Fréttablaðið - 12.10.2022, Page 28

Eftirminnilegasta
gjöfin er skóbursti
sem ég fékk frá breskri
hótelkeðju sem ég vann
hjá eitt sumar. Þegar ég
ætlaði að nota hann á
skóna mína var mér bent
á að þetta væri tann-
bursti fyrir hunda.
Hjálmar Örn
Þegar spurt er hvort gjafir
til starfsfólks um jól skipti
máli fyrir starfsandann, eru
flestir á því að það skipti
sköpum fyrir hann að gleðja
starfsfólkið með glaðningi
og það skapi vellíðan að
fá viðurkenningu fyrir vel
unnin störf.
sjofn@frettabladid.is
Eins og spakmælið segir: „Það er
sælla að gefa en þiggja.“ Það er
hægt að fara fjölbreyttar leiðir til
að gleðja og ótrúlega margt sem
er í boði í dag. Það getur verið
áskorun að finna gjöf sem fellur
í kramið ef um stóra fjölbreytta
hópa er að ræða og þess vegna er
mjög sniðugt að hafa valkosti.
Það er auðveldara í útfærslu en
maður heldur að gefa fólki val og
reynslan hefur sýnt að það vekur
meiri lukku. Við spurðum nokkra
einstaklinga um fyrirtækjagjafir
og hvort þeim finnist skipta máli
að vinnuveitendur þeirra umbuni
þeim með jólagjöf eða áramóta­
glaðningi. n
Allir fá þá
eitthvað fallegt
Bjargaði jólunum
Berglind Guð-
mundsdóttir,
hjúkrunarfræð-
ingur, sælkeri og
matarbloggari,
eigandi blogg-
síðunnar Gulur,
rauður, grænn og
salt, er ein þeirra
sem hefur fengið þónokkrar gjafir
frá vinnuveitendum sínum og
segir meðal annars að ein gjöfin
hafi hreinlega bjargað jólunum á
hennar bæ.
Hvað er eftirminnilegasta fyrir-
tækjagjöfin sem þú hefur fengið
frá vinnuveitanda þínum og hvers
vegna var hún eftirminnileg?
„Eftirminnilegasta fyrirtækja-
gjöfin er inneign í Smáralindina
sem ég fékk fyrir nokkrum árum.
Ég veit að það er núll rómans
fólginn í þeirri gjöf, en á þessum
tímapunkti var ég búin að vera
með kvíðahnút í maganum yfir
því hvernig ég ætlaði að láta enda
ná saman þessi jólin. Þetta var
því bara algjörlega dásamleg gjöf
og ég gat farið og græjað jólin og
notið í botn,“ segir Berglind.
Finnst þér skipta máli að vinnu-
veitendur umbuni starfsmönnum
sínum með gjöfum?
„Já, það þykir mér. Það eru
margir sem hlaupa fyrir vinnu-
veitendur sína allt árið og eyða
stórum hluta af tíma sínum í
vinnunni. Þarna er tækifæri fyrir
fyrirtækin að gefa til baka, þakka
fyrir og jafnvel koma smá á óvart.“
Hver er þín draumagjöf frá vinnu-
veitandanum?
„Mér finnst bara þrusu fínt að fá
gjafakort og geta valið jólagjöfina
sjálf. En annars slær ilmkerti, rauð-
vín og hlýir sokkar alltaf í gegn
hjá mér,“ segir Berglind og brosir
sínu hlýja brosi. Berglind bætir
að lokum við að það væri lag ef
fyrirtæki myndu hafa tímanlega
samband við hjálparstofnanir og
spyrja: „Hvernig getum við að-
stoðað þessi jól?“
Elska að fá upplifun
Elva Ágústsdótt-
ir, blaðamaður
og stílisti, hefur
fengið gjafir sem
hafa hitt hana
í hjartastað og
glatt hana á eftir-
minnilegan hátt.
Hvað er eftir-
minnilegasta fyrirtækjagjöfin sem
þú hefur fengið frá vinnuveitanda
þínum og hvers vegna var hún eftir-
minnileg?
„Eftirminnilegasta gjöfin er
eflaust grillpanna og gjafabréf á
geggjaðan Michelin veitingastað
úti í Kaupmannahöfn – en gjöfin
var frá hönnunarfyrirtækinu
Muuto sem ég starfaði fyrir á
sínum tíma. Eins fékk ég fallega
íslenska hönnun ein jólin frá Epal,
en við eigum svo marga flotta
hönnuði hér á landi sem eru að
gera það gott og um að gera að
styðja við bakið á þeim. Nokkur ár
í röð fékk ég matarkörfu frá fyrir-
tæki sem ég starfaði fyrir, og gaf
körfurnar áfram til Mæðrastyrks-
nefndar sem tók ávallt fagnandi
á móti. Ég hef líka fengið inneign í
fataverslun sem ég starfaði fyrir,
þá í formi hærri afsláttar en starfs-
mannaafslátturinn var af einni
flík – það þótti mér skondin saga,“
segir Elva.
