Morgunblaðið - 16.07.2022, Side 6

6 FRÉTTIR
Innlent
MORGUNBLAÐIÐ LAUGARDAGUR 16. JÚLÍ 2022
Opið hús þriðjudaginn 19. júlí kl. 18:00–18:30
EINBÝLISHÚS 211,6 FM ÁSAMT AUKA EINBÝLISHÚSALÓÐ
Fallegt og vel við haldið einbýlishús ásamt tvöföldum bílskúr á
friðsælum útsýnisstað á Kjalarnesi.
Með eigninni fylgir einnig:
• Jákvæð heimild til að byggja 300 fm iðnaðarhúsnæði á lóðinni.
• Tengt lóðinni er önnur einbýlishúsalóð
(Brautarholtsvegur 41)
sem fylgir eigninni.
Stórhöfði 33, Sími 566 0000 • helgafellfasteignasala.is
Brautarholtsvegur 39
Rúnar Þór Árnason, lögg. fasteignasali, S: 566 0000 /77 55 805
Sigtryggur Sigtryggsson
sisi@mbl.is
Óvissa ríkir um framtíð hjólhýsa-
og húsbílabyggðar í Laugardalnum
í Reykjavík. Nú dvelja þar 12 ein-
staklingar á langtímastæðum. Þeim
var gert að yfirgefa svæðið yfir
sumarmánuðina en eru þar enn.
Óska þeir eindregið eftir að vera
þarna áfram. Sumir leigutakar eru
með lögheimili í Reykjavík en aðrir
í öðrum sveitarfélögum.
Sanna Magdalena Mörtudóttir,
borgarfulltrúi Sósíalistaflokks Ís-
lands, lagði fram svohljóðandi fyr-
irspurn á fundi borgarráðs hinn 10.
júní síðastliðinn:
Þurfa langtímalausn
„Hversu langur er biðlisti eftir
langtímastæðum og hvernig gengur
að finna nýtt úrræði fyrir íbúa í
hjólhýsa- og húsbílabyggð Laugar-
dalsins? Vitað er að samningur
rennur út í lok maí og íbúar á svæð-
inu þurfa langtímalausn.“
Ofangreindar upplýsingar koma
fram í svari Ómars Einarssonar,
sviðsstjóra íþrótta- og tóm-
stundasvið Reykjavíkur, sem lagt
var fram í borgarráði 23. júní. „Að
fenginni reynslu er ljóst að ekki fer
alltaf vel saman rekstur tjaldsvæðis
fyrir innlenda og erlenda ferða-
menn og langtímasvæði fyrir hús-
bílaeigendur miðað við núverandi
aðbúnað,“ segir Ómar m.a. í svari
sínu.
Hann segir enn fremur að bent
hafi verið á ýmsa staði í borgar-
landinu þar sem koma mætti upp
aðstöðu fyrir langtímastæði húsbíla.
Hins vegar yrði kostnaðasamt að
útbúa slíkt svæði svo sem vegna
rafmagns, vatns, stæða o.fl. Kostn-
aðurinn gæti hlaupið á 60-100 millj-
ónum króna.
„Nauðsynlegt er að horfa til
framtíðarlausnar í þessu sam-
bandi,“ segir Ómar og bætir við að
skoða þurfi hvort slík stæði yrðu
áfram í Laugardal eða annars stað-
ar í borginni.
Í þessu sambandi er rétt að rifja
upp að í fyrrahaust óskaði íþrótta-
og tómstundasvið eftir viðræðum
við skipulagsfulltrúa um mögulega
staðsetningu á svæði fyrir lang-
tímabílastæði fyrir húsbíla. „Einka-
aðili á markaði gæti þjónustað þá
gesti á sínu landi sem hafa nýtt sér
Laugardalinn hingað til, frekar en
að borgin útvegi land, setji upp
grunnþjónustu og sinni rekstri,“
sagði skipulagsfulltrúinn m.a.í svari
sínu.
Lifa í stöðugri óvissu
Áheyrnarfulltrúi Flokks fólksins,
Kolbrún Baldursdóttir, lagði fram
bókun um málið á borgarráðsfund-
inum 23. júní: „Fulltrúi Flokks
fólksins hefur áhyggjur af þessum
hópi, einna helst vegna þess að
hann lifir í stöðugri óvissu. Ekkert
hefur gengið að finna nýtt úrræði
til framtíðar fyrir íbúa í hjólhýsa-
og húsbílabyggð Laugardalsins. Í
mörg ár hefur verið rætt um að
finna verði langtímalausn en allt
gengur það á hraða snigilsins,“ seg-
ir Kolbrún.
„Fulltrúi Flokks fólksins óttast
að til standi af hálfu borgarinnar að
reyna að losna við þennan hóp í
stað þess að meðtaka hann sem
hluta borgarbúa og finna honum
viðeigandi aðstæður fyrir hús-
bílabyggð. Hvernig sem litið er á
málið þarf að vera lóð í boði fyrir
hjólhýsa- og húsbílabyggð. Út-
hlutun lóðar er á ábyrgð borg-
arinnar en ekki einkaaðila.“
Áhyggjur af hjólhýsafólki í Laugardal
- Óvissa ríkir um framtíð hjólhýsa- og húsbílabyggðarinnar - Nú dvelja 12 einstaklingar á lang-
tímastæðum þar - Rekstur tjaldsvæðis fyrir ferðamenn fer ekki vel saman við langtímastæði
Morgunblaðið/sisi
Laugardalur Núna dvelja 12 einstaklingar í hjólhýsa- og húsbílabyggðinni. Þeir vilja ólmir fá að vera þarna áfram.
