Fréttablaðið - 13.12.2022, Blaðsíða 26

LEIKHÚS
Hið ósagða
eftir Sigurð Ámundason
Tjarnarbíó
Leikstjórn, handrit og
framleiðsla: Sigurður Ámundason
Leikendur: Árni Vilhjálms,
Kolfinna Nikulásdóttir,
Kolbeinn Gauti Friðriksson,
Melkorka Gunborg Briansdóttir,
Ólafur Ásgeirsson og Sigurður
Ámundason
Hljóðvinnsla: Sigurður
Ámundason, Óskar Þór
Ámundason og Andri Björgvinsson
Sigríður Jónsdóttir
Þrír vinir, Guðmundur, Sif og Hálf-
dán (Dáni), hittast í drykk og mál-
tíð á TGI Friday’s í Smáralind. Guð-
mundur hefur nýlega slegið í gegn
með grein í The Atlantic og vinirnir
vilja nýta tækifærið til að samgleðj-
ast. En Sif og Dáni hafa fleiri fyrir-
ætlanir í pokahorninu og kvöldið
tekur óvænta stefnu. Hið ósagða
var frumsýnt í Tjarnarbíói í byrjun
mánaðar og sýningartíminn er
mjög knappur.
Myndlistarmaðurinn Sigurður
Ámundason vinnur með fjölbreytta
miðla í sinni listsköpun. Hið ósagða
er hrærigrautur af hugmyndum og
listformum. Hann skrifar hér hand-
ritið, leikstýrir og leikur lítið lykil-
hlutverk. Frá fyrstu augnablikunum
verður ljóst að hér er ekki á ferðinni
klassískt kvöldverðardrama heldur
eitthvað annað, einkennilegra og
óþægilegra.
Kómík og tragík
Leikmyndin er með einfaldara móti:
borð fyrir máltíðina, lítill bar fyrir
afgreiðsluna og stórt tjald baka til.
Áhorfendum er síðan kastað beint
inn í ameríska ofgnótt neyslusam-
félagsins með myndskeiði sem er
varpað á tjaldið. Fagurfræði mynd-
brotanna minnir óneitanlega á
tilraunaþríleik Godfrey Reggio
og Philip Glass, Koyaanisquatsi,
Powaqqatsi og Naqoyqatsi. Líf úr
jafnvægi, tæknivæðing neyslunnar
og borgaralegt of beldi. Aftenging
persónanna og firring er síðan
undirstrikuð með textanum sem
er fyrir fram tekinn upp og leikar-
arnir endursegja með látbragðsleik.
Leiktextinn er undir greinilegum
áhrifum frá bandarískum sjón-
varpsþáttum á borð við Seinfeld
og Arrested Development, þar sem
sjálfið er ofar öllu og úlfaldar gerðir
úr mýflugum. Útkoman er oftar en
ekki kómísk en að sama skapi trag-
ísk. Sigurður gerir afskaplega vel á
köflum, samtölin snúast í hringi og
fara hvergi en hér eru orðin vopn og
status skiptir öllu.
Ungt fólk á uppleið
Guðmundur, Sif og Dáni, leikin af
Ólafi Ásgeirssyni, Kolfinnu Niku-
lásdóttur og Árna Vilhjálms, eru
ungt fólk á uppleið og gera fátt í ein-
lægni, eins og virðist vera móðins
um þessar mundir. Þau fara á TGI
Friday’s í kaldhæðni, panta mat í
kaldhæðni og tala saman af kald-
hæðni. Þau eru ofurmeðvituð um
sinn stað í samfélaginu og sig sjálf.
Samskipti þrenningarinnar ein-
kennast af míkróof beldi og glensi
á kostnað annarra. Verkefnið leysa
leikararnir alla jafna vel af hendi,
finna tengingu sín á milli og skerpa
þagnir til að þær skeri djúpt.
