Borgfirðingabók - 01.12.2014, Side 227

227
B O R G F I R Ð I N G A B Ó K 2014
Steinsson og systir hans og Gísli Jónsson frá Hjarðarholti
maður hennar, þau voru hér um nóttina. Halldór svaf
hjá okkur Nonna í Austurkamersi.
25. júlí.þri.. Endað að slá túnið. Ferðafólkið hjelt af stað um
morguninn inn Sanddal og yfir Sand og fylgdi síra Gísli
því áleiðis. Um daginn var flutt heim tað og teymdi ég
og krakkarnir Ranka og Sverrir, en Valla og Eufemía
fyltu á. Hitt fólkið var að binda á grundunum.
26.júlí.mi.: Fólkið fór upp í Raftagilsflóa að heyja. Jeg fór tvisvar
með kaffi til þess, en rifjaði annars og galtaði með Völlu,
Nonna og Eufemíu. Um morguninn fór síra Gísli og
Dísa ofan að Arnarholti og komu kl. 3 um nóttina eftir
heim aftur.
27. júlí.fi.: Bundið úr Raftagilsflóanum 30 hestar. Við Nonni
leyst um sáturnar fyrir neðan fjós eða í fjárhúsatúninu.
Magnús fór á milli en Ásbjörn batt. Eftir nón fór jeg
eina ferð upp í flóa en Magnús batt á meðan galtana
á húsa túninu. Torfi Tímoteusson kom heim með mér
og var jeg svo með honum að hjálpa honum til að láta
niður í garðinn, en Magnús fór á milli með 6 hesta.
15 hestar fluttir heim af töðu og þar með alhirt túnið.
Um kveldið kom Arnór myndasmiður og var hjer um
nótt ina. Eftir að hann var kominn rak jeg alla hestana
fram fyrir Litlá og voru þau Sverrir, Ranka og Effa með
mjer. 45+75+14+15=149 hestar af töðu hafa fengist af
Hvammstúninu sumarið 1893.
28.júlí.fö.: Nonni leitaði að hestum Arnórs og fór fram að Forna-
hvammi og kom með þá. Fluttir 36 hestar úr Rafta-
gilsflóa á 6 hestum. Regn seinni part dags.
29.júlí.lau.: Breitt um morguninn það sem var á túninu. Um kveld-
ið fönguðum við allt heyið. (Ásbjörn, Nonni, Helga,
Guðrún).
30. júlí.su.: Messað hjer í Hvammi og gefin saman hjón. Um
kveldið eftir kl. 6 fórum við 3 systkinin og Eufemía og
Sverrir, Ranka, Effa, Stína til berja upp í múla fyrir ofan
Stekk. Heiðríkja og heitt veður. Um nóttina komu þeir
Magnús og Hallmundur (rasslaus) heim úr .???... fullir.
31.júlí.má.: Jeg fór með kaffi til fólksins upp í Raftagilsflóa og