Morgunblaðið - 17.06.2022, Side 4

4 FRÉTTIR
Innlent
MORGUNBLAÐIÐ FÖSTUDAGUR 17. JÚNÍ 2022
Sjóðurinn Gjöf
Jóns Sigurðssonar
Auglýst er eftir umsóknum um verðlaun úr
sjóðnum. Ítarlegri auglýsingu og upplýsingar
er að finna á vef menningar- og viðskiptaráðu-
neytisins www.mvf.is
Umsóknir skulu berast fyrir 1. september 2022
Reykjavík, 16. júní 2022
Verðlaunanefnd Gjafar Jóns Sigurðssonar
Karlotta Líf Sumarliðadóttir
karlottalif@mbl.is
Skipulagsfulltrúi Skorradalshrepps
hefur stöðvað aðra framkvæmd hjá
Skógræktinni, í þetta sinn í landi
Bakkakots á Botnsheiði. Þetta stað-
festa skipulagsfulltrúi og skógrækt-
arstjóri. Um er að ræða gróð-
ursetningu birkis, að sögn Þrastar
Eysteinssonar skógræktarstjóra, og
er tilgangurinn að efla útbreiðslu
birkis á svæðinu. „Okkur finnst
ekki vera tilefni til að stöðva fram-
kvæmdina, af því að þetta er klár-
lega á landi í eigu Skógræktar-
innar,“ segir Þröstur. „Þetta er líka
klárlega í fullu samræmi við stefnu
sveitarfélagsins að auka útbreiðslu
birkis á þessu svæði og við skiljum
ekki hvað sveitarfélagið getur haft
á móti því.“
Sigurbjörg Ósk Áskelsdóttir,
skipulagsfulltrúi Skorradalshrepps,
segir aftur á móti að framkvæmdin
samræmist ekki stefnu aðalskipu-
lags Skorradalshrepps, en verið var
að gróðursetja fyrir ofan 300 metra
hæðarlínu. „Það var óskað eftir
stöðvun á miðvikudagsmorgun á
grundvelli 53. gr. skipulagslaga þar
sem um er að ræða óleyfisfram-
kvæmd,“ segir Sigurbjörg. Fram-
kvæmdin var stöðvuð að morgni
fimmtudags. Þröstur segir óvana-
legt að tvær framkvæmdir Skóg-
ræktarinnar hafi verið stöðvaðar á
skömmum tíma. Framkvæmdin við
Botnsheiði var ekki tilkynnt til
skipulagsnefndar og segir Þröstur
að ekki sé venja fyrir því þegar um
land Skógræktarinnar er að ræða.
„Þetta er það sem hreppurinn segir
að við hefðum átt að gera, því erum
við bara ekki sammála. En fyrir
það er náttúrlega vettvangur þar
sem þetta verður útkljáð.“
Vonar að sveitarstjórn
leggi fram kæru
Skipulagsfulltrúi stöðvaði óleyfis-
framkvæmd í hlíðum Dragafells
fyrr í mánuðinum þar sem Skóg-
ræktin var að ryðja veg. Er veg-
urinn utan skógræktarsvæðis, sam-
kvæmt aðalskipulagi Skorradals-
hrepps. Hulda Guðmundsdóttir,
skógarbóndi á Fitjum í Skorradal,
kærði framkvæmdina til lögreglu á
þriðjudag. „Ég bíð spennt eftir því
að fá að vita hvort kæran verði
samþykkt og vona að sveitarstjórn
muni einnig kæra fyrir þessar ólög-
legu aðgerðir,“ segir Hulda. „Það
finnst mér að hljóti bara að vera,
sérstaklega í ljósi þess að Skóg-
ræktin virðist nú halda bara áfram,
það er mjög skrýtið.“
Hulda segir fólk á svæðinu
hneykslað á stöðunni sem nú er
uppi. „Fólk bara skilur þetta ekki,
ég fæ meira að segja hringingar þó
að ég sé ekki í hreppsnefnd eða
skipulagsnefnd eða neitt. Það er
verið að spyrja hvort ég viti eitt-
hvað um þetta og svo fæ ég tölvu-
pósta frá fólki sem er að bjóða fram
aðstoð sína ef þörf er á.“
Sveitarstjórn Skorradals-
hrepps fundar um málið í júlí
Jón Eiríkur Einarsson, oddviti
Skorradalshrepps, segir að sveit-
arstjórn sé ekki búin að taka
ákvörðun um framhaldið hvað varð-
ar slóðagerðina í Dragafelli. „Það
er ekki komin nein niðurstaða í
málið önnur en að þarna voru
stöðvaðar framkvæmdir sem við
teljum óleyfisframkvæmdir. Skipu-
lagsnefnd Skorradalshrepps er með
þetta á sínum snærum og svo fer
þetta til sveitarstjórnar. Ég reikna
með að nefndin fundi von bráðar,
sveitarstjórn kemur að öllum lík-
indum til með að funda annan mið-
vikudag í júlí og þá tökum við
væntanlega fyrir bókun skipulags-
nefndar.“
Skorradalur Skipulagsfulltrúi Skorradalshrepps hefur stöðvað gróðursetningu sem Skógræktin stendur fyrir.
