Borgfirðingabók - 01.12.2014, Qupperneq 86

86
B O R G F I R Ð I N G A B Ó K 2014
tilsjónarmaður fyrir Félagsmálastofnun, þar sem hún sinnir nokkrum
einstaklingum.
TÍUNDI ÁRATUGURINN
Árið 1991 eignast Tinna stúlkubarn sem skírt var Hrafnhildur Ása og
hjálpaði Ása til við að gæta hennar en Tinna flutti til Svíþjóðar árið
1994 og býr þar með eiginmanni sínum og fjórum börnum. Ása fór
sína fyrstu ferð til Parísar 1992 og var með vinnuaðstöðu í Kjarvalsstofu.
Alls urðu ferðir hennar til Parísar þrjár. Í París vann Ása lítil myndverk,
unn in með blandaðri tækni sem hún sýndi hér heima og ef til vill hefur
hún hugsað sér þau sem undirbúningsverk að öðrum stærri verkum.
Á tíunda áratugnum og fram yfir aldamót var Ása með vinnustofu á
Korp úlfsstöðum, en þar óf hún og vann fjölbreytileg verk með blandaðri
tækni. Á Korpúlfsstöðum hófst Ása handa við að sauma krosssaums-
verk. Hún bjó til mynstur í verkin með skriftletri og myndstöfum
íslensku miðaldahandritanna, ennfremur hannaði hún mynstur óskyld
mið aldasjónlistum. Ása litaði bandið í myndirnar sjálf eins og hún hefur
alltaf gert og hún hefur látið litað band standa sem sjálfstæð verk. Með
því að nota krosssauminn í verkin vill Ása sýna hannyrðum horfinna
kyn slóða kvenna, sem saumuðu mikið krosssaum, virðingu. Ása hafði
um árabil átt við heilsuvanda að stríða, en 1996 áttaði hún sig á því að
löm unar veiki sem hún fékk í æsku var að valda henni miklum erfið-
leikum. En áfram hélt hún og síðustu verkin sem hún óf voru abstrakt
verk sem hún nefndi lykla, og segir Ása að þau séu eiginlega tilfinningar
sem hún upplifði að væru lyklar að þeim skrám sem hún vildi opna.
Mynd irnar bera allar tilfinningaleg nöfn auk lyklanafnsins.
LÆKJARKOT
Árið 2000 kynntust Ása og Trausti, sambýlismaður hennar, sem er
véla verkfræðingur og uppfinningamaður og smíðar allskonar vélar,
tæki og tól og selur út um allan heim. Árið 2006 keyptu þau jörðina
Lækjar kot í Borgarhreppi og fluttu þangað. Ása tók þátt í starfi Start
Art listamannahússins sem var mað starfsemi sína á Laugavegi 12b. Hjá
nokkr um stofnendum Start Art kviknaði sú hugmynd að gaman væri
að fjalla um Laugaveginn í nútíð og þátíð og ákváðu þær að minnast
sér staklega kvennanna sem urðu til þess að Laugavegurinn er það sem