Borgfirðingabók - 01.12.2014, Page 79

79
B O R G F I R Ð I N G A B Ó K 2014
„Hún sagði mér nokkrar sögur en þessi hreyfði við mér. Ég hélt samt
áfram að leita og íhuga aðrar sögur en gat ekki gleymt sögunni af Ragn-
heiði, og vináttu hennar og Hallgríms Péturssonar. Sagan líkist þjóð sögu
um stúlku í Úkraínu. Ég gat ímyndað mér að sagan hennar hefði getað
gerst í nútímanum og jafnvel í Úkraínu,“ útskýrir Alexandra.
Þegar hugmyndin að verkefninu kom upp var Alexandra ennþá bú sett
í Skagafirði en með flutningi til Hvalfjarðar árið 2012 varð til ennþá
sterkari tenging við nærsamfélagið með óperuskrifunum þar sem Hall-
grímur Pétursson hafði verið prestur í Saurbæ. Þegar var farið að sjá til
enda á óperusmíðinni var farið að huga að staðsetningu fyrir flutning á
henni. Hallgrímskirkja í Saurbæ varð fljótlega fyrir valinu þar sem aðal-
sögupersóna verksins hafði þjónað þar til prests. Kirkjan er einnig mjög
falleg og góð til tónleikaflutnings. Alexandra hefur einnig í öllum sínum
verk efnum virkjað heimafólk í uppsetningum sínum og sú varð einnig
raunin í þessu verkefni en kór Saurbæjarprestakalls tók vel í beiðni
henn ar um þátt töku og leysti sitt hlutverk með sóma.
Óperan var sýnd fyrir fullu húsi á tveimur sýningum 11. og 12. apríl.
Óperan var einnig tekin upp með það að markmiði að gefa út tón leika-
geisladisk síðar í sumar.
Það er ekki algengt að óperusöngvarar semji eigin óperur og hvað þá syngi
sjálfir aðalhlutverkið í þeim. Alexandra er með þeim yngstu í heimi sem
það hafa gert. Verkefni Alexöndru hafa vakið mikla athygli fyrir metn að
og gæði. Alexandra var m.a. tilnefnd til verðalauna í keppninni Fram­
úr skarandi ungir Íslendingar í flokki menningar á vegum JCI á Íslandi.