Stöðva aðra framkvæmd
hjá Skógræktinni
- Skógræktarstjóra finnst ekki vera tilefni til stöðvunar
Sigurður Bogi Sævarsson
sbs@mbl.is
„Áfallið er mikið og allar forsendur í
okkar rekstri eru breyttar. Ég tel
ráðgjöf Hafró heldur ekki raun-
hæfa, enda er hún byggð fremur á
kennisetningum en þeim ítarlegu
rannsóknum sem þarf að gera,“ seg-
ir Guðmundur Smári Guðmundsson,
framkvæmdastjóri G. Run í Grund-
arfirði. Eins og fram hefur komið
leggur Hafrannsóknastofnun til 6%
lækkun aflamarks í þorski á því
fiskveiðiári sem hefst 1. september
næstkomandi. Því gæti kvótinn far-
ið í um 209 þúsund tonn, en nú eru
heimildirnar rúm 222 þúsund tonn.
Mikil umsvif í
þorskvinnslu og karfa
Hjá G.Run hefur vinnsla á þorski
verið stór þáttur í starfseminni.
Einnig hefur fyrirtækið verið um-
svifamikið í karfa, en þar verða
veiðiheimildir á komandi fiskveiðiári
skertar um 20% milli ára.
Nýtt fiskvinnsluhús G.Run var
tekið í notkun árið 2019 og miðað
við full afköst geta þar farið í gegn
um 6.300 tonn af fiski árlega. Fram-
leiðslan í dag nær því að vísu ekki
og vinnslan liggur niðri í um tvo
mánuði á ári yfir hásumarið.
Skerði sjávarútvegsráðherra
veiðiheimildirnar í samræmi við fyr-
irliggjandi ráðgjöf, býst Smári við
að fiskmagn sem fer í gegnum húsið
á ári fari niður í um 4.500 tonn. Slíkt
þýði þá að sumarstoppið lengist úr
tveimur mánuðum í þrjá og að inn-
tekt fyrir afurðir dragist saman um
hundruð milljóna króna. Einnig
gæti þurft að fækka starfsfólki, en í
dag eru starfsmenn G. Run til sjós
eða lands um 90 talsins. Talsverður
hluti af því er fólk frá öðrum lönd-
um, sem hefur sest að á Íslandi.
„Sjávarútvegurinn þarf núna að
skera niður og víða úti um land má
búast við meiriháttar atvinnuleysi.
Fyrir nokkrum árum endurnýjuð-
um við skip og byggðum nýtt frysti-
hús og vörðum til þessa á fjórða
milljarð króna. Uppbygging þessi
var þó öll í samræmi við að veiði-
heimildir yrðu svipaðar og verið
hefur undanfarin ár. Ég bjóst aldrei
við þessari hrikalegu skerðingu
bæði í þorski og karfa sem nú virð-
ist blasa við,“ segir Smári. Rann-
sóknir Hafró á fiskistofnunum telur
hann mjög takmarkaðar og of litlu
til þeirra varið. Þær taki sömuleiðis
í of ríkum mæli mið af viðmiðum Al-
þjóðahafrannsóknaráðsins í Kaup-
mannahöfn og þurfi að vera eftir
þess viðmiðum.