Raunverulega kaldhæðnin er sú
að þegar öllu er á botninn hvolft
skiptir þessi eina grein afskaplega
litlu máli í stóra samhenginu, en
samfélagsradíusinn nær einungis
nokkra millimetra út fyrir naf la
þeirra. Inn á þeirra sporbaug sveima
síðan táknmyndir í mannslíki:
ameríski einfeldningurinn, einlægi
háskólaneminn og bugaði fastagest-
urinn, leikinn af Sigurði, Melkorku
Gunborgu Briansdóttur og Kolbeini
Gauta Friðrikssyni. Öll eiga þau sín
eftirminnilegu augnablik en gaman
hefði verið að kynnast þeim örlítið
betur. En allt snýst um Guðmund, Sif
og Dána, sem eru tilbúin til að gera
sér upp tilfinningar og grafa undan
öðrum, frekar en að byggja brýr.
Forvitnileg og fersk
Hið ósagða er eftirtektarverð til-
raunasýning um ákveðinn sam-
félagshóp, metorðagjörn merkikerti,
en samtímis baneitruð samskipti
samtímans. Ofgnóttin er alls staðar
og í stjórnlausum heimi er freistandi
að snúa vörn í sókn, taka stjórn á því
litla sem við getum og ná sér niðri á
einhverjum, bara einhverjum. Sig-
urður málar sig svolítið út í horn á
lokametrunum og endirinn er þar
af leiðandi frekar kraftlaus, en eftir
stendur samt sem áður forvitnileg og
fersk leiksýning. n
NIÐURSTAÐA: Hið ósagða flettir
ofan af óbærilegum samskiptum
og stéttaskiptingu með beittum
texta.
Uppskafningar í
sýndarveruleikanum
Leikararnir Árni Vilhjálms, Ólafur Ásgeirsson og Kolfinna Nikulásdóttir fara með aðalhlutverkin í leikritinu Hið ósagða
eftir Sigurð Ámundason sem er sýnt í Tjarnarbíói um þessar mundir. MYND/BRIAN FITZGIBBON
Sigurður
Ámundason
skrifaði, leik-
stýrði og fer
með hlutverk
í verkinu Hið
ósagða.
MYND/BRIAN
FITZGIBBON
VERÖLD
HVÍLDAR
BETRA BAK – LEGGUR GRUNN AÐ GÓÐUM DEGI
www.betrabak.is
Chandon er ný og glæsileg lína frá Serta þar sem
hugsað er fyrir hverju smáatriði.
Chandon heilsurúmið er einnig hægt að fá með stillanlegum
botnum og heilli yfirdýnu. Einnig fáanlegt í gráum lit. Einstaklega
falleg hönnun þar sem þægindi og stuðningur veita þér þann
svefn sem þú átt skilið.
Stærð Verð með botni
Verð m/stillanlegum
botni
160 x 200 cm 449.900 kr. 649.900 kr.
180 x 200 cm 484.900 kr. 679.900 kr.
180 x 210 cm 509.900 kr. 689.900 kr.
200x200 cm 524.900 kr. 739.900 kr.
SERTA CHANDON HEILSURÚM
(dýna, botn, gafl og lappir)
A F S L ÁT T U R A F B A Ð S L O P P U M
20%
A F S L ÁT T U R A F S Æ N G U R F Ö T U M
20%
Ve
rð
o
g
vö
ru
up
pl
ýs
in
ga
r
í a
ug
lý
si
ng
un
ni
e
ru
b
ir
ta
r
m
eð
f
yr
ir
va
ra
u
m
p
re
nt
vi
llu
r.
Nú 36.720 kr.
SAMSØ DÚNSÆNG
140x200 cm. vönduð dúnsæng.
Moskusdúnn. Verð 45.900 kr.
20%
VENO DÚNSÆNG
140x200 cm. 700g. 50%
smáfiður, 50% hreinn
andadúnn. Verð 22.900 kr.
Nú 18.320 kr.
20%
FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
FRÉTTIR, FÓLK &
MENNING
á Hringbraut
18 Menning 13. desember 2022 ÞRIÐJUDAGURFRÉTTABLAÐIÐMENNING FRÉTTABLAÐIÐ 13. desember 2022 ÞRIÐJUDAGUR