Morgunblaðið - 15.06.2022, Síða 6

VIÐTAL
Gunnhildur Sif Oddsdóttir
gunnhildursif@mbl.is
Sigrún Sigurðardóttir þurfti þrisvar
sinnum að fara með 26 ára dóttur
sína fárveika á bráðamóttöku Land-
spítalans, áður en samþykkt var að
athuga hvort hún væri með heila-
himnubólgu, þrátt fyrir að hún hafi
ítrekað beðið um það. Hún segir að
ekki hafi verið hlustað á sig og að
álag á spítalanum dugi ekki sem af-
sökun.
Veikindi dóttur hennar byrjuðu
26. maí sl. með uppköstum og mikl-
um höfuðverk. Hinn 30. maí var síð-
an farið með hana á bráðamót-
tökuna en þá var hún með svo
mikinn höfuðverk að hún kastaði
ítrekað upp. Að sögn Sigrúnar var
hún frá af verkjum.
Þegar á bráðamóttökuna kom,
spurði maður Sigrúnar hvort dóttir
þeirra gæti fengið forgang, enda
væri hún mikið veik og með tveggja
mánaða gamalt barn sitt á brjósti.
Því var neitað og þau vissu ekki
hvað hún átti að bíða lengi. „Hún
treysti sér engan veginn til að vera
þarna og fór heim aftur fárveik,“
segir Sigrún. Þeim var síðan sagt að
hringja í sjúkrabíl ef hún skyldi
versna.
Þurfti að ganga út í sjúkrabíl
Fimmtudaginn 2. júní varð hún
mikið veik, uppköstin mikil og var-
hún frá af höfuðverk. „Þegar við
komum til hennar lá hún í gólfinu,
búin að kasta upp og maðurinn
hennar í áfalli,“ segir Sigrún og bæt-
ir við að þau hafi hringt á sjúkrabíl
sem hafi síðan mætt en ekki tekið
með sér börur, því hún ætti að
ganga út í bíl. Bendir Sigrún á að
fjóra hafi þurft til að styðja hana út í
bílinn því hún hafi varla getað geng-
ið og kastað upp alla leið út í bílinn.
„Ég upplifði eins og það væri verið
að gera lítið úr því að það væri verið
að hringja í sjúkrabíl en ég hefði
aldrei gert það nema af því hún var
það veik,“ segir Sigrún.
Á bráðamóttökunni segir Sigrún
við lækni að hún haldi að dóttir
hennar sé með heilahimnubólgu.
Henni er svarað að það séu ekki
miklar líkur á því, fyrst hún sé búin
að vera svo lengi veik.
„Svo er henni ekkert sinnt. Við
hjúkrum henni á meðan hún kastar
upp og það kemur enginn hjúkrun-
arfræðingur að hjálpa henni. Því
þeir hafa greinilega ekki tíma til
þess,“ segir Sigrún.
Þeim er síðan vísað inn í stórt her-
bergi þar sem þau máttu vera, fyrst
hún var í fylgd með foreldrum sín-
um. Herbergið hafi ekki verið hægt
að manna og lágu því aðrir sjúkling-
ar á ganginum.
Þegar læknir kom loks segir Sig-
rún að hún hafi aftur sagst vera
hrædd um að dóttir hennar væri
með heilahimnubólgu og aftur var
ekki hlustað á hana. Síðan var hún
greind með mígreni út frá mynda-
tökum og henni sagt að blóðprufur
bentu ekki til þess að hún væri með
heilahimnubólgu.
Sigrún var svo hjá dóttur sinni yf-
ir nóttina. „Ég var hjá henni alla
nóttina. Hún kastaði stöðugt upp,
alltaf jafn fárveik og hálfpartinn út
úr heiminum.“ Dóttirin hafi svo ver-
ið send heim um morguninn en
verkirnir ekki lagast þegar heim var
komið. Verkjalyfin virkuðu ekki og
höfuðverkurinn enn jafn slæmur.
Með brjóstapumpu
á bráðamóttöku
Hinn 9. júní fór Sigrún með dótt-
ur sína á bráðamóttökuna í þriðja
sinn. Hún var þá með hausverk,
uppköst og jafn fárveik og áður.
Upphaflega átti ekki að hleypa Sig-
rúnu með henni inn á deildina en
hún fékk loks að fara með henni því
dóttir hennar þurfti aðstoð við að
mjólka sig með brjóstapumpu.
„Hún var fárveik og enginn að
sinna henni nema ég. Ég ákvað bara
að ég er komin hérna inn og fer ekki
héðan út fyrr en ég fæ að vita hvað
er að henni. Hún gat ekki meðtekið
neitt sem læknarnir sögðu. Ég brast
aftur í grát, að niðurlotum komin að
horfa á hana svona veika,“ segir Sig-
rún, sem segist þá hafa spurt í enn
eitt skiptið hvort ekki væri hægt að
athuga hvort hún væri með heila-
himnubólgu. Enn töldu læknarnir
litlar líkur á því svo það var ekki
gert.