Finnst þér skipta máli að vinnu-
veitendur umbuni starfsmönnum
sínum með gjöfum?
„Það er alltaf gaman að fá
glaðning í árslok, því verður ekki
neitað. Nokkurs konar umbun
fyrir vel unnin störf yfir árið.“
Hver er þín draumagjöf frá vinnu-
veitandanum?
„Draumagjöfin gæti verið svo
margt. Ég elska allar upplifanir,
svo að gjafabréf í dekur, út að
borða, á tónleika eða í ævin-
týraferð sem keyrir adrenalínið í
gang væri skemmtilegt að fá. Nú
eða inneign hjá flugfélagi sem
tæki mann út fyrir landsteinana í
óvissuferð,“ segir Elva að lokum.
Skóburstinn reyndist vera tannbursti
Hjálmar Örn
skemmtikraftur
og gleðigjafi er
á því að það eigi
að gleðja með
því að gefa og
þessari hefð eigi
að viðhalda.
Hvað er eftir-
minnilegasta fyrirtækjagjöfin sem
þú hefur fengið frá vinnuveitanda
þínum og hvers vegna var hún eftir-
minnileg?
„Eftirminnilegasta gjöfin er
skóbursti sem ég fékk frá breskri
hótelkeðju sem ég vann hjá eitt
sumar. Þegar ég ætlaði að nota
hann á skóna mína var mér bent
á að þetta væri tannbursti fyrir
hunda,“ segir Hjálmar og skellir
upp úr.
Finnst þér skipta máli að vinnu-
veitendur umbuni starfsmönnum
sínum með gjöfum?
„Það er alltaf gaman að fá gjafir
hvort sem það eru afmælis- eða
jólagjafir. Gefa, gefa, gefa, segi ég
við vinnuveitendur.“
Hver er þín draumagjöf frá vinnu-
veitandanum?
„Peningur,“ segir Hjálmar án
nokkurra umhugsunar. Hjálmar
bætir við að fyrirtækjagjafir séu
flott séríslensk hefð sem ekki
megi leggja af undir neinum
kringumstæðum.
Flugferð væri draumurinn
Þórunn Högna,
útlitshönnuður
og stílisti, hefur
fengið margar
jólagjafir sem
hafa glatt hana
og er á því að
jólagjafir til
starfsfólks
gleðji.
Hvað er eftirminnilegasta
fyrirtækjagjöfin sem þú hefur
fengið frá vinnuveitanda þínum
og hvers vegna var hún eftir-
minnileg? „Ég hef fengið margar
skemmtilegar jólagjafir í gegn-
um árin. Alls kyns matar-, vín- og
ostakörfur sem mér finnst alltaf
gaman að fá. Það er engin ein
jólagjöf sem stendur upp úr sem
ég man eftir. En þegar ég var að
vinna hjá SkjáEinum man ég að
þeir gáfu alltaf mjög veglegar
jólagjafir,“ segir Þórunn.
Finnst þér skipta máli að vinnu-
veitendur umbuni starfsmönnum
sínum með gjöfum?
„Já, það finnst mér, svo margt
hægt að gera fyrir starfsfólkið
sitt sem gleður. Mikið af starfs-
fólki er búið að standa langar
vaktir í verslunum yfir hátíðirnar
og oft mikið álag á því. Svo auð-
vitað spilar inn í líka hversu
margir starfsmenn eru hjá fyrir-
tækjunum, hvernig og hvað er
gefið í jólagjafir.“
Hver er þín draumagjöf frá
vinnuveitandanum?
„Mér finnst mjög gaman að
ferðast, þannig að gjafabréf hjá
flugfélagi væri draumagjöfin
mín,“ segir Þórunn dreymin á
svip.
Þegar það er verið að gefa
fyrirtækjagjafir finnst mér líka
mjög sniðugt að gefa gjafakort
til dæmis í Kringluna, Smára-
lind eða í Miðbæinn. Þá geta
allir fundið eitthvað við sitt
hæfi í öllum þessum verslunum.
Bankakort er líka alveg frábær
jólagjöf finnst mér.“
Það er alltaf mikil tilhlökkun á vinnustöðum að vita hver jólagjöfin verður. Sumir geta ekki beðið og rífa hana upp strax á meðan aðrir geyma hana fram á aðfangadagskvöld. FRÉTTABLAÐIÐ/GETTY
16 kynningarblað 12. október 2022 MIÐVIKUDAGURFYRIRTÆKJAGJAFIR