Morgunblaðið - 12.08.2022, Page 27

ÍÞRÓTTIR 27
MORGUNBLAÐIÐ FÖSTUDAGUR 12. ÁGÚST 2022
KÖRFUBOLTI
Jóhann Ingi Hafþórsson
johanningi@mbl.is
Körfuknattleiksþjálfarinn Baldur
Þór Ragnarsson var ráðinn til þýska
stórfélagsins Ulm í síðasta mánuði og
mun þjálfa varalið félagsins. Baldur
kemur til þýska félagsins frá Tinda-
stóli, en hann stýrði Skagfirðingum í
þrjú ár.
„Það var umboðsmaðurinn hans
Kára Jónssonar sem hjálpaði til. Fé-
lagið var að leita að þjálfara í þetta
verkefni og umboðsmaðurinn hans
nefndi nafnið mitt. Það var því tilvilj-
unarkennt hvernig þeir fengu nafnið
mitt í hendurnar,“ útskýrði Baldur í
samtali við Morgunblaðið.
Góð reynsla af Loga og Jóni
Hann segir forráðamenn félagsins
hafa góða reynslu af Íslendingum og
það hafi hjálpað til.
„Eigandi félagsins þekkir Jón
Arnór Stefánsson og svo þjálfaði yf-
irmaður íþróttamála Loga Gunn-
arsson, þegar Logi var í Þýskalandi.
Þeir höfðu því góða reynslu af Ís-
lendingum og fannst spennandi að fá
ungan Íslending, sem væri að gera
fína hluti heima. Þeirra reynsla er sú
að Logi var mjög duglegur leik-
maður. Þá er Jón Arnór virtur í þess-
um körfuboltaheimi og hann talaði
vel um mig þegar hann var spurður
út í mig. Út frá því enda ég á Teams-
fundi með þeim, sem gekk vel. Ég
flaug svo út daginn eftir til að skoða
aðstæður og var kominn með samn-
ingstilboð tveimur dögum seinna.
Þetta gerðist á sex dögum. Ég var
ekki að leita að neinu, svo þetta var
svolítið skrítið allt saman,“ sagði
Baldur.
Hann var nýbúinn að skrifa undir
nýjan samning við Tindastól, en und-
ir hans stjórn fór liðið alla leið í úr-
slitaeinvígið um Íslandsmeistaratit-
ilinn á síðustu leiktíð. Þar mátti
Tindastólsliðið þola tap í oddaleik
gegn Val.
„Eftir síðasta tímabil skrifaði ég
undir nýjan samning við Stólana og
þetta gerðist mánuði eftir það. Ég er
mjög ánægður með samskiptin okkar
og hvernig þeir tækluðu þetta. Ég
fékk skilning frá þeim, því þetta er
tækifæri sem íslenskur þjálfari hefur
ekki fengið áður. Við sömdum um
starfslok sem voru sanngjörn fyrir
báða aðila,“ sagði Baldur, en hann
lék með og þjálfaði Þór frá Þorláks-
höfn frá 2006 til 2019.
Frá Ulm í NBA
Baldur fær ábyrgðarmikið hlut-
verk hjá Ulm. Þar mun hann vinna
með ungum leikmönnum liðsins, sem
ætla sér að brjóta sér leið inn í að-
alliðið.
„Aðalhlutverkið mitt hjá félaginu
er að þjálfa varaliðið sem heitir Or-
ange Academy Ulm. Félagið ætlar að
reyna að sækja efnilega leikmenn á
bilinu 18 til 20 ára og þeir eiga að fá
minni hlutverk í aðalliðinu fyrst um
sinn. Þetta eru 8-13 leikmenn allt í
allt sem æfa með aðalliðinu en spila
svo með varaliðinu líka. Ég á að sjá
um það lið. Jeremy Sochan, sem var
valinn númer níu í nýliðavali NBA,
var t.d. í þessu liði.“
Ekki með Íslending í sigtinu
Baldur stýrði U20 ára landsliði
karla til úrslita í B-deild Evr-
ópumótsins í sumar, en hann á ekki
von á að félagið semji við leikmann úr
landsliðinu. „Þeir fylgdust með því,
en þeir eru að leita að leikmönnum í
aðrar stöður en þeir sem stóðu sig
best spila. Félagið er ekki með ís-
lenskan leikmann í sigtinu eins og er,
en mögulega gerist það í framtíð-
inni,“ sagði hann.
