Víkurfréttir - 23.05.2022, Blaðsíða 13

Aðstoðarskólastjóri Sandgerðisskóla
Suðurnesjabær óskar eftir að ráða aðstoðarskólastjóra Sandgerðisskóla. Leitað er að
metnaðarfullum einstaklingi sem býr yfir leiðtogahæfileikum, hefur víðtæka þekkingu á
skólastarfi, framsækna skólasýn og er tilbúinn að viðhalda öflugu skólasamfélagi í samvinnu
við íbúa og starfsfólk skólans. Suðurnesjabær er næststærsta sveitarfélagið á Suðurnesjum
með um 3.800 íbúa og um 280 starfsmenn. Í Suðurnesjabæ eru tveir grunnskólar, leikskólar og
tónlistarskólar.
Sandgerðisskóli er heildstæður, heilsueflandi og fjölmenningarlegur grunnskóli með rúmlega 300 nemendur. Í
skólastarfinu er unnið eftir stefnu um „Uppeldi til ábyrgðar“ og lögð áhersla á virðingu gagnvart umhverfinu. Lögð
er áhersla á teymiskennslu í lærdómssamfélagi nemenda og starfsmanna þar sem virðing og traust ríkir. Húsnæði
skólans er rúmgott og skólalóðin stór og skemmtileg til útivistar. Gott samstarf er við Tónlistarskóla Sandgerðis,
Leikskólann Sólborg og félagsmiðstöðina Skýjaborg.
Leiðarljós Sandgerðisskóla eru: vöxtur – virðing – vilji - vinátta
Helstu verkefni og ábyrgð
• Vera staðgengill skólastjóra, bera ábyrgð á og stjórna
daglegri starfsemi skólans í samstarfi við skólastjóra.
• Vera tilbúinn að taka að sér fjölbreytt verkefni í
lifandi starfsumhverfi
og taka þátt í mótun og framkvæmd faglegrar stefnu
skólans.
• Hafa í samráði við skólastjóra umsjón með
starfsmannamálum,
s.s. ráðningum, vinnutilhögun, starfsþróun og
nýsköpun.
• Vinna náið með starfsfólki að því að skapa góðan
skóla þar sem árangur og vellíðan nemenda er í
fyrirrúmi.
• Stuðla að framförum, árangri, velferð og vellíðan
nemenda og starfsfólks.
Menntunar- og hæfniskröfur
• Kennaramenntun og réttindi til kennslu í grunnskóla.
• Meistarapróf í menntunarfræðum eða öðru fagi sem
nýtist í starfi er æskilegt.
• Góð hæfni í mannlegum samskiptum, vammleysi og
jákvætt viðmót.
• Áhugi og reynsla til að leiða þróunarstarf. Skipulags
hæfileikar.
• Þekking og færni á sviði stjórnunar skóla með áherslu
á teymisvinnu og einstaklingsmiðaða nálgun er
mikilvæg, ásamt áhuga á þróunarstarfi
og færni í að leiða teymisvinnu.
• Frumkvæði, sveigjanleiki, sjálfstæði og góð
skipulagshæfni.
Góð íslenskukunnátta og færni til að tjá sig í ræðu
og riti.
Ráðið verður í stöðuna frá 1. ágúst næstkomandi. Laun eru samkvæmt kjarasamningi
Sambands íslenskra sveitarfélaga og Skólastjórafélags Íslands.
Umsókn skal fylgja starfsferilskrá ásamt kynningarbréfi þar sem gerð er grein fyrir ástæðu
umsóknar og rökstuðningur fyrir hæfni viðkomandi í starfið.
Umsóknarfrestur er til og með 7. júní 2022.
Nánari upplýsingar veitir Bylgja Baldursdóttir skólastjóri, sími 425-3100
og umsóknir skulu sendar á netfangið: bylgja@sandgerdisskoli.is
SKÓLASLIT OG INNRITUN
SKÓLASLIT
Skólaslit verða í Stapa, Hljómahöll, þriðjudaginn 31. maí kl.18.00.
Afhending áfangaprófsskírteina. Hvatningarverðlaun Íslandsbanka veitt.
Tónlistaratriði.
Allir velkomnir.
INNRITUN
Nú er heppilegur tími til að sækja um skólavist fyrir skólaárið 2022–2023.
Því fyrr sem sótt er um, því meiri líkur eru á að komast að.
Sækja skal um á tonlistarskoli.reykjanesbaer.is undir hnappnum
„Endurnýjun og nýjar umsóknir“
Skólastjóri
Bryndís María Kjartansdóttir er 18
ára og kemur frá Keflavík. Bryndís
er dúx Fjölbrautaskóla Suðurnesja
vorannar 2022. Hún útskrifaðist
af fjölgreinabraut með meðal-
einkunnina 9,48. Bryndís fékk
100.000 kr. námsstyrk úr skóla-
sjóði fyrir hæstu meðaleinkunn við
útskrift sem og 30.000 kr. styrk frá
Landsbankanum fyrir hæstu ein-
kunn á stúdentsprófi. Þá fékk hún
einnig gjafir frá Landsbankanum og
viðurkenningar frá skólanum fyrir
góðan námsárangur í hinum ýmsu
greinum.
