Borgfirðingabók - 01.12.2014, Qupperneq 15

15
B O R G F I R Ð I N G A B Ó K 2014
NEMENDAGARÐAR
Langflestir nemendur Menntaskóla Borgarfjarðar eru búsettir í Borgar-
byggð. Sveitarfélagið er afar víðfeðmt og um langan veg að fara fyrir
marga nemendur í skóla. Undanfarin ár hefur verið unnið að því að
finna framtíðarlausn fyrir nemendagarða í Borgarbyggð. Á meðan hefur
skól inn leigt húsnæði af einstaklingum í Borgarnesi handa nemendum
ásamt því að vera með samning við Farfuglaheimilið við Borgarbraut
um nokkur herbergi. Þegar þetta er skrifað standa vonir til þess að fram-
tíðarlausn sé í sjónmáli. Það er mjög mikilvægt fyrir framtíð skólans að
hann geti þjónað öllum nemendum vel og þar skipta nemendagarðar
miklu máli fyrir nemendur sem búa í sveit.
AÐ LOKUM
Það er sannfæring mín að stofnun Menntaskóla Borgarfjarðar sé eitt
mesta framfaraskref sem héraðsbúar hafa í sameiningu stigið. Skólinn
hefur á að skipa úrvals starfsfólki. Nemendur skólans standa sig vel og
setja mikinn svip á skólabraginn með þátttöku sinni í félagsstörfum og
lýð ræðislegri aðkomu að stjórnun skólans. Foreldraráð skólans er mjög
virkt og aðstoð við viðburði í félagslífi nemenda er til fyrirmyndar. Skól-
inn er í margvíslegu samstarfi við atvinnulífið og stofnanir í héraðinu.
Borgar byggð er stærsti einstaki eigandi Menntaskóla Borgarfjarðar og
hafa sveitarstjórnarfulltrúar staðið þétt við bakið á skólanum. Mennta-
skólinn hefur frá upphafi haft framsækni að leiðarljósi og farið ótroðn ar
slóðir í kennsluháttum og námsmati. Einkunnarorð MB eru sjálf stæði,
færni og framfarir. Skólinn er lýðræðislegur og einkennist af persónu-
legum samskiptum. Hver einstaklingur er mikilvægur og mann leg sam-
skipti eru í fyrirrúmi. Það er hluti af stefnu skólans að efla náms brautir
hans með aukinni áherslu á tilraunir og samvinnu nemenda um lausnir
verk efna. Þá er það stefna skólans að styrkja enn frekar góð tengsl við
nær samfélagið og auka tækifæri nemenda í gegnum alþjóðlegt sam starf.
Skól inn vill búa nemendum fjölbreytt námsumhverfi og skapa sam félag
sem einkennist af samvinnu við lausn vandamála, skapandi hugsun,
góðri líðan og virðingu fyrir einstaklingnum.