Heilbrigðisskýrslur - 02.12.1982, Síða 25

23
Ráð til úrbóta
1) Meiri áróður ber að reka fyrir heilnæmum neysluvenjum á
heimilum.
2) Mötuneytum verður að koma upp í heimagönguskólum. Þar eiga
börn og unglingar að fá heilnæma máltíð ásamt vítamínum.
Ýmis smærri sveitafélög sinna þessu, en mörg stærri sveitar-
félög hafa ekki komið málinu í framkvæmd.
3) Söluskálar (sjoppur) eru að verða ein aðaldreifingarstöð
matvæla. Mikilvæg krafa er að þar séu á boðstólum sæmilegar
fæðutegundir, s.s. brauð, grænmeti, ávextir og mjólk. Ef
eigendur söluskála axla ekki þá ábyrgð sem rekstri þeirra
er samfara ber að vanda betur til úthlutunar söluleyfa.
4) Vítamínbæta skal matvæli í stærri stíl en verið hefur
s.s. kornvörur og smjörlíki, sem selt er til brauðgerðar-
húsa. Jafnframt er nauðsynlegt að vítamínbæta mjólk sem
er á boðstólum.
5) Efla ber starfsemi Manneldisráðs og Manneldisfélags íslands
með fjárframlögum. Nauðsynlegt er að halda áfram næringar-
efnafræðilegum rannsóknum, sem nú eru hafnar sbr. töflur I,
Ila, Ilb og III í viðauka þessarar skýrslu.