Sjómannablaðið Víkingur - 01.03.2016, Blaðsíða 26

26 – Sjómannablaðið Víkingur
Úr því að Snæfell ber á góma er
freistandi að halda sögunni ögn
áfram. Einum og hálfum mánuði
eftir sjósetninguna, eða 1. júlí 1943, fór
skipið í reynsluferð og var boðið til
hennar fjölda manns. Þeirra á meðal yf-
irmanni setuliðsins en vera hans um
borð átti að koma í veg fyrir að eftirlits-
skip hersins á firðinum truflaði sigl-
inguna – sem gekk fullkomlega eftir.
Ferðin varð engu að síður söguleg og
lengi í minnum höfð og hent að gaman.
Egill Jónasson, fyrsti skipstjóri Snæ-
fells, ritaði sögu Skipasmíðastöðvar
KEA, og sagði frá reynslusiglingu
Snæfells.
Fórnargripur fyrir borð
„Að sjálfsögðu var nauðsynlegt að sýna
svo göfugum hóp nokkra rausn og hafði
í því skyni verið stillt upp borðum á
framþilfarinu og á leiðinni inn fjörðinn
aftur, sat hópurinn þar og borðaði góð-
meti og drykkjarföng voru við allra hæfi.
Það sögulega, sem gerðist í ferðinni
var það, að þegar menn höfðu setið að
snæðingi um stund, og að sjálfsögðu
fengið sér vel neðan í því, sumir að
minnsta kosti, kvaddi Guðmundur
Pétursson útgerðarmaður sér hljóðs.
Sagðist hann vilja verða fyrstur manna til
þess að bera fram þakkir til ráðamanna
Kaupfélags Eyfirðinga fyrir rausnarlegt
og skemmtilegt boð, og til að óska þessu
nýja og glæsilega skipi velfarnaðar og
giftu. Hann kvað það bera ljósan vott um
hugmyndaauðgi og framfaravilja, að hafa
ráðist í að byggja svo stórt og myndar-
legt skip, eins og þetta skip sýndi greini-
lega.
Áður fyrr, sagði hann, var sá siður
HATTAR
fyrir borð!
Fagnað um borð í Snæfelli hinn 1. júlí 1943. Ekki eru
margir hattar á hattaborðinu en kannski hafa
ungu mennirnir hreinsað af stólbökum líka og
þannig náð umtalsverðri fórn handa Ægi.
Minjasafnið á Akureyri