Bryndís segir að fjölgreinabraut
hafi orðið fyrir valinu vegna þess
að hún myndi fá smjörþefinn af öllu
og fundið út hvar áhugasvið hennar
liggur. Aðspurð hvers vegna FS hafi
verið fyrir valinu segir hún: „Ég valdi
FS því þetta er frábær skóli með frá-
bærum kennurum og ég sá enga
ástæðu til þess að fara í einhvern
annan skóla því ég myndi fá alveg
jafn góða menntun frá FS.“
Bryndís segist hafa áttað sig á
því hvað í henni býr eftir að fjar-
kennsla hófst vegna heimsfarald-
ursins. „Covid var ákveðin áskorun
en á þeim tíma náði ég að átta mig
á því hvernig námsmaður ég væri.
Nú þegar ég lít til baka þá er ég
mjög stolt af því hvernig mér gekk
í skólanum á þeim tíma, sérstaklega
þegar að skólinn breyttist í fjarnám á
einni nóttu.“ Þá segir hún hópvinnu
í skólanum hafa verið áskorun. „Það
var líka áskorun að lenda í hópvinnu
með fólki sem nennti ekki að gera
verkefnið og ég tel að það sé mikil-
vægt að fólk leggi metnað og vinnu
í það að vinna saman í hópum til að
álagið sé jafnt á alla.“
Bryndís segir að á árum sínum í
FS hafi hún fyrst og fremst einblínt
á námið en hún nýtti lærdómspásur
sínar í að fara út að hlaupa, lesa og
horfa á kvikmyndir. „Ég fer reglulega
út að hlaupa og ætla að taka þátt í
Reykjavíkurmaraþoninu eins og ég
hef áður gert. Ég horfi mikið á kvik-
myndir, bæði eldri myndir og nýjar.
Ég les mikið og er með mikinn áhuga
á söngleikjum jafnvel þó ég geti ekki
haldið réttri tóntegund. Fjölskyldan
ferðast töluvert og þá reyni ég að
draga þau með mér á söngleiki.“
Aðspurð hvert leyndarmálið sé
á bak við góðan námsárangur segir
hún:
„Vera skipulagður og duglegur,
en líka að hafa áhuga á því sem þú
ert að gera og að vilja standa þig
mjög vel. Ég hafði líka mjög góðan
stuðning frá fjölskyldunni. Þegar
að ég byrjaði að fá mjög góðar ein-
kunnir þá var það orðið ávanabind-
andi hjá mér að fá alltaf fleiri og fleiri
níur og tíur.“
Bryndís er ánægð og stolt af sér
sjálfri en segist enn vera að átta sig
á aðstæðum. „Ég er enn ekki búin
að átta mig á því að ég hafi orðið
dúx því ég hef aldrei fengið svona
stóra viðurkenningu fyrir eitthvað
sem ég hef gert en ég er mjög ánægð
og stolt af sjálfri mér.“ Hún ætlar að
vinna í sumar og stefnir að því sál-
fræðinámi við Háskóla Íslands í
haust. Þrátt fyrir það segir hún ekki
vita nákvæmlega hvað hún vil gera í
framtíðinni. „Ég hef áhuga á mörgu,
þannig að ég er til í að læra hvað
sem er og leyfa lífinu að koma mér
á óvart.“
Félagar í Lionsklúbbnum Æsu fögnuðu 25 ára afmæli klúbbsins þann 26.
apríl sl. Lionsklúbburinn Æsa er kvennaklúbbur með 33 félögum á öllum
aldri. Það er öflugt starf í klúbbnum, sem styrkir mannúðar- og menn-
ingarmál af ýmsum toga, aðallega hér í heimabyggð. Mikil áhersla er lögð
á félagsstarfið, margvísleg fræðsla og kynningar skipa þar stóran sess og
félagar eiga dýrmætar stundir saman.
Aðalfjáröflun klúbbsins er Blómamarkaðurinn sem haldinn er árlega um
mánaðamótin maí/júní við Ytri-Njarðvíkurkirkju.
Í tilefni af afmælinu afhenti Lionsklúbburinn Æsa styrki sem samþykktir
höfðu verið nú á síðari hluta starfsársins, alls að verðmæti kr. 1.420.000.-
Þeir sem hlutu styrkina voru:
Skammtímavistunin Heiðarholt - heitur pottur – (Snorralaug).
Brunavarnir Suðurnesja – styrkur til kaupa á sjónvarpsskjáum
og hljóðkerfi fyrir hermisetur.
Íbúar og starfsfólk Hrafnistu, Nesvöllum - gjafir sem gleðja
og efla vellíðan – hlutir til að þjálfa huga og hönd.
Unglingaráð Fjörheima – styrkur til uppbyggingar á körfuboltavelli
til minningar um Örlyg Aron Sturluson, körfuboltamann.
Fjölsmiðjan á Suðurnesjum – styrkur til að kaupa á
sýnileikafatnaði handa starfsfólki.
Ytri Njarðvíkurkirkja – hjartastuðtæki.
BRYNDÍS MARÍA KJARTANSDÓTTIR
„Er til í að læra hvað
sem er og leyfa lífinu
að koma mér á óvart“
Æsur fagna 25 árum
með góðum gjöfum
og blómamarkaði
víkurFrÉttir á SuðurNESJuM // 13