Borgfirðingabók - 01.12.2014, Síða 234

234
B O R G F I R Ð I N G A B Ó K 2014
fann ég þar Hallmund og fórum við með honum heim
fyrir neðan Leiti. Skúrir yfir daginn, sólskin á milli.
Hlýtt veður.
13.sept.mi.: Halli fór um morguninn norður að Dæli.
15.sept.fö.: Jeg var á berjamó fyrripart dags, en seinna um daginn
hjálpaði jeg og Nonna, síra Gísla og Torfa og Helgu
Guðm. til að dreifa heyinu, sem drepið hafði í tóftinni
efri hjá heimari húsunum. Það var rifjað eitthvað tvisvar
og tekið saman sama dag. Um kveldið kom Vilhjálmur
Briem og var hjer um nóttina.
16.sept.lau.: Um morguninn bjó jeg til snjókerlingu, því snjóað
hafði yfir alt. Vilhj. Briem fór um morguninn og
B.Sím með honum (Bjarni svaf ávalt meðan hann var
hjer hjá okkur Nonna í austur-kamesinu). Um kveldið
kom Hallmundur og með honum Bjarni Bjarnason frá
Fellsenda og svaf hann hjá okkur um nóttina í austur-
kamesinu).
17.sept.su.: Jeg, Nonni og Bjarni litli fórum til Norðtungukirkju
með síra Gísla og var messað þar með mjög fáu fólki.
Svo fórum við að Helgavatni og drukkum þar kaffi og
sömuleiðis á Grjóti. Er við komum til baka var Halldór
Friðriksson yfirkennari kominn og Guðm. Bjarnason
og vorum þeir hjer um nóttina. Guðm. svaf hjá okkur
Nonna. Stefán Einvarðsson var hjer líka um nóttina.
18.sept.má.: Halldór og Guðmundur fóru um morguninn. Rekið
í Bólið og fór jeg þangað, og svo rak jeg stóran
rekstur með Halla út að Dýrastöðum og svo upp með
Dýrastaðaá með Halla í kafaldsroki. Við drukkum kaffi
+ pönnukökur á Dýrastöðum og fórum svo heim.
19.sept.þri.: Jeg fór með 7 hesta handa leitarmönnum ofan að Dals-
mynni og beið eftir kaffi + bakk. og hepti hestana og reið
svo Litla-Jarp heim. Hvassvirði og frost –kafaldsrok,
drepandi kaldur. Jeg týndi trefli Hallmundar, sem ég
batt utanum mig. Hallmundur og Magnús fóru í leitir
hjeðan. Bitur um kveldið.
20.sept.mi.: Síra Gísli fór með Molda og Moldu í Brekkurétt og
kom heim um kveldið með Völlu, sem fór í Brekkurétt
með Birni í Munaðarnesi.