Fréttablaðið - 01.12.2022, Qupperneq 36

Óskar Örn Hauksson er einn
besti knattspyrnumaður í
sögu efstu deildar hér á landi.
Hann er nú samningslaus eftir
eitt ár hjá Stjörnunni í Garða-
bæ. Kappinn er ekki mikið að
stressa sig á því að finna sér
nýtt félag en er þó farinn að
líta til þess hvert næsta skref
skal tekið.
helgifannar@frettabladid.is
FÓTBOLTI Reynsluboltinn Óskar Örn
Hauksson gekk í raðir Stjörnunnar
frá KR síðasta vetur. Hann hafði
verið hjá Vesturbæjarfélaginu í fjór-
tán ár og er goðsögn þar á bæ.
Þegar Fréttablaðið heyrði í Óskari
var hann nýkominn úr fríi á erlendri
grundu, þar sem hann naut lífsins og
hafði það gott. Hann horfir til fram-
tíðar en er opinn fyrir ýmsum mögu-
leikum í þeim efnum.
„Þetta var mjög gott og kærkomið
frí. Núna er ég bara að taka því
rólega, melta stöðuna,“ segir hinn
38 ára gamli Óskar.
Mun spila næsta sumar
Hann fékk ekki að spila eins mikið
og flestir bjuggust við hjá Stjörnunni
og kom hlutverk hans í Garðabæn-
um einhverjum á óvart.
„Persónulega hefði maður kannski
viljað sjá þetta fara öðruvísi, ég neita
því ekki. Ég tel nú samt á köflum að
ég hafi sýnt ágætis frammistöðu.
Sýnt fram á hluti sem ég hef sýnt
fram á áður á mínum ferli,“ segir
Óskar um sumarið hjá Stjörnunni.
Hvað frammistöðu liðsins varðar
er hann hins vegar sáttur. Stjarnan
hafnaði í fimmta sæti Bestu deildar-
innar.
„Stjarnan getur unað vel við sinn
árangur sem lið. Það töpuðust auð-
vitað of margir leikir en hvað sæti í
deildinni varðar var þetta nokkuð
gott.“
Óskar hefur verið orðaður við hin
og þessi lið undanfarið. Ljóst er að
nóg býr enn í þessum frábæra leik-
manni þó svo að hann sé kominn á
sín efri ár í heimi knattspyrnunnar.
Þrátt fyrir að hann hafi ekki verið
að flýta sér um of að finna nýtt félag
býst hann hins vegar við því að reima
Einn sá besti horfir til framtíðar eftir erfitt sumar
Ferill Óskars í íslenska boltanum
Óskar steig sín fyrstu skref í íslenska boltanum
með Njarðvíkingum sumarið 2001. Þá var hann
á sautjánda aldursári. Kappinn var svo fasta-
maður með liðinu í 2. deild sumarið 2002 og
árið eftir í næst efstu deild, þar sem hann
skoraði sjö mörk í fimmtán leikjum.
Þaðan færði Óskar sig yfir til nágrannanna í
Grindavík og lék þrjú sumur með liðinu í efstu
deild.
Fyrir sumarið 2007 fékk stórveldið KR Óskar
til liðs við sig og þá var ekki aftur snúið. Með
hann innanborðs vann liðið þrjá Íslandsmeist-
aratitla og fjóra bikarmeistaratitla. Alls skoraði
Óskar 157 mörk í 552 leikjum.
Fyrir síðustu leiktíð gekk hann svo í raðir
Stjörnunnar, þar sem hann lék eitt tímabil í
efstu deild.
á sig takkaskóna næsta vor og taka
slaginn í boltanum enn eitt sumarið.
„Ég á von á því. Þetta tímabil í
sumar var kannski ekki að hjálpa
upp á gleðina í þessu en mér finnst
nú enn þá gaman í fótbolta. Þegar
maður hættir í fótbolta þá kemur
hann ekkert aftur og ég geri mér
grein fyrir því.
Ég á ekki mörg ár eftir í þessu en ég
held áfram.“
Uppeldisfélagið haft samband
Auk þess að leika með Stjörnunni
og KR hefur Óskar verið á mála hjá
Grindavík og Njarðvík hér á landi.
Hann er uppalinn hjá síðarnefnda
félaginu og steig þar sín fyrstu skref í
meistaraflokki.
Óskar var spurður út í það hvort
fulltrúar uppeldisfélagsins hefðu
haft samband við hann undanfarna
mánuði, heyrt í honum hljóðið og
athugað hvort möguleiki væri að fá
hann heim.
„Ég á einhverja félaga þar og hef
fengið alls konar skilaboð. Maður
veit af áhuga þar,“ segir Óskar.
Njarðvík tryggði sér sæti í Lengju-
deildinni, næstefstu deild íslensku
knattspyrnunnar, í haust eftir frá-
bært tímabil í 2. deild. Grindavík
leikur einnig í þeirri deild. Óskar
tekur ekki fyrir þann möguleika að
hann gæti spilað í Lengjudeildinni á
næstu leiktíð.
