er að hugvitið verði stærsta
útflutningsgrein þjóðarinnar,“ segir ráðherra háskóla-, iðnaðar- og nýsköpunar
Ljósmynd/Cat Gundry-Beck
Nýsköpun Um 300 manns sóttu fyrirlestur í Grósku í gær þar sem Áslaug Arna Sigurbjörnsdóttir, háskóla-,
iðnaðar- og nýsköpunarráðherra, kynnti áherslur og starfsemi nýs ráðuneytis, þar sem hugvitið verður í fyrirrúmi.
17. maí 2022
Gengi Kaup Sala Mið
Dollari 134.91
Sterlingspund 164.6
Kanadadalur 103.74
Dönsk króna 18.828
Norsk króna 13.73
Sænsk króna 13.355
Svissn. franki 134.91
Japanskt jen 1.0462
SDR 179.57
Evra 140.1
Meðalgengi/Viðskiptavog þröng 170.4489
Í fyrirlestri sínum í gær gagnrýndi Áslaug Arna að heilbrigðisstofnanir
hér á landi, sem að mestu leyti væru reknar fyrir opinbert fé, væru ekki
að nýta sér lausnir íslenska fyrirtækisins Kerecis – sem hefði þróað
lækningavörur og sáraumbúðir úr fiskroði og væri nú að velta milljörðum
vegna viðskipta við erlendar heilbrigðisstofnanir, heri og fleiri aðila.
„Þrátt fyrir að sáraroð Kerecis græði sár hraðar en eldri lausnir þá eru
fáir hvatar hér á landi til að nýta betri vöru og um leið íslenskt hugvit.
Þetta skýtur skökku við þegar við sem samfélag ákveðum að fjárfesta í
nýsköpun fyrir um 30 milljarða á ári, en nýtum svo ekki þær lausnir sem
verða til fyrir okkar eigin kerfi,“ sagði Áslaug Arna og nefndi fleiri íslensk
fyrirtæki í sambærilegri stöðu, til dæmis Köru Connect, Leviosa og fleiri.
Í framhaldi af þessu greindi hún frá þeirri ákvörðun sinni að styrkja
sérstaklega innleiðingu nýsköpunar í heilbrigðisþjónustu. Fyrsta skrefið
væri að úthluta 60 milljónum króna sem einungis væru ætlaðar til inn-
leiðingar á nýjum lausnum sem auka gæði og hagkvæmni heilbrigðis-
þjónustu. Styrkveitingin verður háð því skilyrði að nýsköpunarfyrirtækin
eigi í samstarfi við stofnanir eða fyrirtæki í heilbrigðisþjónustu sem
skuldbinda sig við að innleiða þá nýsköpun sem styrkur er sóttur um í.
,,Þrátt fyrir að erfiðlega hafi gengið fyrir nýsköpunarfyrirtæki að koma
á samstarfi við heilbrigðiskerfið er ég sannfærð um að áhugi fólks innan
heilbrigðiskerfisins sé samt sem áður til staðar, en með þessu vonast ég
til þess að geta opnað dyrnar og hleypt inn súrefni til nýsköpunar. Þetta
er bara fyrsta skrefið því ef vel gengur munum við fara í mun fleiri sam-
bærileg verkefni,“ sagði Áslaug Arna.
Ríkið nýti íslenska nýsköpun
STYRKIR NÝSKÖPUN Í HEILBRIGÐISKERFINU