Gunnlaugur Snær Ólafsson
gso@mbl.is
Það sem af er strandveiðitímabilinu
hafa 590 bátar, eða tæplega 84%
þeirra sem taka þátt, landað umfram
650 kíló af slægðum afla í þorskígild-
um sem er lögbundið hámark í hverj-
um róðri.
Alls hefur verið landað tæplega
148 tonnum af umframafla sem
dreginn er frá aflaheimildum strand-
veiðanna, en ágóðinn af sölu slíks
afla rennur óskipt í ríkissjóð. Meðal-
verð á slægðum þorski á fiskmörk-
uðum hefur verið hátt frá upphafi
strandveiðitímabilsins og nemur það
462,7 krónum á tímabilinu 2. maí til
15. júlí. Það má því gera ráð fyrir að
rúmlega 68 milljónir króna hafi ratað
í ríkissjóð vegna umframafla það
sem af er strandveiðitímabilinu.
Mikill munur er milli báta þegar
skoðað er hve mikið hver bátur hefur
landað af slíkum afla. Alls hafa þeir
59 bátar sem landað hafa mestum
umframafla komið til hafnar með
32% af öllum umframafla, alls 47,5
tonn eða að meðaltali 806 kíló á bát.
Þá hefur báturinn sem landað hef-
ur mestum umframafla landað rúm-
lega tveimur tonnum af slíkum afla
en sá sem hefur landað næstmest 1,5
tonni. Alls hafa tíu efstu bátarnir
landað 13,1 tonni af umframafla.
Langmest á svæði A
Svæði A er áberandi þegar um-
framafli er annars vegar og hefur
66% af slíkum afla verið landað þar,
en þar landa aðeins 47% af strand-
veiðibátunum. Jafnframt eru 50
bátar af þeim 59 sem landa mestum
umframafla af svæði A.
Þá hafa strandveiðibátar á svæði
B landað tæplega tvöfalt stærra
hlutfall af umframaflanum en bátar
sem landa á svæðinu. Veður hefur
truflað veiðar töluvert á Norðaust-
urlandi og gæti það skýrt mun milli
svæða að einhverju leyti.
A B
C
D
Strandveiði-
svæðin
Umframafli það sem af er strandveiðitímabilinu 2022
Svæði Fjöldi Hlutfall
A 50 85%
B 1 2%
C 1 2%
D 7 12%
A: Eyja- og Miklaholtshreppur til Súðavíkurhrepps
B: Strandabyggð til Grýtubakkahrepps.
C: Þingeyjarsveit til Djúpavogshrepps.
D: Sveitarfélagið Hornafjörður til Borgarbyggðar.
Svæði Umframafli, kg Hlutfall
Bátar sem hafa landað
á strandveiðum Hlutfall
A 97.300 66% 331 47%
B 17.657 12% 147 21%
C 11.875 8% 115 16%
D 20.938 14% 113 16%
Samtals 147.770 706
Svæði þeirra 59 báta
sem hafa landað
mestum umframafla
Heimild: Fiskistofa
Umframafli gefur 68
milljónir í ríkissjóð
- Strandveiðibátar landað 148 tonnum yfir hámarksafla
Morgunblaðið/Alfons
Afli Veiðar ganga vel þegar vel viðrar. Margir hafa landað umframafla.
Gunnlaugur Snær Ólafsson
gso@mbl.is
Hafnarnes Ver ehf. í Þorlákshöfn
verður með mesta sæbjúgnakvóta
á landinu eða 36,62%. Verður afla-
heimildum úthlutað í samræmi við
útreikninga Fiskistofu á veiði-
reynslu. Næstmesta sæbjúgna-
kvótann fær Aurora Seafood ehf.
eða 24,88% og Völ ehf. fær 16,77%.
Eru þannig þrjú félög með 78%
sæbjúgnakvótans.
Þann 15. júní síðastliðinn sam-
þykkti Alþingi frumvarp Svandísar
Svavarsdóttur matvælaráðherra
um um breytingu á lögum um
stjórn fiskveiða með tilliti til veiði-
stjórnar sandkola og hryggleys-
ingja. Með breytingunni var
ákveðið að setja skipum aflahlut-
deild í sæbjúgum skipt niður á
veiðisvæði miðað við veiðireynslu á
fiskveiðiárunum 2018/2019, 2019/
2020 og 2020/2021. Á grundvelli
upplýsinga um landanir hefur
Fiskistofa reiknað áætlaða afla-
hlutdeild útgerða.
Tvö svæði
Veiðisvæðunum er skipt í vest-
ursvæði og austursvæði. Hafnar-
nes ver ehf. er samkvæmt útreikn-
ingum Fiskistofu með 39,33%
kvótans á vestursvæði og 33,9% á
austursvæði, en Aurora Seafood
ehf. er með 24,29% á vestursvæði
og 25,47% á austursvæði. Völ ehf.
er með 12,62% á vestursvæði en
20,92% á austursvæði. Ebbi-útgerð
ehf. er aðeins á vestursvæði og
hefur þar 17,97%, en Emel ehf. er
bara á austursvæði og hefur þar
10,77%.
Þrjú félög með 78%
sæbjúgnakvótans
- Níu fyrirtæki sem fá aflaheimildir