Morgunblaðið - 22.07.2022, Qupperneq 13

FRÉTTIR 13Erlent
MORGUNBLAÐIÐ FÖSTUDAGUR 22. JÚLÍ 2022
Ítalski forsætisráðherrann Mario
Draghi fer nú sömu leið og breskur
starfsbróðir hans, Boris Johnson, og
segir af sér eftir róstusama viku í
ítölskum stjórnmálum.
Tjáði Draghi forseta landsins,
Sergio Mattarella, að hann tæki pok-
ann sinn eftir að þrír flokkar sam-
steypustjórnarinnar, sem hann hef-
ur leitt síðan í febrúar í fyrra,
neituðu að veita honum stuðning
sinn.
Draghi hefur þó notið mikilla vin-
sælda meðal landa sinna og var veitt
viðurnefnið Super Mario eftir einni
nafntoguðustu tölvuleikjapersónu
20. aldarinnar þegar hann tókst á við
efnahagshremmingar á evrusvæðinu
sem seðlabankastjóri Evrópu en
þeirri stöðu gegndi Draghi árin 2011
til 2019.
Seðlabankafólk líka með hjarta
Þrátt fyrir feril sinn á vettvangi
peningamála hlaut björgunaráætlun
Draghis, sem er hagfræðingur að
mennt, til handa ítölskum efnahag,
ekki hljómgrunn hjá ríkisstjórn
hans. Mattarella forseti bað ráð-
herrann að sitja áfram og í fyrradag
lýsti Draghi því yfir í þinginu að svo
gæti hann vel gert hlyti stjórn hans
„nýjan traustsáttmála“.
Nú þykir hins vegar sýnt að við-
sjár risti of djúpt til að svo megi
verða og greindi Super Mario því frá
endanlegri ákvörðun sinni í gær-
morgun. „Jafnvel hjörtu seðlabanka-
fólks eru snertanleg. Ég þakka ykk-
ur innilega fyrir starfið á stjórnar-
tímabilinu,“ sagði ráðherra að
skilnaði. Hlutabréfamarkaðir í Míl-
anó tóku veglega dýfu í gær og
fyrradag í tilefni brotthvarfs hans úr
embætti.
„Super Mario“
tekur poka sinn
- Sundrung ítalskrar ríkisstjórnar
AFP/Andreas Solaro
Afsögn Gamli seðlabankastjórinn
lætur af embætti forsætisráðherra.
Atli Steinn Guðmundsson
atlisteinn@mbl.is
„Fyrir stríðið sótti sonur minn þjóð-
dansasamkomur, lék á píanó og lagði
stund á enskunám,“ segir úkraínska
forsetafrúin Olena Selenska við
NBC-sjónvarpsstöðina bandarísku.
Nú sé öldin hins vegar önnur eftir
innrás Rússa í febrúar og allar þær
hörmungar sem sú atburðarás hefur
fært með sér. Sonurinn ungi, Kiril
Selenskí, níu ára gamall, vilji nú ekk-
ert annað en að leggja stund á bar-
dagaíþróttir og læra að beita riffli.
Kveðst Selenska
sannarlega von-
ast til þess að
sonur þeirra for-
setans fái að öðl-
ast barndóminn á
nýjan leik eftir þá
vargöld sem ríkt
hefur síðan Pútín
Rússlandsforseti
kynti ófriðarbálið
og réðst á ná-
grannaþjóð sína með oddi og egg.
Selenska ræddi við NBC í heim-
sókn sinni til Bandaríkjanna þar sem
hún ávarpaði Bandaríkjaþing í
fyrradag og bað þarlend stjórnvöld
um að útvega þjóð sinni vopn og loft-
varnakerfi til að verjast ágangi
grannþjóðarinnar.
Lifði aðeins fjögur ár
Sýndi Selenska myndir og mynd-
skeið af úkraínskum börnum sem
týnt höfðu lífi sínu eða örkumlast í
innrásinni. Á einni myndanna mátti
sjá hina fjögurra ára gömlu Lizu
Dmítríjevu sem ekki varð eldri en
það. Hún lést í flugskeytaárás á
borgina Vinnytsíja.
„Við eigum okkur þá ósk að hver
móðir og hver faðir geti sagt við barn
sitt „Sofnaðu í ró. Nú verða engar
fleiri loftárásir, engar fleiri flug-
skeytaárásir.“
Er til of mikils ætlast að beiðast
þessa?“ spurði forsetafrúin banda-
rískan þingheim.
Fundaði með Bidenhjónunum
„Ég er að biðja ykkur um vopn.
Vopn sem ekki verða notuð til að
gera árás á lönd annarra heldur til
að verja heimili okkar og rétt okkar
til að vakna lifandi á þeim heimilum,“
sagði Selenska enn fremur og dró
hvergi úr.
Bandaríkjaþing hefur fram til
þessa veitt Úkraínu stuðning með
verðmiða upp á átta milljarða dala,
jafnvirði tæplega 1.100 milljarða ís-
lenskra króna, og þykir eins líklegt
að buddan verði opnuð á ný. Í heim-
sókn sinni fundaði Selenska enn
fremur með Joe Biden Bandaríkja-
forseta, forsetafrúnni Jill Biden og
Antony Blinken, utanríkisráðherra
Bandaríkjanna, auk þess að eiga
fund með fulltrúum Úkraínumanna
búsettra vestanhafs.
„Ég er að biðja ykkur um vopn“
- Níu ára forsetasonur vill læra að beita skotvopnum - Olena Selenska ávarpaði Bandaríkjaþing
- „Verja rétt okkar til að vakna lifandi á heimilum okkar“ - Hafa kostað til átta milljörðum dala
AFP/Igor Tkachev
Herverk Eftir 148 daga stríð sækja Rússar nú líklega að næststærsta orkuveri Úkraínu í Vuhlehirska, norðaustur af Dónetsk. Myndin er hins vegar frá bænum Bakhmut í Austur-Úkraínu.
Olena
Selenska
SKVÍSAÐU ÞIG UPP
FYRIR SUMARIÐ
STÆRÐIR 1428
Síðustu dagar
útsölunnar
Gerðu súperkaup á útsölunni!!
Sjáðu úrvalið eða pantaðu í netverslun www.curvy.is
Opið í verslun Curvy við Grensásveg
Alla virka daga frá kl. 11-18 og laugardaga frá kl. 11-16
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is