Morgunblaðið - 05.09.2022, Qupperneq 4

4 FRÉTTIR
Innlent
MORGUNBLAÐIÐ MÁNUDAGUR 5. SEPTEMBER 2022
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
At
h.
að
ve
rð
ge
tu
rb
re
ys
tá
n
fy
rir
va
ra
.
31. október
nætur
595 1000 www.heimsferdir.is
g
y
yAgadír
Marokkó
159.900
Flug & hótel frá
Fyrir 2
á mann
Alls sóttu um fimm til sex þúsund manns hátíðina Októ-
berfest sem Stúdentaráð Háskóla Íslands stendur fyrir
ár hvert. Hátíðinni lauk á laugardaginn en hún stóð
yfir í þrjá daga. Síðustu tvö ár hefur hún ekki verið
haldin vegna heimsfaraldursins Covid-19. Skipuleggj-
andi segir hátíðarhöld hafa heppnast vel, en aldrei hafa
jafnmargir sótt hátíðina. „Það gekk ótrúlega vel. Hún
hefur aldrei verið stærri og aldrei gengið betur. Fólk
mætti snemma á svæðið og hátíðinni lauk fyrr en vana-
lega. Það virðist vera ánægja með það meðal hátíðar-
gesta og vonandi nágranna líka,“ segir Rebekka Karls-
dóttir, forseti Stúdentaráðs, í samtali við mbl.is. Bætir
hún við að Stúdentaráð hafi fengið fáar hávaðakvart-
anir frá nágrönnum í ár.
Morgunblaðið/Ari Páll
Háskólanemar fjölmenntu á Októberfest
Atli Steinn Guðmundsson
atlisteinn@mbl.is
„Liðið hefur æft mjög mikið fyrir
þetta og hafa æfingar farið fram í
Reykjavík, á Akureyri og Hvolsvelli,“
segir Jóhannes Geir Númason, for-
ingi landsliðs kjötiðnaðarmanna, í
samtali við Morgunblaðið, en liðið er
nú statt á heimsmeistarakeppninni í
kjötskurði, World Butchers Chal-
lenge, í Sacramento í Kaliforníu.
Keppni lauk á laugardaginn og voru
úrslit tilkynnt í nótt að íslenskum
tíma eftir að blaðið fór í prentun.
„Við erum enn að átta okkur á að
það er loksins komið að þessu,“ segir
Jóhannes. „Landslið kjötiðnaðar-
manna var stofnað haustið 2018
þannig að ferlið hjá okkur hefur verið
fjögur ár,“ heldur hann áfram en
keppnin sem til stóð að halda árið
2020 féll vitaskuld niður vegna heims-
faraldursins.
Heimildarmynd væntanleg
„Þetta er frábær hópur, vel sam-
stilltur og umfram allt skemmtilegur
og ekki má gleyma því að fyrirtækin í
bransansum hafa stutt vel við bakið á
okkur,“ segir liðsforinginn og kveður
undirbúningsferlið hafa verið „langt
og strangt hjá liðinu og okkur sem
störfum í kringum það“, bætir hann
við og segir enn fremur frá því að
heimildarmynd um ævintýri þeirra
kjötskurðarmanna sé í deiglunni.
Með þeim vestanhafs eru bræðurnir
Franz Ágúst og Brynjar Snær Jó-
hannessynir sem koma að gerð
myndarinnar. „Þeir hafa fylgt liðinu
gegnum æfingaferlið og eins hér úti í
keppninni,“ útskýrir Jóhannes.
Vefsíðan veitingageirinn.is hefur
fjallað um heimsmeistarakeppnina og
kemur þar fram að af þrettán þátt-
tökuþjóðum sé Ísland eina Norður-
landið sem sendir lið til Kaliforníu.
Játaði Jóhannes í spjalli á síðunni að
honum hefði ekki litist á blikuna að
lenda á bandarískum flugvelli með
fullar töskur af hnífum og hand-
sögum auk þess sem öxi er einnig
hluti af búnaði liðsins.
