Fréttablaðið - 13.12.2022, Page 4

Hvers vegna ætti að
auka niðurgreiðslu til
fjárfesta?
Guðmundur
Hrafn Arngríms-
son, formaður
Leigjendasam-
takanna
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LAUGARDAGA 12-16
JEEP® COMPASS TRAILHAWK 4XE
ALVÖRU JEPPI – ALVÖRU FJÓRHJÓLADRIF
JEEP.IS
PLUG-IN HYBRID
ÓMISSANDI HLUTI
AF FJÖLSKYLDUNNI
EIGUM BÍLA TIL AFHENDINGAR STRAX!
bth@frettabladid.is
HÚSNÆÐISMÁL Guðmundur Hrafn
Arngrímsson, formaður Leigjenda-
samtakanna, segir að húsnæðisbæt-
ur séu niðurgreiðslur úr ríkissjóði
til fjárfesta sem hafi valdið óhug
á leigumarkaði með óhóf legum
hækkunum á leiguverði.
„Hvers vegna ætti að auka niður-
greiðslu til fjárfesta?“ spyr Guð-
mundur Hrafn. „Leiguþak er það
eina sem nær til leigjenda.“
Formenn ríkisstjórnarflokkanna,
Katrín Jakobsdóttir, Bjarni Bene-
diktsson og Sigurður Ingi Jóhanns-
son, kynntu í gær aðgerðir til að
liðka til við gerð kjarasamninga, ein
aðgerðin er hækkun húsnæðisbóta.
Fréttablaðið spurði Katrínu Jakobs-
dóttur forsætisráðherra út í hvort
leiguþak hefði verið rætt innan
ríkisstjórnarinnar en hún svaraði
því ekki með beinum hætti. Engar
aðgerðir eru um leiguþak í tillögum
stjórnvalda sem kynntar voru í gær.
Guðmundur Hrafn telur að hóf-
legt leiguþak gæti losað um tvo tugi
milljarða í aukið ráðstöfunarfé til
handa fjölskyldum á leigumarkaði.
Óverjandi sé að réttlæta auknar
húsnæðisbætur en setja á sama tíma
engar hömlur á leiguverð.
„Að auka ráðstöfunarfé f jöl-
skyldna með leiguþaki mun gagnast
öllu hagkerfinu á meðan húsnæðis-
bætur gagnast bara leigusölum.
Hvort vilja stjórnvöld? Leiguþak
sem kostar ríkissjóð ekkert og
leysir úr læðingi að minnsta kosti
tvo milljarða af ráðstöfunarfé fjöl-
skyldna, eða húsnæðisbætur sem
niðurgreiða fjárfestingar þeirra og
kostar ríkissjóð 10 milljarða?“ segir
Guðmundur Hrafn. n
Segir okrurum umbunað með húsnæðisbótum
kristinnhaukur@frettabladid.is
SAMGÖNGUMÁL Alls eru 329,83
kílómetrar af stofnvegum á Íslandi
án bundins slitlags. Heildarvega-
lengdin er 4.432,34 kílómetrar og
eru malarvegir því rúmlega 7,4
prósent. Inni í þessari tölu eru ekki
stofnvegir á hálendinu, sem telja
479,61 kílómetra.
Þetta kemur fram í svari Sigurðar
Inga Jóhannssonar innviðaráðherra
við fyrirspurn f lokksbróður síns,
Helga Héðinssonar varaþingmanns
Framsóknarflokksins.
Stofnvegir eru hluti af grunnkerfi
samgangna.
Lengsti ómalbikaði vegurinn er
Hlíðarvegur á Austurlandi, sem nær
frá Vopnafirði langleiðina suður að
Egilsstöðum. Þar eru 57,62 kíló-
metrar af 71,2 malarvegur.
Á samgönguáætlun er áætlað að
malbika 159 kílómetra kafla á sjö
vegum til ársins 2034. n
Malarvegir telja
um sjö prósent
lovisa@frettabladid.is
SAMGÖNGUR Flugfélagið Ernir hefur
gert samkomulag við innviðaráðu-
neytið um flug til Vestmannaeyja
þrisvar sinnum í viku. Tvisvar verður
flogið á þriðjudögum og einu sinni á
föstudögum. Frá þessu er greint í til-
kynningu frá Erni.
Ný áætlun tekur gildi í upphafi nýs
árs en í kringum hátíðirnar verður
f lugið með öðrum hætti. Fyrsta
flugið verður næsta föstudag.
Áætlunarflugi flugfélagsins Ernis
til Vestmannaeyja var hætt í septem-
ber 2020 vegna minni eftirspurnar.
„Vonandi er hægt að byggja upp
flug til og frá Vestmannaeyjum til
frambúðar og með fleiri flugferðum
í viku hverri. Félagið hlakkar mikið
til að hefja sig til f lugs á Eyjar og
vonast eftir að sem flestir geti nýtt
sér þjónustuna,“ segir að lokum í til-
kynningunni. n
Fyrsta flugið í
tvö ár á föstudag
Flugfélagið Ernir flýgur nú til Vest-
mannaeyja þrisvar í viku.