Baldur, sem er aðeins 32 ára, er á
leiðinni í bestu mögulegar aðstæður í
Ulm. „Þeir byggðu nýja aðstöðu fyrir
2-3 árum og það er ein besta að-
staðan í Evrópu í dag. Það eru þrír
körfuboltasalir, þriggja hæða líkams-
rækt og klefarnir eru eins og í NBA.
Þetta er alvöruatvinnumanna-
umhverfi.“
Baldur fer til Þýskalands með góð-
ar minningar frá Sauðárkróki í far-
teskinu. „Þetta var mjög þroskandi
tími fyrir mig. Ég bætti mig sem
þjálfari og varð sterkari persóna.
Þetta voru krefjandi aðstæður til að
vinna í. Það mótar þjálfara að vinna í
krefjandi umhverfi. Það er alvöru-
pressa á Sauðárkróki, þar sem karf-
an er númer eitt, tvö og þrjú. Það var
skemmtilegt að taka þátt í þannig
umhverfi og upplifa erfiðar stundir
sem styrkja mann og upplifa líka
skemmtilegar stundir sem eru góðar
minningar. Ég er þakklátur fyrir
leikmennina, þetta eru allt fagmenn
og góðar manneskjur,“ sagði Baldur.
Klefarnir eins og í NBA
- Baldur samdi við eitt stærsta félag Þýskalands - Aðstæður hinar glæsileg-
ustu - Skagfirðingar sýndu skilning - Hafa góða reynslu af Íslendingum
Ljósmynd/Þórir Tryggvason
Einbeittur Baldur Þór Ragnarsson hefur verið ráðinn þjálfari varaliðs eins stærsta félags Þýskalands.
þess að FH-ingar væru með 3:2-
forystu í hálfleik.
Seinni hálfleikurinn reyndist ró-
legri því Kristinn Freyr Sigurðsson
skoraði eina markið á 54. mínútu
og gulltryggði farseðil Hafnar-
fjarðarliðsins í undanúrslitin.
FH er annað liðið á eftir KA til
að tryggja sér sæti í undan-
úrslitum.
Í hinum viðureignunum í átta
liða úrslitunum mætast annars
vegar ríkjandi bikarmeistarar Vík-
ings úr Reykjavík og KR á Vík-
ingsvelli og hins vegar Kópavogs-
liðin HK og Breiðablik í Kórnum.
FH er komið í undanúrslit Mjólk-
urbikars karla í fótbolta eftir 4:2-
útisigur á Kórdrengjum í átta liða
úrslitunum í gærkvöldi, en Kór-
drengir leika í 1. deild. Kórdrengir
urðu fyrri til að skora, því Gunn-
laugur Fannar Guðmundsson kom
liðinu yfir á 7. mínútu. Skoski
framherjinn Steven Lennon jafnaði
á 26. mínútu, en hann var rétt að
byrja.
Sverrir Páll Hjaltested kom Kór-
drengjum aftur yfir á 29. mínútu
en aftur jafnaði Lennon, nú á 33.
mínútu. Skotinn fullkomnaði svo
þrennuna á 42. mínútu og sá til
FH-ingar í undanúrslit
Morgunblaðið/Kristvin
Skoti Steven Lennon var óstöðvandi gegn Kórdrengjum er liðin mættust í
átta liða úrslitum bikarsins á Framvellinum í gærkvöldi.
Símon Elías Statkevicius og Jó-
hanna Elín Guðmundsdóttir bættu
bæði persónulegt met á fyrsta
degi Evrópumótsins í sundi sem
hófst í Róm í gær.
Símon synti 50 metra flugsund í
fyrsta riðli og kom í mark á 24,63
sekúndum. Það er bæting á hans
besta árangri um tólf hundraðs-
hluta úr sekúndu. Íslandsmet Arn-
ar Arnarsonar frá því í Melbourne
árið 2007 er 24,05 sekúndur.
Jóhanna Elín og Snæfríður Sól
Jórunnardóttir kepptu báðar í 100
metra skriðsundi. Jóhanna kom í
mark á 56,79 sekúndum, sem er í
fyrsta skipti sem hún kemur í
mark á undir 57 sekúndum í
greininni. Snæfríður synti á 56,81
sekúndum, sem er nokkuð yfir
hennar besta tíma frá Ólympíu-
leikunum í Tókýó en þá synti hún
100 metra skriðsund á 56,15 sek-
úndum.
Ragnheiður Ragnarsdóttir á Ís-
landsmetið í greininni, 55,66 sek-
úndur, en það setti hún árið 2009.
