Borgfirðingabók - 01.12.2014, Blaðsíða 226

226
B O R G F I R Ð I N G A B Ó K 2014
13.júlí.fi.: Eftir hádegi unnum við Nonni og síra Gísli að flekkjum
á túninu. Eftir kl. 3 fórum við Nonni og síra Gísli ofan
á Háreksstaðaengi og óðum ána en bárum Sverri, er var
með okkur. Jeg og síra Gísli syntum í ánni en Nonni og
Sverrir horfðu á. Við átum miðdegisverð er við komum
heim. Síðan fór ég með klifbera fyrir Hallmund yfir
að Háreksstöðum og reið Skottu. Þegar jeg kom heim,
sendi síra Gísli mig út að Dýrastöðum til að finna
Þorstein gamla Gíslason (til að fá hann til að taka
við blöðku í Galtarhöfða), en hann var ei heima. Jeg
stóð ekkert við, kom heim um kveldið kl. 9 ½ e.m. og
hjálpaði svo til við að galta flekki á túninu. Heitt veður
og stundum sólskin.
14. og 15 júlí.: Slógum við Nonni frá hádegi til kvelds, Nonni þó ekki
eins lengi, svæðið fyrir aftan kirkjugarðinn (neðan frá
götunni og upp að húsagötunni og frá kirkjugarði og
að klettariðinu). Síðari part laugardagsins var helliregn.
16. júlí.su.: Nonni fór með síra Gísla til Norðtungukirkju. Jeg las í
Byron. The prisoner of Cenda og fleira. Norðan, svalt
verður. Heiðríkja um kveldið.
17. júlí.má,
18.júlí.þri.: Norðan þerrir báða dagana og síðari daginn voru
bundn ir 45 hestar af túninu.
21. júlí.lau.: Bundnir 75 hestar af túninu.
22.júlí.lau.: Við Nonni böðuðum okkur í Norðurá, heitt veður.
Þerrir hefir verið alla vikuna (16.-22.) og vorum við
Nonni við heyþurk (rifja, galta).
23. júlí.su.: Heitt veður. Margt fólk kom til kirkju því 3 börn voru
fermd. Valborg systir eitt af þeim. Björn Einarsson í
Munaðarnesi og Jósefína systir hans og Gróa Einarsdóttir
komu og svo Þórður Knudsen í Arnarholti. Um kveldið
fylgdum við systkinin og Eufemía Halldórsdóttir Þórði
og því frá Munaðarnesi ofan að Desey og komum við
heim aftur kl. 3 um nóttina. Björn og Þórður sungu
fyrir okkur bæði heima og svo þar sem við skildum við
þá á Desey.
24. júlí.má.: Við Nonni göltuðum á flötunum. Um kveldið kl. að
ganga 12, er allir voru háttaðir nema jeg, kom Halldór