Borgfirðingabók - 01.12.2014, Síða 71

71
B O R G F I R Ð I N G A B Ó K 2014
áskriftarverði í lágmarki svo og miðaverði fyrir aðra en félaga. Síðastliðin
tvö ár kostaði ársáskriftin sex þúsund krónur.
Tónlistarfélagið hóf 46. starfsárið frá hausti 2012 til vorsins 2013 með
því að bjóða til tónleika vísnasöngvarans Svavars Knúts fimmtudaginn
22. nóvember kl. 20 í Landnámssetrinu í Borgarnesi. Svavar hefur getið
sér gott orð fyrir frumsamin lög og nýjar útsetningar á eldri lögum en á
tónleikunum kynnti hann aðallega nýja plötu sína, Ölduslóð. Auk hans
komu fram borgfirsk ungmenni, sem kalla sig Sveitin milli stranda. Það
var ánægjulegt að geta með þessum tónleikum komið á svo skemmtilegu
stefnumóti aðfengins listamanns, sem hefur hafið tónlistarferil sinn og
ungmenna á heimaslóð, sem minna hafa spreytt sig á þeim vettvangi.
Flytjendum var líka mjög vel tekið og kvöldið heppnaðist hið besta.
Ráðgert var að halda aðventutónleika í Borgarneskirkju föstudaginn
14. desember, en vegna veikinda varð að aflýsa þeim. Flytjendur
áttu að verða Björg Þórhallsdóttir sópransöngkona, Elísabet Waage
hörpuleikari og Hilmar Örn Agnarsson orgelleikari. Þó ætlunin hafi
verið að hópurinn kæmi síðar á starfsárinu gat ekki orðið af því.
Hápunktur starfsársins og í rauninni afmælistónleikar félagsins vegna
45 ára afmælis þess árinu áður voru afar vandaðir þjóðlagatónleikar
Stássmeyjarkvæði. Flytjendur á tónleikum Kristínar Á. Ólafsdóttur með íslenskum
þulum og kvæðum í útsetningu Atla Heimis. Fremst eru þau Gunnsteinn Ólafsson og
Kristín. Þeim að baki eru hljóðfæraleikararnir fjölmörgu.