Víkurfréttir - 23.05.2022, Blaðsíða 15

Holtaskóli hreppti þriðja sætið í Skólahreysti
Úrslitakeppni Skólahreysti var
haldin laugardaginn 21. maí. Góður
árangur grunnskóla Suðurnesja í
Skólahreysti á síðustu árum hefur
ekki leynt sér en fjórir af þeim tólf
skólum sem kepptu til úrslita voru
frá Reykjanesbæ og hreppti Holta-
skóli þriðja sætið í ár.
Lið Flóaskóla bar sigur úr býtum
og tók Hraunvallaskóli annað sætið.
Fyrir hönd Holtaskóla keppti Almar
Örn Arnarson í upphífingum og
dýfum, Margrét Júlía Jóhannsdóttir
í armbeygjum og hreystigreip og
Dagur Stefán Örvarsson og Helen
María Margeirsdóttir í hraðaþraut.
Almar gerði 51 dýfu og voru það
flestar dýfur þetta kvöldið og því
sigraði Holtaskóli þá grein. Vara-
menn liðsins voru þau Ásdís Elva
Jónsdóttir, Júlían Breki Elentínusson
og Stella María Reynisdóttir. Einar
Guðberg Einarsson og Katla Björk
Ketilsdóttir voru þjálfarar liðsins.
33 Keflvíkingar í úrvalsbúðum KKÍ
KKÍ stóð fyrir æfingabúðum fyrir
úrvalshópa í íþróttahúsi Grinda-
víkur helgina 21.–22. maí. Úrvals-
hóparnir eru undanfari yngri
landsliða Íslands og æfa þeir
undir leiðsögn reyndra þjálfara og
gestaþjálfara. Samtals voru mörg
hundruð iðkendur fæddir 2010
og 2011 sem tóku þátt. Alls voru
sautján strákar og sextán stelpur
frá Keflavík í úrvalsbúðunum.
Sigurður Friðrik Gunnarsson,
oftast kallaður Siddi, er þjálfari
þeirra drengja sem sóttu úrvals-
búðirnar, ásamt Sindra Kristni
Ólafssyni. Siddi er einnig með
afreksþjálfun fyrir þrettán til
tuttugu ára og er í þjálfarateymi
U16 karlalandsliðs Íslands sem
er á leið á NM og EM í sumar.
Siddi leggur áherslu á að rækta
áhuga og ánægju körfuboltaiðk-
enda og segir það vera lykil að
velgengi. „Metnaðurinn byrjar í
ánægjunni. Ef við ræktum áhuga
og ánægju fyrst, leggur iðkandinn
meiri ástundun í sínum frítíma á
það að æfa sig án þess að finnast
hann vera skyldugur til þess eða
að það sé einhver kvöð. Fram-
farir verða mikið til að veruleika á
manns eigin tíma utan skipulagðra
æfinga að mínu mati,“ segir Siddi
og bætir við: „Við getum alltaf á
okkur blómum bætt og því hvet
ég alla krakka og unglinga á Suður-
nesjum að koma og prófa að æfa
körfubolta hjá sínu félagi. Körfu-
bolti er drottning allra íþrótta.“
Skilaboð Sidda til upprenn-
andi körfuboltastjarna eru „vertu
góð(ur) í hlutunum sem krefjast
engra hæfileika en hjálpa liðinu
á ómetanlegan hátt. Hlutir eins
og ákefð, barátta, að vera góður
liðsfélagi, jákvæðni, vera ekki
hræddur við mistök o.s.frv. Allir
þjálfarar elska að vera með ein-
staklinga sem eru með þessa
eiginleika. Ofan á það skiptir mjög
miklu máli að hafa þannig ást fyrir
leiknum að boltinn sé sem oftast í
höndunum á þér yfir daginn. Æf-
ingin skapar jú meistarann.“
Katla Björk Ketilsdóttir, Ásdís Elva Jónsdóttir, Helen María Margeirsdóttir,
Júlían Breki Elentínusson, Margrét Júlía Jóhannsdóttir, Dagur Stefán Örvarsson,
Stella María Reynisdóttir, Almar Örn Arnarson og Einar Guðberg Einarsson.
Pétur Þór Jaidee í níunda sæti
á fyrsta golfmóti sumarsins
Fyrsta mót sumarsins á mótaröð
GSÍ fór fram hjá Golfklúbbnum
Leyni um síðustu helgi. Fimm kepp-
endur frá Golfklúbbi Suðurnesja
voru á meðal þátttakenda, þeir
Pétur Þór Jaidee, Logi Sigurðsson,
Guðmundur Rúnar Guðmundsson,
Björgvin Sigmundsson og Róbert
Smári Jónsson. Völlurinn var í mjög
góðu ástandi og veðrið var ágætt
allan tímann. GS-ingarnir stóðu sig
vel og enduðu fjórir þeirra á meðal
efstu þrjátíu sem er ágætis byrjun
hjá keppniskylfingunum.
Pétur Þór Jaidee stóð sig best af
keppendum GS og náði í fyrsta skipti
á ferlinum sínum á meðal tíu efstu
kylfinga. Logi átti einnig fínt mót og
endaði í fimmtánda sæti.
Almar Örn Arnarson
að keppa í dýfum.
Daníel Dagur
Íslandsmeistari
í júdó
Daníel Dagur Árnason úr Judofélagi
Reykjanesbæjar varð um síðustu
helgi Íslandsmeistari í undir 21 árs
aldursflokki. Hann sigraði allar sínar
viðureignir örugglega á ippon. Daníel
keppti einnig til úrslita um gullverð-
laun í fullorðinsflokki á Íslands-
móti fullorðinna sem fór fram fyrr
í mánuðinum en tapaði þeirri glímu
og vann silfurverðlaun.
Gott gengi sundfólks ÍRB í Danmörku
Ungt sundfólk frá ÍRB keppti á
Tastrup Open í Danmörku með
Framtíðarhópi Sundsambands Ís-
lands um síðustu helgi. Allt sund-
fólkið náði að bæta sig í einni eða
fleiri greinum og nokkrir unnu til
verðlauna – glæsilegur árangur hjá
þessum framtíðarsundgörpum.
Elísabet Arnoddsdóttir vann ein
gullverðlaun og tvö brons og Daði
Rafn Falsson vann til tveggja brons-
verðlauna. Ástrós Lovís Hauks-
dóttir, Nikolai Leo Jónsson og Denas
Kazulis unnu ein bronsverðlaun
hvert. Jafnframt voru þau Freydís
Lilja Bergþórsdóttir og Árni Þór
Pálmason ansi nálægt verðlauna-
sætum en þau náðu náðu bæði
fjórða sæti í einu eða fleiri sundum.
Andy Pew skoraði fyrsta mark
Þróttar í næstefstu deild
Það var fyrirliðinn sjálfur,
Andrew James Pew, sem
skoraði fyrsta mark Þróttar
Vogum í Lengjudeild karla í knattspyrnu. Markið kom í leik
gegn Vestra frá Ísafirði sem leikinn var síðasta laugardag.
Leiknum lauk með 1:1 jafntefli eftir að Vestri komst yfir með marki úr
vítaspyrnu (62') en Pew sá um að jafna metin sjö mínútum síðar (69').
Andy Pew fagnaði
marki sínu vel.
Að ofan sést skalli Pew
á leiðinni í vinkilinn
eftir hornspyrnu.
VF-myndir: JPK
víkurFrÉttir á SuðurNESJuM // 15