„Það er alveg áhætta af því að
taka mænustungu en það er það
eina sem virkar til að greina heila-
himnubólgu. Átti ég bara að bíða
eftir því að hún dæi? Gátu þeir ekki
tekið eina stungu af henni?“ spyr
Sigrún.
Loks fékkst taugalæknir til að
taka mænustungu. Kom þá loks í
ljós að um heilahimnubólgu var að
ræða.
Börðust fyrir greiningunni
„Mér finnst alvarlegast að við höf-
um þurft að berjast svona mikið fyr-
ir því að fá þessa greiningu og berj-
ast fyrir því að fá að vera með henni
þarna inni, fárveikri. Þetta er ekki
fótbrot, þetta er höfuðið og þá hef-
urðu allt aðrar áhyggjur þegar þú
horfir á dóttur þína í móki. Ég vissi
ekki á tímabili hvort hún væri sof-
andi eða meðvitundarlaus.“
Mikið hefur verið fjallað um álag
á spítalanum síðustu misserin en
Sigrún bendir á að það sé ekki alltaf
hægt að skýla sér á bak við mikið
álag. Það sé alveg eins hægt að at-
huga með heilahimnubólgu eins og
að senda fólk í myndatöku. „Þú get-
ur ekki alveg afsakað þig með álagi.“
Aðspurð segir Sigrún að sig langi
að kvarta til landlæknis en hún hafi
ekki trú á því að það breyti neinu.
„Ég hef ekki trú á þessu kerfi,“ seg-
ir hún og bætir við að eftir þessa
reynslu hafi hún hugsað að hún
þyrfti helst að læra hjúkrunarfræði
til að sinna börnunum sínum ef þau
skyldu veikjast.
Fárveik heim af bráðamóttöku
- Send tvívegis heim með það sem reyndist vera heilahimnubólga - Upplifði ítrekað að ekki væri verið
að hlusta á hana - Ranglega greind með mígreni - Ekki alveg hægt að afsaka sig með álagi
Morgunblaðið/Kristinn Magnússon
Bráðamóttakan Seint og illa gekk að fá greiningu og þurftu mæðgurnar þrisvar að leita á bráðamóttökuna.
Þrisvar á spítala
» Veikindi dótturinnar byrjuðu
26. maí.
» Hinn 30. maí var fyrst farið
á bráðamóttöku.
» 2. júní var hún send heim og
talið að hún væri með mígreni.
» Í þriðju heimsókninni 9. júní
var loks greind heilahimnu-
bólga.
6 FRÉTTIR
Innlent
MORGUNBLAÐIÐ MIÐVIKUDAGUR 15. JÚNÍ 2022
Sími 587 1717
www.sulatravel.is
Stangarhyl 1 , 110 Reykjavík
KARÍBAHAF 17.-29. nóvember
Verð frá kr.
495.000
á mann í 2ja manna
inniklefa með
PREMIUM ALLT
INNIFALIÐ
ORLANDO - COZUMEL - COSTA MAYA - ROATÁN - HARVEST CAYE
ALLT INNIFALIÐ Í ÖLLUM SIGLINGUM
EKKI BORGA MEIRA EN ÞÚ ÞARFT
PREMIUM
ALL INCLUSIVE
8 sæti
laus
Tveir ferðamenn urðu innlyksa upp
við klett í Reynisfjöru í gær á háflóði.
Útkall barst um fimmleytið og fóru
lögreglan og björgunarsveitir á Suð-
urlandi á vettvang. Ekki var hægt að
komast að ferðamönnunum og voru
þá aðstæður kannaðar með drónum.
Talið var að ferðamennirnir væru á
öruggum stað og var því ákveðið að
bíða skyldi eftir því að fjara myndi
út.
Um klukkan tíu í gærkvöldi kom-
ust svo björgunarmenn að fólkinu og
náðu að bjarga því, en verið var að
koma ferðamönnunum í öruggt skjól
til aðhlynningar þegar Morgunblað-
ið fór í prentun.
„Þau eru eitthvað blaut enda búin
að bíða þarna í einhvern tíma en að
öðru leyti voru þau ekkert slösuð.
Það verður hlúð að þeim núna,“ sagði
Davíð Már Bjarnason, upplýsinga-
fulltrúi Slysavarnafélagsins Lands-
bjargar.
Banaslys varð í Reynisfjöru á
föstudaginn og á laugardaginn lenti
fólk í hremmingum í flæðarmálinu.
anton@mbl.is
Morgunblaðið/Sigurður Bogi
Reynisfjara Fjaran er vinsæl meðal ferðamanna en mannskæð slys virðast
fylgja auknum ferðamannastraumi í fjöruna. Banaslys varð þar á föstudag.
Ferðamenn inn-
lyksa í Reynisfjöru
- Bíða þurfti eftir fjöru til að komast að