Fréttablaðið - 23.08.2022, Blaðsíða 6

Við gerum ráð fyrir að
velta um 300 millj-
ónum dollara á næsta
ári sem mun gera
okkur að einu stærsta
fyrirtæki á Íslandi
Birgir Jónsson, forstjóri PLAY
Witheld for Pricacy
ehf. er skráð til heimilis
á Hafnartorgi
thorgrimur@frettabladid.is
RÚSSLAND Rú s sne sk a ley n i­
þjónustan FSB hefur formlega
sakað úkraínsk stjórnvöld um að
standa á bak við morðið á Dörju
Dúgínu, sem lést þegar sprengja
sprakk í bíl hennar nærri Moskvu
á laugardaginn. Dúgína var dóttir
þjóðernissinnaða heim spekingsins
Aleksandrs Dúgín, eins af banda­
mönnum Pútíns Rússlandsforseta.
FSB segir morðingjann hafa komist
undan til Eistlands.
Úkraínumenn neita því að hafa
komið nálægt tilræðinu. Rússneski
fyrrum þingmaðurinn Ílja Ponom­
arjov hélt því fram í gær að innlend
rússnesk andspyrnuhreyfing hefði
lýst yfir ábyrgð á því.
Steingrímur Árnason, fyrrum
fjölmiðlamaður í Rússlandi, segir
sér þykja líklegra að innanlands­
menn hafi verið að verki, þótt hann
telji að taka beri orð Ponomarjovs
með fyrirvara. Hann sé í pólitískri
útlegð frá Rússlandi og því bitur út í
stjórnvöld þar.
„Persónulega finnst mér ánægju­
legt að sjá að þeir séu farnir að snú­
ast hver gegn öðrum,“ segir Stein­
grímur.
„Ég býst við að þetta séu ólíg­
arkarnir að missa þolinmæðina.
Það er ekkert voðalega gaman hjá
þeim núna. Það er ekki ólíklegt á
einhverjum tímapunkti að vegna
þrýstingsins á hirðina hans Pútíns
fari einhverjir að tína tölunni.“
Steingrímur bendir á að margir
rússneskir ólígarkar hafi dáið undir
dularfullum kringumstæðum á
undanförnum mánuðum og leiðir
líkur að því að þau tengist valda­
baráttu á æðstu stöðum. „Ég myndi
jafnvel búast við meiru.“ n
Saka Úkraínu um morðið á Dúgínu
Rússneskir embættismenn rannsaka brakið þar sem bílsprengjan varð Dörju
Dúgínu að bana. FRÉTTABLAÐIÐ/GETTY
kristinnhaukur@frettabladid.is
NETÖRYGGI Hópur rússneskra net­
glæpamanna sem svíkja fé út úr Ást­
rölum fela slóð sína á Íslandi. Gera
þeir það með því að hýsa svikasíur
hjá fyrirtækinu Witheld for Privacy
ehf.
Samkvæmt áströlsku útgáfunni af
Financial Review hafa netöryggis­
sérfræðingar rakið síður á borð
við AusBondTrust, Au­Investor
og Millenium Bonds til DarkSide,
rússnesks hóps sem stundar svik á
myrkranetinu (dark web). En þessar
síður eru notaðar til þess að reyna
að hafa fé af fólki sem vill geyma
sparifé sitt í skuldabréfum.
Síðurnar eru hýstar hjá Wit­
held for Privacy, fyrirtæki skráðu
á Íslandi, sem sérhæfir sig í að gera
fólki kleift að fela slóð sína á netinu.
Upplýsingar og heimilisfang Wit­
held for Privacy, á Hafnartorgi, virka
þá sem staðgengill fyrir raunveru­
legar upplýsingar eigenda vefsíðna.
Þegar Fréttablaðið hafði sam­
band við starfsfólk á Íslandi var
blaðamanni bent á að mexíkóskur
maður, búsettur í Bandaríkjunum,
að nafni Sergio Raygoza Hernan­
dez væri stjórnarmaður og for­
svarsmaður fyrirtækisins. Starfs­
fólk hér myndi ekki svara neinum
spurningum.
Þetta er ekki eina dæmið um
að ólögleg eða vafasöm starfsemi
erlendis sé hýst á Íslandi. Frétta­
blaðið hefur meðal annars greint frá
OrangeWebsite, skráð til heimilis á
Klapparstíg, sem hefur meðal ann­
ars hýst hryðjuverkasamtökin ISIS,
breska Covid­svindlara og nýnasista
og 1984 sem nýlega komust í fréttir
fyrir að hýsa andgyðinglega síðu er
kallast The Mapping Project. n
Rússneskir fjársvikamenn njóta
nafnleyndar í gegnum Ísland
Ástralskar fjársvikasíður eru skráðar á Hafnartorgi. FRÉTTABLAÐIÐ/SIGTRYGGUR ARI
thorgrimur@frettabladid.is
BANDARÍKIN Anthony Fauci, for­
stjóri Ofnæmis­ og smitsjúkdóma­
stofnunar Bandaríkjanna (NIAID)
og heilbrigðismálaráðgjafi Joe
Biden Bandaríkjaforseta, tilkynnti
í gær að hann hygðist draga sig til
hlés frá opinberum störfum í des­
ember næstkomandi. Fauci er 81
árs og hefur verið forstjóri NIAID í
tæp fjörutíu ár.
