Borgfirðingabók - 01.12.2014, Page 204

204
B O R G F I R Ð I N G A B Ó K 2014
27. júlí.má.: Hestalest send ofan að Sólheimatungu til að sækja við
(Andrés og Magnús fóru) Ólafur búfr. og Nonni fóru
með. Bundnir 96 hestar af töðu á Jarp og Skol. Jeg fór
á milli, búið kl. 1 um nótt og þar með var alhirt túnið.
28. júlí.þri.: Kom viðarlestin og Nonni með. Seint um daginn
gekk jeg upp á Baulu í fyrsta sinn á æfinni. Jeg fór upp
klettana þar sem ég kom að þeim, en gat þó klöngrast
upp þó illt væri. Jeg hafði góða útsjón. Síðan fór jeg
ofan að Dýrastöðum og fjekk þar mjólk að drekka og
hvíldi mig. Því jeg hljóp ákaflega. Jeg kom heim seint
um kveldið og var þá verið að enda við að drekka
töðugjöldin og átti að fara að leita að mjer. Frá 29. júlí
til 1. ágúst sló jeg á Teigunum með Bjarna og Halldóri,
Guðrún, Þuríður og Helga rökuðu.
4. ág.þri.: Heiðríkja. Jeg fór á milli með Magnúsi af Teignum
allan daginn. Um hádegi fjekk Sverrir og Ranka að fara
ofan á Teiga og reiddi jeg Sverri heim en ofaneftir reið
hann á reiðingi.
9. ág.su.: Jóhannes snikkari gekk upp á Baulu í blindþoku. Nonni
og Torfi fóru af stað vestur að Fagradal og voru nóttina
á Geststöðum.
10. ág.má.: Sigurður gamli 80 ára gamall. Hann fjekk K+B.
Frá 8 til 12 ág. Incl. var ég í rúminu, veikur af takverk.
13. ág.fi.: Hvasst að norðan. Heiðríkja. Jeg, mamma og Valla
fórum fram að Gestsstöðum. Valla varð þar eftir, en við
fórum heim.
14. ág.fö.: Jeg týndi lyng og blóm í 2 kransa. Jeg fór fram á Ból og
langt upp með gljúfrunum, upp að Litlafossi. Þar tók
jeg hvannir og eyrarrós. Um kveldið fór ég með Sverri
ofan að á og hlóðum við þar vörðubrot. Heiðríkja.
Vigdís var veik. – 6. – 7. ágúst fór fólk ofan að Desey
til að heyja þar. (Bjarni, Halldór, Helga Guðmundsd.og
Guðrún.)
15. ág.lau. Þennan dag sló jeg ekki. Jeg fór með hádegiskaffið ofan
á Hóley gangandi en fór ei yfir kvíslina því Eiríkur
kom á móti mjer og tók það en ég fór heim. Síðan fór
jeg með Árna bónda á Háreksstöðum yfir að Háreks-
stöðum og sótti 3 hesta með reiðingi sem hann lánaði