Vasakver : með almanaki fyrir árin 1939-1943 - 01.01.1942, Side 120

120
í varasjóð greiðist árlegt fjártillag af óskiptum tekjum
félagsins.
Tekjuafgangi í ársreikningi félagsins, er stafar af þvi,
sem útsöluverð á keyptum vörum félagsmanna hefir verið
ofan við kostnaðarverð, ellegar útborgað verð fyrir seldar
vörur þeirra hefir reynzt neðan við fullnaðarverð, skal út-
hlutað eftir viðskiptamagni hvors um sig.
í stofnsjóð leggist sem séreign hvers félagsmanns nokk-
uð af tekjuafgangi þeim, er kemur í hans hlut við reikn-
ingslok.
Arður af viðskiptum, er utanfélagsmenn kunna að hafa
gert við félagið, skal lagður í varasjóð, nema honum sé
varið á annan hátt til almenningsþarfa.
Vextir af inneignum félagsmanna, hvort heldur í stofn-
sjóði eða innlánsdeild, ellegar viðskiptareikningi, eigi
hærri en 1%% ofan við innlánsvexti í bönkum, enda eigi
úthlutað arði á annan hátt.
Nafnaskrá skal haldin yfir félagsmenn, svo að jafnan
sé fyrir hendi óræk skýrsla um félagatal.
Innstæðufé í óskiptilegum sameignarsjóðum sé ekki út-
borgað við félagsslit, heldur skal það, að loknum öllum
skuldbindingum, sem á félagsheildinni hvíla, ávaxtað
undir umsjón hlutaðeigandi héraðsstjórnar, unz sam-
vinnufélag eða samvinnufélög með sama markmiði taka
til starfa á félagssvæðinu. Fær það félag eða þau félög
þá umráð sjóðeignarinnar, að áskildu samþykki sýslu-
nefndar, eða bæjarstjómar, og atvinnumálaráðherra.
4. gr. Nú vilja menn stofna samvinnufélag, og skulu
þeir þá kveðja til almenns fundar á því svæði, sem fé-
laginu er ætlað að ná yfir, og bera málið upp til umræðu
og atkvæða. Ef 15 menn eða fleiri koma sér saman um
félagsstofnun og bindast samtökum að gerast félagsmenn,
setja þeir félaginu samþykktir, í samræmi við lög þessi,
og er þá félagið löglega stofnað.
5. gr. Ábyrgð hvers félagsmanns í félögum, sem um ræð-
ir í 2. gr. 1. tölulið, má ekki vera minni en 300 kr., auk inn-
stæðu hans í stofnsjóði. Þó má í félögum, sem eingöngu
selja gegn staðgreiðslu, takmarka ábyrgð félagsmanns við
stofnsjóðsinnstæðu hans, enda skal þá leggja helming af
úthlutuðum tekjuafgangi við stofnsjóðsinnstæðu hans, um