Vasakver : með almanaki fyrir árin 1939-1943 - 01.01.1942, Síða 83
83
Björk. Vex ágætlega í flestum jarðvegi.
Reynir. Vex aðeins vel í frjórri mold. Gras má aldrei
vaxa þétt að stofni hans.
Lerki. Vex betur norðanlands en srrnnan. Þolir illa um-
hleypingasamt veðurfar.
Víðir. Til eru margar tegundir víðis, og vaxa margar
þeirra hér í frjórri jörð.
Runnar. — Ribs vex ágætlega víðast hvar, þolir illa
fannþunga og storma. Þarf frjósaman jarðveg til þess að
gefa góðan ávöxt. Sólber eru vandræktaðri en ribs. Bera
eigi ávöxt nema í góðum árum og er hætt við kali á
haustin. Siberiskt ertutré, geitblöðrungar og ýmsar spireu-
tegundir geta myndað fallega runna. Blæösp getur einnig
víðast hvar vaxið hér sem runnur. Víði, ribsi, geitblöð-
ungum, rósum o. fl. má fjölga með græðlingum á vorin.
Hinum tegundunum er oftast fjölgað með sáningu. Ösp
og reyni má fjölga með rótarskotum.
Plöntur til gróðursetningar á vorin má fá hjá Skóg-
rækt ríkisins, annaðhvort frá Reykjavík, eða beint úr
græðireitunum á Hallormsstað, Vöglum eða í Múlakoti.
Erlendar trjátegundir er ekki vert að leggja stund á að
rækta, fyrr en skjól er fengið af innlendri björk eða reyni.
UM VERKFÆRAKAUPASJÓÐ
Eftir Pálma Einarsson.
Styrkur er veittur úr Verkfærakaupasjóði á þessi bús-
áhöld:
1. Hestverkfæri til jarðyrkju og verkfæri vegna garð-
yrkju og kornræktar, allt að helmingur verðs.
2. Heyvinnuvélar, svo sem sláttuvélar, rakstarvélar og
snúningsvélar, allt að helmingur af verði þeirra.
3. Tóvinnuvélar til heimilisiðnaðar, svo sem handspuna-
vélar, prjónavélar og vefstólar, allt að % verðs.
4. Dráttarvélar með tilheyrandi verkfærum, svo og minni
skurðgröfur, allt að % verðs.
Styrkur getur aldrei farið yfir 400 kr. til sama manns.
Framlag úr ríkissjóði til Verkfærakaupasjóðs skiptist
milli allra hreppabúnaðarfélaga að % hlutum eftir tölu
jarðabóta-manna og að % hluta eftir tölu félaga. Og er
sú fjárhæð, sem hvert félag fær séreign þess.