Borgfirðingabók - 01.12.2014, Síða 229

229
B O R G F I R Ð I N G A B Ó K 2014
síra Einar á Borg með þeim. Varð ég þá að fara úr rúmi
og svaf jeg þá hjá Sverri og Rönku það sem eftir var
nætur í syðra kamesinu uppi.
7.ág.má.: Um nón fóru þeir af stað Helgi Pjetursson og Jón
Blöndal. Um morguninn fór ég fram Króki. Jón bóndi
Eyjólfsson var að fara á milli með heyband ofan af fjalli
og var ekki heima er jeg kom. Jeg bað þá dreng er var
heima að skila til Jóns bónda að koma að Hvammi og
láta sömuleiðis boða ganga að Sveinatungu að koma
líka. En samt komu þeir ekki um daginn. Prófasturinn
vísiteraði hjer. Um daginn fór ég með Sverri fram á Ból
og baðaði mig þar í ánni og rak alla hestana, er heima
voru, heim í Húsadal. Nonni kom heim um kveldið
frá Desey. Prófasturinn var hjer nóttina og sváfum við
Nonni því í rúmi Magnúsar uppi á lofti.
8.ág.þri.: Prófastur fór um morguninn að Norðtungu til að
vísitera þar og fór síra Gísli með honum. Valla, Eufemía
og jeg rökuðum, Hallmundur fór á milli en Ásbjörn og
Helga voru í bandinu. Nonni og mamma voru heima
að þurka og taka á móti. Bundnir 49 hestar.
12.ág.lau.: Bundið af Teigunum. Um kveldið sótti ég fólkið ofan
að Desey. Jeg fór heim um kveldið með Guðbjörgu,
Helgu og Tryggva og fór jeg með Tryggva yfir að
Hafþórsstöðum og drakk þar kaffi en þær voru á meðan
á Hreimstöðum og Dýrastöðum. Um kveldið seint
komum við heim.
13.ág.su.: Messað í Hvammi. Jeg í kirkju.
14.ág.má.: Kl. 5 f.m. fór síra Gísli með 8 hesta að sækja hey ofan
að Desey. Hann kom heim um hádegi og fór ég þá með
hestana ofan á Teiga og tók Halli þá ofan á Desey og
kom hann heim um kveldið. Á meðan bundum við af
túninu. (Jón batt, jeg bar sáturnar, síra Gísli ljet niður
en Valla og Eufemía settu á). Sverrir bundinn í sátu.
15.ág.: Jeg sló á Teigunum með Ásbirni en Helga Erlingsdóttir
rakaði. Jeg synti í Kvíslinni meðan þau sváfu hádegis-
dúrinn. Halli kom heim um kveldið. T+16°R um há-
degi.
16. ág.mi.: Jeg fór ofan á Teiga eftir morgunverð og ritaði svo