Borgfirðingabók - 01.12.2014, Blaðsíða 22

22
B O R G F I R Ð I N G A B Ó K 2014
ÁGÚST ÁGÚSTSSON
Faxaflóahafnir sf.
– öflugur bakhjarl fimm sveitarfélaga
Það var árið 1913 sem framkvæmdir hófust við byggingu Reykjavíkur-
hafnar, og af því tilefni héldu Faxaflóahafnir sf. upp á hundrað ára afmæli
í fyrra. Nokkur munur er á aldri hafna undir nafni Faxaflóahafna sf.,
en Reykjavíkurhöfn er elst, þá kemur höfnin á Akranesi, þá Borgarnes
og yngst er höfnin á Grundartanga. Sameiginlegt með þessum fjórum
höfnum er að vöxtur byggðanna og gróska í atvinnulífi hófst með
tilkomu mannvirkja á hafnarsvæðunum. Byggðakjarnarnir mynduðust
við hafnirnar og þéttust út frá þeim og þar settu athafnamenn sig
niður og hófu verslun og veittu íbúum þjónustu. Hafnarsvæðið varð
einskonar torg athafnalífsins þar sem útlend lykt lék um vit íbúanna og
nýjar hugmyndir spruttu upp úr frjóum jarðvegi.
Með sameiningu hafnanna í Reykjavík, Borgarnesi, Akranesi
og Grundartanga undir merki Faxaflóahafna sf. var hægt að auka
hagkvæmni í rekstri og það sem skiptir líka máli, hægt var að sérhæfa
starfsemina á hverjum stað. Slík sérhæfing gerist samt ekki á einni nóttu,
heldur þróast yfir langan tíma og mótast nokkuð af ríkjandi umhverfi
hvers tíma. Þannig var í upphafi við sameininguna gert ráð fyrir að á
Akranesi yrði áherslan í hafnarrekstri á fisk og fiskvinnslu. Þar hefur
höfnin látið reisa sex eininga verbúðir sem ætlaðar eru minni útgerðum
og fiskverkendum en fiskmarkaður er starfræktur á hafnarsvæðinu.