Eftir kappviðræður um nýja
kjarasamninga náðist sam-
komulag milli Samtaka
atvinnulífsins og VR og LÍV í
gær. Um er að ræða skamm-
tímasamning en Samtök
atvinnulífsins vonast til að
hann verði að framtíðar-
samningi.
kristinnpall@frettabladid.is
KJARAMÁL „Við höfum kallað
þennan samning Brú að bættum
lífskjörum og hann er nákvæmlega
það. Þó að þetta sé skammtíma-
samningur er markmiðið að gera
langtímasamning þegar viðræður
hefjast að nýju næsta haust. Það
er stutt í að við tökum upp þráð-
inn aftur, sömu samningsaðilar,“
segir Halldór Benjamín Þorbergs-
son, framkvæmdastjóri Samtaka
atvinnulífsins (SA), spurður út í
samkomulagið um að skrifa undir
skammtíma kjarasamning í gær.
Eins og fjallað er um á forsíðu
Fréttablaðsins í dag var undir-
ritaður nýr kjarasamningur á milli
SA og VR, LÍV – landssambands
íslenskra verslunarmanna og sam-
flots iðnaðar- og tæknifólks í gær.
Samningurinn er afturvirkur til 1.
nóvember og gildir í rúmt ár eða til
31. janúar 2024.
Í samningnum eru félagsmönn-
um tryggðar kjarabætur upp á 6,75
prósent en upp að vissu hámarki
í launahækkun upp á 66 þúsund
á mánuði. Á sama tíma tilkynnti
ríkisstjórnin aðgerðir sem miða
að því að styðja við lífskjör lág- og
millitekjufólks með markvissum
aðgerðum í húsnæðismálum og
auknum stuðningi við barnafjöl-
skyldur.
Halldór hrósaði aðilunum sem
sátu við samningaborðið fyrir við-
ræðurnar og sagði samningana
vonandi fordæmisgefandi í fram-
tíðar samningaviðræðum, en SA
eru í viðræðum við Eflingu um nýja
kjarasamninga.
„Ég tel að þetta geti verið fordæm-
isgefandi kjarasamningur. Trúnaður
Samtaka atvinnulífsins liggur gagn-
vart fólkinu í landinu. Þegar verka-
lýðsfélög eru í samningaviðræðum
geta þau gengið út frá því að línan
sem er í kjarasamningunum verður
varin. Samtök atvinnulífsins munu
ekki víkja út frá þeim meginlínum
sem eru í stefnumarkandi kjara-
samningum,“ segir Halldór, spurður
hvaða áhrif þessi samningur hafi á
viðræðurnar við Eflingu.
Í samtali við Fréttablaðið um
miðjan dag í gær sagði Sólveig Anna
Jónsdóttir, formaður Ef lingar, að
samninganefnd Eflingar hefði ekki
fengið boð um kjarasamningavið-
ræður hjá ríkissáttasemjara. Efling
hefur þegar sent samningstilboð á
SA um skammtímasamning.
„Við höfum nú þegar vísað okkar
við ræðum til ríkis sátta semjara en
það hefur enn enginn fundur verið
boðaður.“
Sólveig sagðist vera bjartsýn um
að hjólin færu að snúast á skrifstofu
ríkissáttasemjara.
„Ég er náttúru lega alltaf bjart sýn
vegna þess að okkar kröfur eru sann-
gjarnar, rétt mætar og skyn sam legar.
Þær eru í sam ræmi við vilja okkar
fé lagsfólks og í raun fremur jarð-
bundnar þegar við skoðum ofsa-
gróða ís lenskra fyrir tækja og það
góð æri sem ríkir hjá at vinnu rek-
endum og auð stéttinni.“ n
Kjarasamningurinn geti sett fordæmi
Við undirritun
hjá ríkissátta-
semjara í
gær. Í tilefni
samningsins
var boðið upp á
vöfflur.
FRÉTTABLAÐIÐ/
ANTON BRINK
Aðgerðir stjórnvalda sem
voru tilkynntar í gær:
13,8 prósenta hækkun á hús-
næðisbótum.
35 þúsund íbúðir á næstu tíu
árum.
Barnabótakerfið einfaldað
og heildarfjárhæð barnabóta
hækkuð um fimm milljarða.
Stofnframlag ríkisins til
almenna íbúðakerfisins verði
fjórir milljarðar á næsta ári.
Heimild til nýtingar á sér-
eignarsparnaði til kaupa á
íbúðarhúsnæði framlengd til
ársloka 2024.
4 Fréttir 13. desember 2022 ÞRIÐJUDAGURFRÉTTABLAÐIÐ