Fréttablaðið - 12.10.2022, Side 45

FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
LÝKUR
UM HELGINA
Stærð Verð m/stillanlegum botni Tilboð
160 x 200 cm 649.900 kr. 519.920 kr.
180 x 200 cm 679.900 kr. 543.920 kr.
180 x 210 cm 689.900 kr. 551.920 kr.
200x200 cm 739.900 kr. 591.920 kr.
SERTA CHANDON HEILSURÚM
(dýna, botn, gafl og lappir)
SETTU ÞIG Í STELLINGAR
FYRIR BETRI SVEFN
MEÐ ÞVÍ EINU AÐ SNERTA TAKKA GETUR ÞÚ STILLT
RÚMIÐ Í HVAÐA STELLINGU SEM ÞÉR HENTAR
Chandon heilsurúmið frá Serta er vandað rúm, sniðið að þínum
þörfum. Pokagormadýna sem skipt er upp í fimm mismunandi
svæði. Góður stuðningur við bak en mýkra við axla- og
mjaðmasvæði. Hægt er að velja um tvo mismunandi stífleika.
Áklæðið utan um dýnuna er mjúkt og slitsterk, ofnæmisfrítt og
andar vel. Rúmið fæst í gráu og grænu áklæði.
STILLANLEGIR DAGAR
20% AFSLÁTTUR
AF STILLANLEGUM RÚMUM
ALLT ÞAÐ NÝJASTA
FRÁ TEMPUR®
Tinna Þorsteinsdóttir, list-
rænn stjórnandi Norrænna
músíkdaga, fer yfir dagskrá
hátíðarinnar sem fer fram
í þessari viku eftir miklar
Covid-frestanir.
tsh@frettabladid.is
Tónlistarhátíðin Norrænir músík-
dagar hófst í gær en hátíðin fer
fram í Reykjavík og Kópavogi til
15. október. Norrænir músíkdagar
er ein af elstu hátíðum fyrir klass-
íska samtímatónlist í heimi en hún
var stofnuð árið 1888.
„Þetta er langþráð og er loksins
að verða að veruleika,“ segir Tinna
Þorsteinsdóttir, listrænn stjórnandi
hátíðarinnar.
Upphaflega stóð til að halda Nor-
ræna músíkdaga hér á landi 2021 en
vegna Covid var þeim frestað um
ár. Hátíðin flakkar á milli Norður-
landanna á ári hverju og var síðasta
útgáfa hennar haldin í Færeyjum í
fyrra.
Verk frá allri Skandinavíu
Að sögn Tinnu er hátíðin í ár viða-
mikil og fjölbreytt. „Þetta eru verk
frá allri Skandinavíu, náttúrlega.
Það eru fjölmargir tónleikar en líka
alls konar viðburðir, vinnustofur
og málstofur sem tengjast þema
hátíðarinnar, Impact.“
Samhliða hátíðinni er haldin
hljóðfærasýning í Ráðhúsi Reykja-
víkur sem tónlistarmaðurinn Hall-
dór Eldjárn sýningarstýrir þar sem
sjá má ný hljóðfæri eftir sex hljóð-
færasmiði.
„Þar verða til sýnis nokkrar upp-
finningar góðra manna eins og til
dæmis Dórófónn Halldórs Úlfars-
sonar sem Hildur Guðnadóttir not-
aði í Joker og hefur verið að spila á í
sinni listsköpun. Svo er Segulharpa
eftir Úlf Hansson sem Björk hefur
leikið á. Þetta er mjög áhugaverð og
fjölbreytt sýning,“ segir Tinna.
Á fimmtudag verður svo haldin
svokallaður pop-up viðburður þar
sem gestir fá tækifæri til að hitta
hljóðfærasmiðina, heyra tóndæmi
og jafnvel prófa nokkur hljóðfæri
á sýningunni. Auk þess hafa verið
haldnar vinnusmiðjur tengdar
sýningunni í Listaháskóla Íslands í
aðdraganda hátíðarinnar.
Vinnustofa ungs fjölmiðlafólks
Þá er einnig haldin vinnustofa
fyrir ungt fjölmiðlafólk í samstarfi
við Tónlistarborgina Reykjavík,
Menntaskóla í Tónlist, LHÍ, og RÚV
þar sem ungt og upprennandi fjöl-
miðlafólk fær leiðsögn í að skrifa
greinar og umsagnir um viðburði
og tónleika Norrænna músíkdaga.
Vinnustofuna leiðir þýska tónlistar-
blaðakonan Julia Kaiser sem hefur
haldið sambærilegar vinnustofur
undir heitinu JungeReporter á tón-
listarhátíðum víða um heim.
„Þetta er ofboðslega flott vinnu-
stofa sem Julia Kaiser er með. Þátt-
takendur eru meðal annars að
gera hlaðvörp og skrifa greinar og
við búumst við gagnrýni frá þeim,
sem er mjög spennandi að sjá. Þau
eru þarna bara úti um allt í hverju
skúmaskoti á hátíðinni,“ segir
Tinna.
Samfélagsleg staða tónlistar
Á meðal f lytjenda og tónlistar-
hópa sem koma fram á Norrænum
músíkdögum í ár eru Strokkvart-
ettinn Siggi, Ensemble Adapter,
Kammersveit Reykjavíkur, Dúó
Harpverk, Caput Ensemble og fær-
eyski kammerhópurinn Aldubáran.
„Fókuspunkturinn er á Ísland
og þetta eru mestmegnis íslenskir
f lytjendur. Pælingin er að virkja
það tónlistarfólk sem er á hverjum
stað. En við erum líka með erlenda
gesti, við erum til dæmis með hóp
frá Færeyjum og svo erum við með
skoska sendinefnd, hljómsveitina
Dopey Monkey,“ segir Tinna.
Þema hátíðarinnar í ár er Im-
pact en með því hugleiða Norrænir
músíkdagar stöðu tónlistar og lista
í félagslegu, pólitísku og vistfræði-
legu samhengi.
„Okkur langaði að rannsaka
svolítið hvernig við getum skoðað
samfélagið betur með það að mark-
miði að hafa áhrif. Við erum með
málstofur sem fjalla um jaðarhópa
á borð við innflytjendur í tónlist
á Íslandi. Þannig að það er verið
að reyna að fara út í samfélagið á
breiðari grundvelli. Þetta er eitt-
hvað sem hefur kannski vantað
svolítið í klassíska tónlist en þetta er
að aukast rosalega mikið á Norður-
löndunum.“ n
Tónlist og samfélag á
langþráðum músíkdögum
Tinna Þorsteinsdóttir, listrænn stjórnandi Norrænna músíkdaga segir hátíðina nú vera bæði viðamikla og fjölbreytta.
FRÉTTABLAÐIÐ/ANTON BRINK
Frá opnunartónleikum Norrænna músíkdaga í Ráðhúsi Reykjavíkur í gær.
FRÉTTABLAÐIÐ/VALLI
Þetta er langþráð og er
loksins að verða að
veruleika.
Tinna Þorsteinsdóttir
FRÉTTIR, FÓLK &
MENNING
á Hringbraut
MIÐVIKUDAGUR 12. október 2022 Menning 17FRÉTTABLAÐIÐ