Borgfirðingabók - 01.12.2014, Page 141

141
B O R G F I R Ð I N G A B Ó K 2014
Guðmundur gaf skömmu síðar út lítinn bækling „Guðað á gluggann“
sem hafði m.a. að geyma hans túlkun á þessum atburði sem hann kall-
aði Messað um miðnættið (kviksaga). Þar lætur hann gamminn geysa
og gerir óspart gys að hinum hnýsna guðsmanni. Þetta kvæði er mikið
meistaraverk enda hefur hann Messuna á Mosfelli eftir Einar Bene-
diktsson sem fyrirmynd. Málaferli urðu eftir þessa útgáfu og kallaði
hann ljóðabók sína Dýrt spaug þess vegna. Kvæðið er alls 19 erindi og
eru upphafs- og lokaerindið á þessa leið:
Ein saga var skráð, er var miðlungi merk
um meðferð á guðhræddum sveitaklerk,
er hafði til bæjarins haldið.
Í sveitinni fór hann við soll á mis,
en saup ef hann fékk það ókeypis,
einn Herrans þjónn sem að heimsins glys
hafði ekki truflun valdið.
---
Hér sáu þeir prest með vol og víl,
sem vantaði kannski sexapíl,
en var þó af reynslu ríkur.
Og góða menn er að gruna það,
þó girnd og freistingar steðji að,
að klerkinn ei fýsi fyrst í stað
að ferðast til Reykjavíkur.
Faðir okkar var vel metinn í hópi skálda og listamanna á liðinni öld og
tilheyrði þeim hópi manna sem voru fastagestir í Unuhúsi. Þar hitti
hann reglulega frænda sinn Halldór Laxness, Þórberg Þórðarson, Stein
Steinarr o.fl. Hann og Steinn voru sérlega góðir vinir og orti Steinn um
hann afmælisbrag þegar hann varð fertugur.
Þeir sátu gjarnan saman á Hressingarskálanum gamla. Einhverju sinni
varð þeim starsýnt á gengilbeinu nokkra og Guðmundur kastaði þá
fram þessari vísu: