Fréttablaðið - 14.10.2022, Blaðsíða 4

Þetta er merki legt skref
í sam starfi Ís lands og
Græn lands.
Katrín Jakobsdóttir,
forsætisráðherra
stofnhus.is
Kuggavogur 26
Opið hús 15. og 16. október
Glæsilegt fjölbýlishús með fallegri
náttúru allt um kring
Kl. 13:00-17:00
Nýtt
í sölu
odduraevar@frettabladid.is
SAMGÖNGUR Lögreglan á höfuð­
borgarsvæðinu mun ekki sekta fyrir
notkun nagladekkja á höfuðborgar­
svæðinu lengur, að því er segir í til­
kynningu. Veðurfræðingur segist
ekki búast við sömu hálku í morg­
unsárið í dag og var í gær.
Þar segir lögreglan að „þessu verði
víst ekki frestað lengur“, þar sem
hálka sé mætt og þá þurfi ökumenn
að huga að dekkjabúnaði ökutækja.
Eins og Fréttablaðið greindi frá end­
aði leigubíll ofan í Tjörninni í mið­
borginni í morgun eftir hálkuslys.
Alla jafna eru nagladekk bönnuð
frá 15. apríl til 31. október hvert ár,
nema aðstæður gefi tilefni til annars
og telur lögregla svo vera á höfuð­
borgarsvæðinu nú.
„Vetrardekk eru málið þessa dag­
ana og fyrir þá sem þurfa að vera á
negldum dekkjum, þá mun Lögregl­
an á höfuðborgarsvæðinu ekki sekta
fyrir notkun slíks búnaðar,“ skrifar
lögreglan á samfélagsmiðlinum.
Hún hvetur ökumenn til að fara
varlega og hafa bíla og önnur farar­
tæki búin í samræmi við veðurfar.
„Líf og fjör!“ skrifar lögreglan að
endingu.
Birgir Örn Höskuldsson veður­
fræðingur segir að það hafi verið kalt
í nótt en svo geri Veðurstofan ráð
fyrir úrkomu. „Þannig að það ætti að
verða þurr jörð nú í morgunsárið. Þá
ætti ekki að myndast hálka eins og
við sáum í gærmorgun.“ n
Nagladekk leyfð en ekki búist við hálku í dag
Vanalega eru nagladekkin bönnuð
frá 15. apríl til 31. október ár hvert.
kristinnpall@frettabladid.is
MENNTUN Háskólinn í Reykjavík
stendur í stað á lista World Univers­
ity Rankings yfir bestu háskóla
heims en Háskóli Íslands fellur um
hundrað sæti og hefur aldrei verið
neðar í tólf ára sögu listans.
Háskólinn í Reykjavík þykir
meðal 301–350 bestu háskóla heims
og í 53. sæti yfir bestu ungu háskóla
heims meðal skóla sem eru með
yngri en fimmtíu ára sögu.
Háskóli Íslands fagnar því að vera
tólfta árið í röð á listanum en eftir
að hafa verið meðal þrjú hundruð
bestu háskóla heims fyrstu átta árin
hefur HÍ sigið niður listann. n
Háskóli Íslands
færist neðar
kristinnpall@frettabladid.is
REYKJAVÍK Umhverfis­ og skipulags­
ráð Reykjavíkurborgar samþykkti að
vísa tillögu Kolbrúnar Baldursdóttur
í Flokki fólksins um að hætta gras­
slætti á umferðareyjum til frekari
meðferðar.
Í tillögunni kemur fram að Kol­
brún telji óþarft að slá gras á öllum
umferðareyjum og að þarna sé tæki­
færi til að spara án þess að spilla
umhverfinu. Þessi svæði eigi skilið
frið til að þróast samkvæmt nátt­
úrulegum ferli.
„Ég átti allt eins von á því að þau
væru að fella hugmyndina eða að
það kæmi neikvæð umsögn en það
var samþykkt að vísa málinu áfram,“
segir Kolbrún í samtali við Frétta­
blaðið. „Sums staðar er hægt að draga
úr slætti, annars staðar ekki.“ n
Vill slá af í slætti
á umferðareyjum
Kolbrún
Baldursdóttir,
Flokki fólksins
Oxford-háskóli er
talinn besti háskóli
heims á listanum.
