Vasakver : með almanaki fyrir árin 1939-1943 - 01.01.1942, Síða 119
119
Þýðing búreikninga er margþætt. Þeir gefa bóndanum
fullkomið yfirlit um hina liagfræðilegu hlið búskaparins,
þeir kenna honum betur en allt annað að leggja hugsun
í starfið og gera áætlanir fyrir framtíðina, þeir kenna
honum reglusemi í viðskiptum og þeir sýna honum greini-
lega hvernig margt smátt gerir eitt stórt. Ekkert getur
eins og vel færðir búreikningar kennt bóndanum, hvernig
hann á að fara að þvi að reka búskap sinn með sem mestu
viti, en sem minnstu striti. Þess vegna eiga búreikningar
að verða fastur liður í búrekstri allra bænda.
LÖG UM SAMVINNUFÉLÖG
eru nr. 46, frá 13. júní 1937 og breyting á þeim lögum, nr.
73 frá 11. júní 1938.
Eftirfarandi eru nokkur helztu ákvæði sámvinnulag-
anna:
1. gr. Lög þessi gilda um öll félög, er starfa á samvinnu-
grundvelli, með því markmiði að efla hagsæld félags-
manna, í réttu hlutfalli við þátttöku þeirra í félagsstarf-
inu, og hafa það verksvið og skipulag, sem nánar er tekið
fram í eftirfarandi greinum.
2. gr. Verksvið samvinnufélaga er:
Að kaupa vörur til heimilisþarfa handa félagsmönnum,
eða hluti, er þeir þarfnast til afnota fyrir sjálfa sig, á
þann hátt, að vörurnar fáist sem beinasta leið frá fram-
leiðendum og sparist útgjöld við óþarfa milliliði (kaupfé-
lög, pöntunarfélög.
Að selja afurðir af búum félagsmanna, eða vörur, er þeir
framleiða sjálfir með eigin atvinnurekstri, enda sé lögð
stund á vöruvöndun og hún háð opinberu eftirliti eða
tryggð á annan hátt (sláturfélög, smjörbú).
Önnur starfsemi, svo sem almenn fræðsla, bygging hí-
býla fyrir fjölskyldur, starfræksla iðnaðarfyrirtækja og
útvegun lána til atvinnurekstrar.
3. gr. Aðaleinkenni á skipulagi samvinnufélaga eru:
Aðgangur frjáls fyrir alla, er fullnægja ákveðnum skil-
yrðum.
Atkvæðisréttur jafn, þannig að hver félagsmaður hafi
eitt atkvæði, án tillits til eigna eða viðskipta í félaginu.