Borgfirðingabók - 01.12.2014, Qupperneq 203

203
B O R G F I R Ð I N G A B Ó K 2014
12. júlí.su.: Jeg, Nonni og mamma fórum fram að Geststöðum til
að finna Stefán Einvarðsson og Halldóru Jónsdóttur
(Dóru). Þykkt loft, þó fremur gott veður.
13. til 18. júlí.: Höfum við Nonni slegið Þríhyrning og galtað stundum
hey með fólkinu. Á fimmtudaginn fór mamma og síra
Gísli og Vigdís (og Andrjes og Magnús með lest) ofan á
Brákarpoll og komu aftur á laugardaginn og Valla með
þeim frá Munaðarnesi, en þar hafði hún verið síðan við
komum að sunnan.
19. júlí.su.: Dimmviðri, messað í Hvammi. Kom Íngólfur búfr. og
Sigríður kona hans.
20. júlí.má.: Grenjandi rok og illviðri. Jeg stóð við slátt á grundunum
og varð gegndrepa.
21. júlí.þri.: Um kvöldið fór jeg með Rönku litlu upp gilið fyrir
ofan túnið og upp að efsta háa fossinum og þaðan upp
að hverninni í gilinu. Gott veður og útsjón fögur yfir
dalinn. Heiðríkja.
22. júlí.mi.: Bundnir 112 hestar af töðu.
24. júlí.fö.: Lauk Jóhannes snikkari við að reisa grindina af húsinu
seint um kvöldið. Við Nonni fórum seint um kveldið
fram að Litlá til að tína blóm í kransa á húsið og
fórum fram á Ból og gengum ofan í gljúfrunum. Við
gerðum 3 blómvendi og tókum mikið af Eyrarrós,
síðan klöngruðumst við upp gljúfrin og klettana á móti
Bólinu, Nonni óð yfir ána en jeg stökk.
25.júlí.lau.: Um morguninn voru hengdir 3 kransar efst á grindina og
hringdi Jóhannes snikkari kirkjuklukkunum í klukku-
tíma. Hann fór svo um kvöldið ofan að Hvítárvöllum
með úr sitt.
26. júlí.su.: Jeg rifjaði um morguninn okkar flekki á húsatúninu
með Bjarna (kaupa), svo fór ég til Norðtungukirkju
með síra Gísla og komum við að Grjóti. Svo var messað
í Norð tungu og haldinn safnaðarfundur. Á heimleið
kom um við að Hafþórsstöðum og Hóli. Nonni, Valla
og Dísa fóru fram að Geststöðum um daginn. Ólafur
Jóns son búfr. kom að Hvammi og fór hann fram að
Gest stöðum þar eð hann fann svo fátt heima. Ólafur
var í Hvammi um nóttina.