Vasakver : með almanaki fyrir árin 1939-1943 - 01.01.1941, Page 87

87
5) Sjöundi og áttundi dálkur töflunnar eru prentaðir
með breyttu letri. Kýr, sem mjólka þá nyt er þar stendur,
með tilsvarandi fitu, eru kýr, sem vafamál er hvort þurfi
að gefa fóðurbæti til viðbótar töðunni eða ekki. Öllum
þeim kúm, sem mjólka þá nyt, sem framar er í töflunni,
þarf ekki að gefa fóðurbæti, en þeim, er mjólka þá nyt, er
aftar er, þarf að gefa fóðurbæti eigi þær að halda eðli-
lega á aér nytinni og sýna eigendum sínum fullt gagn
og arð.
6) Sé kúnni ekki gefið yfir 3—4 kg. af fóðurbæti á dag,
þá er bezt að gefa henni blöndu af síldarmjöli (Vi) og
maís (%), en þurfi að gefa henni meira, þá þurfa að vera
fleiri fóðurbætistegundir í blöndunni.
7) Úthey er venjulega 'verra til fóðurs en taða, enda
síðar slegið. Þarf oftast 1,2—1,5 kg. af kýrgæfu útheyi, til
að jafngilda einu kg. af góðri töðu.
8) Öllum þeim kúm, sem vanar eru að komast fyrst
eftir burðinn í nyt, sem svarar til þess, sem er aftan við
sjöunda dálk, ætti að gefa fóðursalt 5—6 vikna tíma fyrir
burðinn, og 2—3 mánuði eftir hann. Hæfileg gjöf af fóður-
salti er 1—2 matskeiðar á dag, og er bezt að gefa það í
fóðurbætinum, sé hann gefinn, en ella hnoðað inn í deig-
bita á stærð við kartöflu.
9) Ætíð þarf að fara í fjósið á sama tíma dag hvern
og mjólka kýrnar í sömu röð. Öll óregla í því efni kostar
meira viðhaldsfóður eða minni mjólk eða hvort tveggja.
10) Mjaltir ber að framkvæma hreinlega, þurrka vel
af júgrunum áður en byrjað er að mjólka, og þvo þau, sé
þess þörf. Betra er að kreistmjólka en toga, og frá því
byrjað er að mjólka kúna, ber að mjólka stanzlaust þar
til mjaltir eru búnar. Allur stanz á mjöltum orsakar minni
mjólk. Vel ber að vanda hreitlurnar.
11) Gæta ber þess, að kýrnar haldist sem bezt hreinar
i fjósinu, og þarf að kembá þær og bursta daglega.
12) Sé gefið fóður með megni lykt, svo sem rófur, vot-
hey eða annað, ber að gefa það eftir mjaltir, svo mjólkin
dragi ekki bragð eftir lyktinni. Moka ætti flórinn nokkru
áður en mjólkað er, því ella getur mjólkin dregið í sig
mykjubragð.
13) Sérstaka natni þarf að sýna síð- og sumarbærum
að haustinu, bæði með því að gefa þeim með beitinni
eftir að grös eru farin að sölna, og eins með því að taka