„Fyrir utan KR eru þetta bara
mín lið, svo það er eðlilegt að menn
fari að tala um þau í sambandi við
framtíð mína. Maður þekkir marga
á báðum stöðum. Það er alls konar
í þessu en maður þarf bara að vega
það og meta,“ segir Óskar Örn
Hauksson. n
Þetta
tímabil í
sumar var
kannski
ekki að
hjálpa upp
á gleðina í
þessu.
Óskar Örn
Hauksson varð
þrisvar sinnum
Íslandsmeistari
og fjórum
sinnum bikar-
meistari er hann
var á mála hjá
KR
FRÉTTABLAÐIÐ/
HANNA
hoddi@frettabladid.is
FÓTBOLTI Knattspyrnuhátíðin í
Katar hefur staðið undir vænt-
ingum innan vallar en málefnin
utan vallar hafa þó sett sinn svip á
mótið. England er með verðmætasta
leikmannahópinn á mótinu. Þetta
kemur fram í samantekt sem CIES-
stofnunin hefur tekið saman. Allir
26 leikmenn í hverjum hópi eru
verðmetnir og það síðan lagt saman.
Jude Bellingham er verðmætasti
leikmaður enska landsliðshópsins
en verðmæti hans er í dag í kringum
202 milljónir evra samkvæmt CIES.
Bellingham er 19 ára gamall og skor-
aði fyrsta mark Englands á mótinu
þegar hann skoraði í sannfærandi
sigri á Íran. Enska liðið er komið í
16 liða úrslit mótsins og mætir þar
Senegal á sunnudag í áhugaverðu
einvígi.
Bellingham er ein skærasta
stjarna enska liðsins þrátt fyrir
ungan aldur, frammistaða hans með
Borussia Dortmund í Þýskalandi
hefur vakið mikla athygli og eru öll
stærstu félög Evrópu með augastað
á honum fyrir næsta sumar þegar
Dortmund er tilbúið að selja hann.
Vinicius Jr. sem hefur átt frábær-
an tíma hjá Real Madrid er næst-
verðmætasti leikmaður mótsins og
er metinn á ögn minna en Belling-
ham. Sóknarmaðurinn frá Brasilíu
hefur ekki fundið sinn besta takt í
Katar en úrslitastundir nálgast og
þar getur hann stigið upp.
Enski hópurinn er ögn verð-
mætari en hópurinn hjá Brasilíu en
bæði lið setja stefnuna á að fara alla
leið. Það gerir franska liðið líka en
einn besti leikmaður í heimi, Kylian
Mbappe, er verðmetinn á 27 millj-
arða íslenskra króna. Mbappe hefur
farið frábærlega af stað í mótinu og
er til alls líklegur þegar líða tekur á
mótið.
Næstu stjörnur fótboltans, Pedri
hjá Spáni og Jamal Musiala hjá
Þýskalandi, hafa vakið verðskuld-
aða athygli á mótinu og eru verð-
mætustu leikmennirnir hjá sínum
þjóðum. n
Enska landsliðið er verðmætasta liðið á HM í Katar
HM í fótbolta – verðmætustu hóparnir
Heimild: CIES Football Observatory
*Gögnin byggja á leikmönnum sem voru í upphaegum hópum,
dæmi eru Benzema (FRA), Gaya (SPÁ), J. Correa (ARG)
Mynd: Getty
Verðgildi leikmanna í
evrum 14. nóvember
© GRAPHIC NEWS
831 leikmaður tekur þátt á HM 2022 í Katar. Samtals eru leikmennirnir
metnir á 15 milljarða evra. Hóparnir 32 sem taka þátt í mótinu eru verðmetnir
frá 23 milljónum evra (Kosta Ríka) til 1,5 milljarða evra (England)
England
Brasilía
Frakkland
Spánn
Portúgal
Þýskaland
Holland
Argentína
Úrúgvæ
Belgía
1,50 ma.
1,46 ma.
1,34 ma.
1,20 ma.
1,15 ma.
1,02 ma.
756 m.
748 m.
590 m.
562 m.
Tíu verðmætustu hóparnir: Verðmatið er reiknað út frá aldri,
frammistöðu og §árhagslegri stöðu leikmanns (í evrum).
Verðmætasti leikmaður: Jude Bellingham (á mynd) – 202 m.
Vinicius Júnior – 201 milljón
Kylian Mbappé – 185 m.
Pedri – 158 m.
Rúben Dias – 118 m.
Jamal Musiala – 151 m.
Frenkie de Jong – 110 m.
Lautaro Martínez – 99 m.
F. Valverde – 123 m.
T. Courtois – 66 m.
Musiala er ein af vonarstjörnum fótboltans í Evrópu. FRÉTTABLAÐIÐ/GETTY
Aldur, samningstaða
og fleira spilar inn í
verðmat leikmanns.
18 Íþróttir 1. desember 2022 FIMMTUDAGURÍÞRÓTTIR FRÉTTABLAÐIÐ 1. desember 2022 FIMMTUDAGUR