Austurglugginn - 04.09.2008, Page 11

Fimmtudagur 4. september AUSTUR · GLUGGINN 11
Heimir Þorsteinsson verður þriðji
maðurinn til að þjálfa karlalið
Fjarðabyggðar í sumar eftir að David
Hannah hætti.
Hannah tók við í lok júlí af Magna
Fannberg sem var rekinn. Seinasti
leikur Hannah var 3-0 ósigur gegn
Stjörnunni á laugardag. Hann samdi
við Fjarðabyggð í lok maí en fékk
ekki leikheimild með liðinu fyrr
en 15. júlí. Honum var boðið starf
í Skotlandi sem hann þáði. Elvar
Jónsson, aðstoðarmaður Hannah,
hættir einnig en verður áfram í stjórn
félagsins. Í tilkynningu sem félagið
sendi frá sér í gær segir að ljóst hafi
verið að hann gæti ekki klárað tíma-
bilið vegna annarra skuldbindinga.
Heimir Þorsteinsson hefur stýrt lið-
inu af bekknum í seinustu tveimur
leikjum. Hann þjálfaði liðið ásamt
Elvari árin 2004 þegar það fór upp
úr þriðju deild og festi sig í sessi
í annarri deild. Markahrókurinn
reynslumikli, Vilberg Marinó
Jónasson, verður aðstoðarmaður
Heimis. Fjarðabyggð tekur á móti
Víking Ólafsvík á Eskifirði á laug-
ardag klukkan 14:00. GG
ÍR skellti Hetti samanlagt 9-0 í undanúrslitum 1. deildar kvenna í knatt-
spyrnu. ÍR vann fyrri leikinn á Vilhjálmsvelli á laugardag 0-3. Staðan í hálf-
leik var 0-0 en í stöðunni 0-1 meiddist markvörður Hattar, Helga Kristjana
Geirsdóttir og þurfti að fara af velli. ÍR-ingar gengu á lagið og skoruðu tvö
mörk til viðbótar. Þeir burstuðu Hött síðan 6-0 í seinni leiknum í Breiðholti
á þriðjudagskvöld. GG
Tímabilinu hjá austf irsku liðunum
í þriðju deild karla lauk snarlega á
þriðjudagskvöld þegar Sindri og Huginn
féllu bæði úr leik í 8 liða úrslitum deild-
arinnar.
Huginn féll samanlagt 3-2 úr leik
fyrir Skallagrími. Birgir Hákon
Jóhannsson skoraði bæði mörk
Hugins sem tapaði seinni leiknum
í Borgarnesi 2-1 en fyrri leiknum
á Seyðisfirði lauk með 1-1 jafntefli.
David Venn fékk rauða spjaldið á
lokamínútu leiksins í Borgarnesi.
Leikir Sindra og Knattspyrnufélags
Vesturbæjar urðu skrautlegir. Í báðum
komust KV-menn yfir á fyrstu mín-
útunni. Í fyrri leiknum í Vesturbænum
komust Sindra menn yfir fyrir hlé með
mörkum Kristins Þórs Guðlaugssonar
og Tadej Venta en fengu á sig jöfn-
unarmark tólf mínútum fyrir leiks-
lok. Staða þeirra var öllu ljótari í
seinni leiknum á Hornafirði. Eftir
25 mínútur voru þeir 0-3 undir en
þrjú mörk Kristins Þórs á fimm
mínútum jöfnuðu leikinn. Gestirnir
komust yfir kortéri fyrir leikslok og
fjórum mínútum fyrir leikslok var
Halldóri Steinari Kristjánssyni, leik-
manni Sindra, vísað af leikvelli. Seval
Zahirovic jafnaði leikinn í 4-4 í upp-
bótartíma með marki úr vítaspyrnu
en Vesturbæingar komust áfram í
undanúrslit á mörkum skoruðum
á útivelli. Fyrsta tímabili Spyrnis
í Íslandsmótinu lauk á Fellavelli á
föstudagskvöld með 2-2 jafntefli
við Dalvík/Reyni. Gestirnir komust
tvisvar yfir en Njáll Reynisson og
Matthías Baldur Auðunsson jöfn-
uðu fyrir Spyrni. Þeir voru manni
fleiri allan seinni hálfleik.
Oliver Bjarki Ingvarsson, þjálfari
Spyrnis, var sáttur við fyrsta tímabil
félagsins þó það lenti í neðsta sæti
D riðils.
„Liðið hefur lært mikið í sumar.
Það hefur spilað vel í öllum heima-
leikjunum og staðið uppi í hárinu
á öllum mótherjum sínum þar. Við
höfum fengið nokkra skelli í úti-
leikjum. Þar er bæði um að kenna
reynsluleysi og að við höfum ekki
getað stillt upp okkar besta liði. Þú
sérð hversu miklum framförum þessir
ungu strákar hafa tekið. Besta dæmið
er Elvar (Þór Ægisson) sem fór til
Hattar. Ég vona að liðið haldi áfram
og auglýsi eftir áhugasömum ein-
staklingum sem vilja taka við starf-
inu,“ sagði Oliver sem stefnir að því
að snúa aftur í mark Hattar næsta
sumar, en hann gat ekki spilað í sumar
eftir að hafa slitið krossbönd í vetur.
„Í markinu get ég öskrað eins mikið
og ég vil án þess að fá spjöld,“ segir
hann brosandi. GG
Höttur dróst á ný inn í hringiðju fall-
baráttu 2. deildar karla í knattspyrnu
þegar liðið tapaði fyrir Gróttu, 0-1 á
Vilhjálmsvelli. Sigurvin Ólafsson skor-
aði sigurmarkið úr vítaspyrnu þegar
ellefu mínútur voru til leiksloka.
Njáll Eiðsson var ekki ósáttur við
spilamennsku Hattar en sagði dýr-
mætt stig hafa tapast. „Mér fannst
jafnræði með liðunum. Við vorum
kannski betra liðið og meira með
boltann en þeir beittari.“
Hann sagði Hattarmenn alfarið
geta kennt sér um vítið. „Við fáum
á okkur þetta víti vegna byrjenda-
mistaka. Við þurftum ekkert að
brjóta á manninum.“
Höttur hefur 22 stig í 6. sæti, fimm
stigum frá fallsæti þegar þrjár
umferðir eru eftir. „Við höfum sog-
ast hægt og bítandi niður í fallbar-
áttuna og eigum ekki létta leiki eftir.
Ég talað um það fyrir leikinn að ef
við ynnum þennan leik værum við
sloppnir og staða okkar hefði ekki
verið slæm ef við hefðum fengið stig.
En við eigum eftir tvo útileiki og
heimaleik við efsta liðið. Við verðum
að gera betur í þessum leikjum.“
Höttur heimsækir Hvöt á sunnudag.

3. deild
Tímabilinu
er lokið
Reynslunni ríkari. Leikmenn Spyrnis fagna marki Matthíasar. Mynd: GG
2. deild karla
Klaufavíti
kostaði stig
Björgvin Karl Gunnarsson ofar leikmanni Gróttu. Það skilaði litlu þegar upp var staðið.
Mynd: GG
1. deild kvenna
Hetti skellt David Hannah staldraði stutt við hjá
Fjarðabyggð. Mynd: GG
1. deild karla
Aftur skipt um þjálfara