Það var hátíðleg athöfn í
Safnahúsinu í Reykjavík
þegar forsætisráðherra
Íslands og formaður lands­
stjórnar Grænlands skrifuðu
undir yfirlýsingu um aukið
samstarfs milli landanna í
gær. Katrín Jakobsdóttir segir
að um tímamótasamning sé
að ræða í samstarfi tveggja
nágrannalanda.
benediktarnar@frettabladid.is
UTANRÍKISMÁL Fjöldi fólks var kom­
inn saman í Safnahúsið til að verða
vitni að undirritun samkomulags
á milli Íslands og Grænlands um
aukið samstarf landanna. Katrín
Jakobsdóttir, forsætisráðherra
Íslands, hóf ræðuhöldin og talaði
til gesta á dönsku, grænlenskum
gestum til mikillar gleði. Á eftir
henni sagði Múte Bourup Egede,
formaður landsstjórnar Grænlands,
nokkur orð og ritað var undir tíma­
mótasamkomulag.
„Þetta er merkilegt skref í sam­
starfi Íslands og Grænlands, að
formfesta þetta samstarf. Þarna
er kveðið á um nokkur svið, þar
sem ætlunin er að ná ákveðnum
árangri. Í yfirlýsingunni er meðal
annars formfest samstarf í rann­
sóknum, háskólastarf i, menn­
ingarsenu, jafnrétti kynjanna.
Síðan viljum við reyna að leggja
grunninn að fríverslunarsamningi
milli Íslands og Grænlands,“ segir
Katrín, sem telur það merkilegt að
formleg samskipti milli landanna
hafi hingað til ekki verið sérstak­
lega mikil.
„Þá höfum við skynjað mikinn
áhuga hjá íslenskum fyrirtækjum á
að efla starfsemi sína á Grænlandi,
ég held að það séu mikil tækifæri
Merkilegt skref í sam starfi Ís lands og
Grænlands formfest í Safnahúsinu
Katrín Jakobsdóttir, forsætisráðherra Íslands, og Múte B. Egede, formaður landsstjórnar Grænlands, skrifuðu í dag
undir yfirlýsingu um aukið samstarf milli landanna. MYND/AÐSEND
í því,“ segir Katrín. Múte Bourup
Egede, formaður landsstjórnar
Grænlands, tekur í sama streng, en
hann segir að um sé að ræða sögu­
legan dag í samstarfi og vináttu á
milli landanna.
„Á tímum sem þessum, þegar
það er stríð í Evrópu, þá tel ég að
það sé mikilvægt að samhuga lönd,
sem hafa lýðræði og frelsi í gildum
sínum, vinni saman á diplómat­
ískan hátt með samkomulagi líkt
og þessu. Þannig styrkjum við sam­
félögin okkar,“ segir Múte.
Að sögn Katrínar var það Múte
sem átti upphaflegu hugmyndina
að samstarfinu. „Þetta tengist því
að ég heimsótti Grænland í vor og
var þá fyrsti íslenski forsætisráð­
herrann sem heimsótti nágranna
okkar í norðri í 25 ár. Þar fékk Múte
þessa hugmynd, að við myndum
reyna að formfesta samstarfið með
einhverjum hætti og þá settum
við af stað þessa vinnu. Núna er
hann hingað kominn til að form­
festa samstarfið og setja ráðstefnu
Hringborðs Norðurslóða, sem er á
sama tíma,“ segir Katrín, en þessa
dagana stendur yfir hin árlega ráð­
stefna Arctic Circle, eða Hringborðs
Norðurslóða, hér á landi.
Múte, sem kom til landsins í gær,
var spenntur fyrir heimsókninni,
en merkilegast þykir honum veður­
farið á Íslandi.
„Ég held að venjulega á Íslandi
upplifið þið sól og rigningu á sama
degi. Ég hlakka til þegar það byrjar
að rigna seinna í dag,“ sagði Múte. n
4 Fréttir 14. október 2022 FÖSTUDAGURFRÉTTABLAÐIÐ