Víkurfréttir - 23.05.2022, Blaðsíða 14

Störf í boði
hjá Reykjanesbæ
Umsóknir í auglýst störf skulu berast rafrænt gegnum vef
Reykjanesbæjar. Þar eru jafnframt nánari upplýsingar um auglýst
störf. Hægt er að notast við QR kóða til að fara beint inn á vefinn
Háaleitisskóli - Grunnskólakennari á mið- og elsta stig
Leikskólinn Tjarnasel - Leikskólakennarar
Starf við liðveislu
Velferðarsvið - Umsjón fyrir ungmenni með stuðningsþarfir
Velferðarsvið - Stuðningsfjölskyldur
Viltu starfa hjá Reykjanesbæ? Almenn umsókn
Hvort lið hefur unnið einu sinni – síðast vann Njarðvík
Það verður barist um bæinn á miðvikudag þegar stórveldi Reykjanesbæjar, Keflavík og Njarðvík,
mætast í 32 liða úrslitum Mjólkurbikars karla í knattspyrnu. Það má búast við hörðum átökum enda
miklu meira en þátttaka í bikarkeppni í húfi – heiðurinn er að veði.
Fyrri viðureignir
Keflavík og Njarðvík hafa mæst í
tvígang í bikarkeppni. Í fyrra skiptið
árið 1985 þegar leikið var á heima-
velli Njarðvíkinga, þá fór Keflavík
með þriggja marka sigur af hólmi
með mörkum frá Sigurði Björgvins-
syni og Helga Bentssyni auk þess
sem Njarðvíkingar skoruðu eitt
sjálfsmark.
Árið 2019 léku Keflavík og
Njarðvík á heimavelli Keflvíkinga
og þá voru það Njarðvíkingar sem
höfðu betur en aðeins eitt mark var
skorað í leiknum og var þar að verki
skoski markvarðahrellirinn Kenneth
Hogg.
Fyrir utan bikarleiki hafa ná-
grannaliðin mæst fimm sinnum í
deildarkeppni, þar hallar heldur á
Njarðvíkinga en Keflavík vann fjórar
af þeim viðureignum en einn leikur
fór í jafntefli.
Gengi liðanna í sumar
Njarðvík, sem leikur í 2. deild, hefur
leikið þrjá leiki og er með fullt hús
stiga. Njarðvíkingar eru búnir að
skora tólf mörk í þessum þremur
leikjum en aðeins fengið á sig eitt
svo þeir eru til alls líklegir. Í vor urðu
Njarðvíkingar Lengjubikarmeistarar
B-deildar.
Keflavík hefur leikið átta leiki,
unnið tvo þeirra, gert eitt jafntefli
en tapað fimm. Keflvíkingar byrjuðu
brösuglega en hafa verið að finna
taktinn í síðustu leikjum og í raun
þeirra eigin klaufaskap um að kenna
að árangur þeirra sé ekki betri en
raun ber vitni.
sport
Keflavík og Njarðvík
hafa mæst tvisvar
áður í bikarnum
32 liða úrslit Mjólkurbikars
karla í knattspyrnu
Kenneth Hogg og Jóhann Þór Arnarsson [nú leikmaður Víðis] eigast við
í bikarleiknum 2019. Kenny skoraði þá sigurmark Njarðvíkingar.
Innan raða Njarðvíkur eru nokkrir fyrrverandi
Keflvíkingar og hér má sjá fyrirliðann Marc McAusland,
baráttujaxlinn Einar Orra Einarsson og að ógleymdum
öðrum þjálfara liðsins, Hólmari Erni Rúnarssyni,
í leik með Keflavík gegn Grindavík árið 2018.
Dani Hatakka og Patrik Johannesen skoruðu mörk Keflvíkinga í sigurleiknum
gegn FH um síðustu helgi. Johannesen hefur skorað fjögur mörk í deildinni
og fyllt skarð Joey Gibbs í sókninni sem er frá vegna meiðsla.
Oumar Diouck, sem gekk til liðs
við Njarðvík fyrir þetta tímabil,
hefur farið vel af stað í deildinni.
Diouck er markahæstur í 2. deild
með fimm mörk í þremur leikjum.