Þrátt fyrir bætingar komst ís-
lenska sundfólkið ekki í undan-
úrslit að þessu sinni.
Símon og Jóhanna synda aftur
fyrir hádegi í dag. Símon Elías
syndir þá 100m skriðsund og Jó-
hanna Elín syndir 50m flugsund.
Ljósmynd/Sundsamband Íslands
Bæting Jóhanna Elín Guðmundsdóttir setti persónulegt met í 100 metra
skriðsundi á fyrsta degi Evrópumótsins í Róm á Ítalíu í gær.
Persónuleg met í Róm
_ Kvennalið Juventus í knattspyrnu
mætti svissneska liðinu Servette í vin-
áttuleik í Sviss í gær þar sem Sara
Björk Gunnarsdóttir landsliðsfyrirliði
lék sinn fyrsta leik fyrir ítalska stór-
veldið. Sara Björk var í byrjunarliðinu
og lék fyrstu 78 mínúturnar á miðj-
unni. Juventus komst í 4:1 en sviss-
neska liðið skoraði þrjú mörk í seinni
hálfleik og urðu lokatölur 4:4. Sara
skipti til Ítalíumeistaranna fyrir EM
2022 á Englandi eftir tveggja ára dvöl
hjá Lyon, þar sem hún vann Meist-
aradeild Evrópu í tvígang og varð
Frakklandsmeistari einu sinni.
_ Knattspyrnukonan Álfhildur Rósa
Kjartansdóttir, fyrirliði Þróttar úr
Reykjavík, verður frá keppni næstu
vikurnar vegna axlarmeiðsla sem hún
varð fyrir í 3:0-sigri á Selfossi í Bestu
deildinni á þriðjudagskvöld. Nik
Chamberlain, þjálfari Þróttar, staðfesti
við Fótbolta.net að fyrirliðinn væri ekki
brotinn en yrði samt sem áður frá í
nokkrar vikur.
_ Birgir Leó Halldórsson var stiga-
hæstur í U16 ára liði Íslands í körfu-
bolta er það vann 90:49-risasigur á
Lúxemborg í fyrsta leik sínum í B-deild
Evrópumótsins í Sófíu í Búlgaríu í gær.
Lars Erik Bragason bætti við 17 stig-
um og sjö fráköstum. Þar á eftir kom
Birkir Hrafn Eyþórsson með 14 stig
og sjö fráköst.
_ Englandsmeistarar Manchester
City hafa samþykkt að greiða belgíska
félaginu Anderlecht 11 milljónir punda
fyrir spænska bakvörðinn Sergio
Gómez. Leikmaðurinn er 21 árs gamall
og hefur leikið með Anderlecht frá því
á síðasta ári. Þar á undan var hann hjá
Borussia Dortmund í Þýskalandi og
Huesca í heimalandinu.
_ HK er aðeins einu stigi frá FH á
toppi Lengjudeildar kvenna í fótbolta
eftir sannfærandi 4:1-sigur á Haukum í
Kórnum í gærkvöldi. Gabriella Colem-
an kom HK yfir á 37. mínútu og var
staðan í leikhléi 1:0. Emma Sól Ara-
dóttir bætti við öðru marki á 53. mín-
útu en Ragnheiður Þórunn Jónsdóttir
minnkaði muninn fyrir Hauka á 64.
mínútu. HK bætti hinsvegar við tveim-
ur mörkum á síðasta kortérinu er Isa-
bella Eva Aradóttir komst á blað og
Gabriella Coleman gerði sitt annað
mark og fjórða mark HK.
_ Knattspyrnumaðurinn Árni Vil-
hjálmsson hefur fengið samningi sín-
um við franska B-deildarfélagið Rodez
rift og er því frjálst að semja við annað
félag. Árni samdi við Rodez í janúar
síðastliðnum og skrifaði þá undir
tveggja og hálfs árs samning. Hann lék
þó aðeins í hálft tímabil með liðinu en
leitar nú væntanlega að félagsliði á
Ítalíu svo honum sé unnt að vera sem
næst fjölskyldu sinni.
Árni er í sambúð með Söru
Björk Gunnarsdóttur,
landsliðsfyrirliða í knatt-
spyrnu, sem fór frá Evr-
ópu- og Frakklands-
meisturum Lyon í
sumar og samdi við
Ítalíumeistara Ju-
ventus. Saman eiga
þau einn son, Ragn-
ar Frank, og leitar
fjölskyldan því vit-
anlega leiða til að
vera sem næst
hvert öðru.
Eitt
ogannað