Íhugaði gervilimi
„Ég mun pottþétt svitna í lófunum
í tollinum þegar þeir fara að skoða í
töskurnar okkar,“ sagði Jóhannes við
veitingageirasíðuna auk þess sem
landkynning er að sjálfsögðu hluti af
ferðalaginu. Grípum hér niður í frá-
sögn liðsforingjans:
„Hver keppandi fer út með sína
hnífa. Við munum fara út með okkar
bakka til að setja vörurnar í, maríner-
ingar og krydd. Einnig tökum við
með okkur út hraun af Suðurnesj-
unum fyrir eldgosaþemað okkar. Ég
er að spá í að setja gervilimi í tösk-
urnar til að reyna að létta stemm-
inguna ef ég verð stoppaður í toll-
inum þarna úti. Ég myndi giska á að
við ferðumst með nokkur hundruð
kíló af áhöldum og keppnisbúnaði,“
lét Jóhannes hafa eftir sér.
Er þetta í fyrsta skipti sem íslensk-
ir kjötiðnaðarmenn senda lið á heims-
meistarakeppnina sem fór þannig
fram að öll þrettán liðin fengu hálft
naut, hálft svín, heilt lamb og fimm
kjúklinga til að vinna með.
„Við eigum svo að vinna þessa
skrokka á þremur og hálfum tíma til
að búa til fjölbreyttar vörur, girnileg-
ar vörur og auðvitað góðar vörur. Við
erum sannfærðir um að við séum
flottir og samkeppnishæfir á þessu
heimsmeistaramóti. Öll liðin fá sömu
eða svipaða þyngdir af skrokkum,“
útskýrir Jóhannes.
Skipan liðsins er eftirfarandi:
Friðrik Þór Erlingsson frá Kjöt-
húsinu er fyrirliði, Jón Gísli Jónsson
frá Kjötkompaníinu er úrbeinari, Ró-
bert Ragnar Skarphéðinsson frá
Norðlenska á Húsavík er úrbeinari,
Bjarki Freyr Sigurjónsson frá Slát-
urfélagi Suðurlands er pylsugerð-
armaður, Jóhann Sigurbjarnarson
frá Kjötkompaníinu annast fyllingar
og skreytingar og Kristján Hallur
Leifsson frá Kjötkompaníinu er út-
litshönnuður kjötborðs.
Með fullar
töskur af
eggvopnum
- Landslið kjötiðnaðarmanna keppti á
HM í kjötskurði í Kaliforníu um helgina
Ljósmynd/Aðsend
Kjötmeistarar leggjast í víking Landsliðið í Flugstöð Leifs Eiríkssonar fyrir brottför. Frá vinstri: Róbert, Jóhann,
Jón Gísli, Friðrik, Kristján og Bjarki en full nöfn og hlutverk í liðinu má sjá aftast í meginmáli hér fyrir neðan.
Ljósmynd/Aðsend
Allsnægtir Jóhann Sigurbjarnarson stillir borði íslenska liðsins upp.
Lögreglan á Akureyri handtók mann á laugardag eftir að hann otaði hnífi
að viðskiptavinum og starfsfólki veitingastaðar um miðjan dag. Í tilkynn-
ingu frá lögreglunni á Norðurlandi eystra kemur fram að hann hafi einnig
gerst sekur um hótanir, rán og vopnalagabrot. Hann var í annarlegu
ástandi og var látinn gista í fangageymslu aðfaranótt sunnudags. Hann var
látinn laus í gær eftir yfirheyrslu.
Nokkur hiti var í mannskapnum aðfaranótt sunnudags á Akureyri og
þurfti lögregla að aka nokkrum ölvuðum einstaklingum heim sem kunnu
ekki fótum sínum forráð eftir næturlíf bæjarins. Fjórir gistu fanga-
geymslu, þrír vegna ölvunar og hegðunar sem ekki er til eftirbreytni og
einn vegna hótana, ráns og brota gegn lyfjalögum og vopnalögum.
hms@mbl.is
Otaði hnífi að fólki um miðjan dag