Borgfirðingabók - 01.12.2014, Qupperneq 220

220
B O R G F I R Ð I N G A B Ó K 2014
8. sept.fi.: Við Nonni og Björn dreifðum og söxuðum upp það
sem í gær var flutt heim á fremra húsatúnið. 2 trippi
gelt. Síra Arnór og Guðrún kona hans og síra Jón á
Tjörn komu. Þykkur regn með köflum. Jeg elti mann
ofan að Hafþórsstöðum í óveðri og slarki.
11. sept.su.: Við systkinin, mamma, síra Gísli, Dísa fórum til
Norðtungukirkju og reið ég Skol. Við vorum þar við
messu og fórum svo að Helgavatni og fengum þar
ch.+k., riðum svo að Sigmundarstöðum og stóðum þar
við. Svo fórum við heim og var þá kominn háttatími.
Bjart veður en kaldur að norðan. Um kveldið kom
Ásmundur snikkari frá Svarfhóli til að smíða skúrinn.
Sigurður kaupi fór.
13. sept.: Við Nonni slógum ekki en vorum heima. Jeg fór upp að
Löngugötuhelli og setti þar ensku orðabækurnar mínar.
Skúrir stundum eða hagl. Eftir miðdag fórum við
Nonni til berja og er jeg var búinn að fylla ílát mitt, brá
jeg mjer nærri upp á Litlu-Baulu með Krókskíkirinn.
En er jeg var nærri kominn upp, gerði jel og sá jeg þá
lítið. Þar uppi var hnjesnjór í sköflum og frost og var
þó rigning og snjólaust í fjallshlíðinni, sem við Nonni
tíndum berin í. Þegar jeg kom ofan aftur var Nonni
kominn heim. Jeg kom heim í myrkri.
14. sept.mi.: Eftir að jeg kom á fætur rjetti jeg Torfa sátur, er var að
láta niður í garðinn. Síra Gísli fór á milli af Hólsey. Litlu
síðar fór jeg ofan á Hólsey og rakaði með Guðbjörgu en
Ásbjörn sló. Um kveldið óðum við kvíslina en ég bar
Guðbjörgu.
15. sept.fi.: Jeg var vakinn kl. að ganga 6 og fór ég 2 ferðir á milli
með síra Gísla ofan af Desey en Halli og Guðrún
bundu. Aðra ferðina með 12, hina með 10 hesta.
16. sept.fö.: Jeg fór á milli með Helga ofan á Desey, 2 ferðir með 9
hesta undir reiðingi. Við fengum krapakafald og um
hádegi festi snjó á láglendi, en svo rigndi seinnipartinn.
3 ferðir fór Ási með Helga. Jeg varð rennvotur.
17. sept.lau.: Jeg og Nonni slógum með Torfa í síðasta sinn á sumr-
inu ofan á Hólsey en Helga Guðm. og Guðrún rökuðu.