Fauci var áberandi sem sérfræð­
ingur í sóttvarnamálum í stjórnum
Bidens og Donalds Trump á hörð­
ustu köf lum kórónuveirufarald­
ursins. Joe Biden þakkaði Fauci fyrir
störf hans og sagði Bandaríkin vera
hraustari, harðari og heilbrigðari
vegna hans. n
Fauci mun draga sig í hlé í desember
Fauci hefur verið forstjóri Ofnæmis-
og smitsjúkdómastofnunarinnar frá
árinu 1984. FRÉTTABLAÐIÐ/GETTY
Rekstur flugfélagsins PLAY
var neikvæður um tvo
milljarða króna á öðrum
ársfjórðungi 2022. Forstjórinn
segist þess fullviss að
viðsnúningur verði á síðari
hluta ársins og heildarfjöldi
farþega verði kominn í 800
þúsund fyrir lok árs.
ggunnars@frettabladid.is
VIÐSKIPTI Þrátt fyrir hallarekstur
upp á 14,4 milljónir Bandaríkjadala
á öðr u m á r sf jórðu ng i, gera
stjórnendur flugfélagsins PLAY ráð
fyrir jákvæðri rekstraraf komu á
síðari hluta þessa árs.
Birgir Jónsson, forstjóri PLAY,
segir niðurstöðuna í takti við
væntingar stjórnenda þótt vissulega
sé hún verri en vonir stóðu til þegar
félagið var stofnað.
„Við sáum auðvitað ekki fyrir
þessa þróun eldsneytisverðs sem
dæmi. En í stóru myndinni þá má
segja að þetta uppgjör sé ákveðinn
endapunktur á uppbyggingarfasa
félagsins. Við vorum að klára
fjárfestingar, auk þess sem við
höfum verið að fjölga vélum og
áfangastöðum.
Tekjurnar eru að aukast jafnt og
þétt og við gerum ráð fyrir að velta
um 20 milljörðum íslenskra króna
eða 150 til 160 milljónum dala á
árinu öllu. Það yrði gríðarlegur
áfangi,“ segir Birgir
Hann segir fjölgun farþega gefa
góð fyrirheit  fyrir það sem koma
skal.
„Júlímánuður segir okkur að
viðskiptamódelið gengur upp. Þá
vorum við loks komin með allar
okkar 6 vélar í fulla nýtingu og allt
á réttri leið hvað tekjurnar varðar.
Við flugum til að mynda með 110
þúsund farþega í júlí, samanborið
við 80 þúsund farþega í júní og
rúmlega 50 þúsund í maí.“
Birgir segir spár félagsins gera
ráð fyrir að heildarfjöldi farþega
verði um 800 þúsund áður en árið
er á enda.
„Við munum bæta við okkur
f jórum f lug vélum í vetur og
verðum þá með tíu vélar á næsta
ári. Við áformum að velta um 300
milljónum dollara á næsta ári sem
mun gera okkur að einu stærsta
fyrirtæki á Íslandi. Það eru auðvitað
heilmikil tíðindi. Ekki bara fyrir
okkur eða okkar fjárfesta, heldur
fyrir íslenskt atvinnulíf í heild
sinni,“ segir Birgir Jónsson. n
Bjartsýnn þrátt fyrir tveggja
milljarða hallarekstur
Birgir Jónsson, forstjóri PLAY, segir komið að ákveðnum kaflaskilum í uppbyggingu flugfélagsins. FRÉTTABLAÐIÐ/EYÞÓR
kristinnhaukur@frettabladid.is
BRETLAND Forsvarsmenn breskra
ney tendasamt a k a ha fa k ær t
japanska tæknirisann Sony, sem á
Play Station leikjatölvurnar, fyrir
að misnota samkeppnisaðstöðu
sína á vefbúðinni PlayStation Store.
Samkvæmt breska blaðinu The
Guardian hljóðar krafa kærenda
upp á 5 milljarða punda, eða
rúmlega 830 milljarða króna.
Samkvæmt neytendafrömuðin­
um Alex Neill, sem leiðir málsókn­
ina, hefur Sony sett ósanngjarna
skilmála og verð á alla útgefendur
sem vilja komast að á breska mark­
aðinum. Álagningin sé 30 prósent
sem geri það að verkum að leikir eru
oft dýrari í vefbúðinni en á diskum.
„Með þessari málsókn tek ég
upp málstað milljóna Breta sem
hafa verið ofrukkaðir án þeirra
vitneskju. Við teljum að Sony hafi
misnotað stöðu sína og stolið af
viðskiptavinum sínum,“ sagði Neill.
Skaðabótakrafan fyrir hvern
notanda síðunnar hljóðar upp á 67
til 562 pund, eða 11 til 93 þúsund
krónur. En PlayStation Store opnaði
í Bretlandi árið 2016.
Kærendur eru studdir af fjár­
festingafélaginu Woodsford, sem
fjármagnar málsóknina gegn því að
fá hlut af bótunum falli dómur þeim
í vil. En það félag hefur áður stutt
sambærilegar málsóknir, til dæmis
gegn lesta­ og skipafyrirtækjum.
Forsvarsmenn Sony hafa ekki
viljað svara fyrir málið. n
Neytendafrömuður kærir Sony fyrir
að ofrukka fólk á PlayStation Store
Sony er í vanda. FRÉTTABLAÐIÐ/GETTY
6 Fréttir 23. ágúst 2022 ÞRIÐJUDAGURFRÉTTABLAÐIÐ