Ráð fiskifræðinga ekki óvænt
„Ráðgjöf fiskifræðinga nú, sem
var kannski ekki óvænt, felur í sér
mikil vonbrigði. Segir okkur að til-
raunir síðustu ára til þess að byggja
upp sterkan þorskstofn hafi mistek-
ist. Þetta allt kallar á umræðu og
breytt vinnubrögð, eins og útgerð-
armenn ræða nú,“ segir Smári.
Mikið áfall og býst við atvinnuleysi
- Ráðgjöf um þorsk veldur vanda - Viðsjár eru í sjávarútvegi - Forsendur fjárfestingar brostnar
- Þriggja mánaða stopp og uppsagnir hugsanlegar, segir framkvæmdastjóri G. Run í Grundarfirði
Morgunblaðið/Sigurður Bogi
Sjávarútvegur Flökin unnin í fiskvinnsluhúsi G.Run í Grundarfirði.
Gunnhildur Sif Oddsdóttir
gunnhildursif@mbl.is
„Staðan er óviðunandi,“ segir Alma
Möller landlæknir um ástandið á
bráðamóttökunni í samtali við Morg-
unblaðið.
„Þetta á sér
auðvitað mjög
langa sögu og
embættið hefur
sinnt eftirlitshlut-
verki mjög reglu-
lega. Við fórum
og gerðum úttekt
2018 og skiluðum
skýrslu um það
og höfum síðan
margoft farið í eftirlit og bent á
vandann og hvað þurfi að gera,“ seg-
ir Alma.
Síðast fór embætti landlæknis í
eftirlit á bráðamóttökuna 30. maí og í
kjölfarið var minnisblaði skilað til
heilbrigðisráðherra 2. júní og 8. júní.
Síðan þá hefur viðbragðsteymi heil-
brigðisráðuneytisins um bráðaþjón-
ustu í landinu verið stofnað og segist
Alma binda miklar vonir við það.
„Málefnin sem endurspeglast í
stöðunni á bráðamóttökunni eru auð-
vitað mjög flókin og þau eru háð
utanaðkomandi áhrifum. Þetta hefur
farið versnandi yfir mjög langan
tíma. Þess vegna eru ekki til neinar
skyndilausnir, því miður, og þess
vegna hef ég sem landlæknir lagt
áherslu á samstarf Landspítala og
heilbrigðisráðuneytis en líka allra
þeirra sem sinna bráðaþjónustu í
landinu, enda endurspeglast það í
þessu viðbragðsteymi,“ segir Alma.
Áskoranirnar marg-
þættar og risavaxnar
Alma segir áskoranir bráðamót-
tökunnar margþættar og risavaxnar.
Í fyrsta lagi sé mönnun áskorun og
síðan þurfi að auka fjölbreytni í úr-
ræðum fyrir aldraða. Hún bendir
einnig á að húsnæði spítalans sé óvið-
unandi og heimsfaraldur Covid-19
hafi síðan ekki bætt úr. „Svo þetta er
ofboðslega snúin staða.“
Fjölmiðlar hafa undanfarna daga
greint frá alvarlegri stöðu á Land-
spítalanum og á bráðamóttökunni.
Nú síðast greindi Morgunblaðið frá
því að móðir hefði þrisvar á tíu dög-
um farið með dóttur sína þangað til
að fá loks grun sinn staðfestan um að
dóttirin, nýbökuð móðir, væri með
heilahimnubólgu.
Alma segist ekki vita til þess að
margir hafi kvartað til embættisins
vegna stöðunnar á bráðamóttökunni.
Segir stöðuna
óviðunandi
- Bindur vonir við nýtt viðbragðsteymi
Alma D. Möller