Fréttablaðið - 25.01.2023, Blaðsíða 28

Vivian Ólafsdóttir, Iain Glen
og Ólafur Darri eru í leikhópn-
um sem Óskar Þór Axelsson
teflir fram í spennumyndinni
Napóleonsskjölin. Myndin
byggir á skáldsögu Arnaldar
Indriðasonar, sem var leik-
stjóranum innan handar og
kom með góða móralska orku
á tökustað, þar sem Ólafur
Darri var manna hressastur í
ýktu aukahlutverki.
toti@frettabladid.is
„Það var góður fílíngur í hópnum
enda verkefnið skemmtilegt. Mikil
aksjón,“ segir Óskar Þór Axelsson,
leikstjóri spennumyndarinnar
Napóleonsskjölin sem verður frum-
sýnd eftir rúma viku.
Myndin byggir á þriðju skáld-
sögu Arnaldar Indriðasonar sem
kom út 1999 og segir frá Kristínu,
lögfræðingi í utanríkisráðuneyt-
inu, sem stofnar lífi sínu og limum
í stórhættu þegar hún fer að grafast
fyrir um mál sem kemur upp í kjöl-
far þess að gamalt f lugvélarbrak
kemur upp úr ísnum í Vatnajökli.
Óskar segir Arnald síður en
svo hafa andað ofan í háls-
málið á honum við gerð
myndarinnar, en hann
haf i átt hann sem
hauk í horni til skrafs
og ráðagerða þegar
svo bar undir.
„Ha nn svona
pínu læddist inn
og út en hafði
gaman af því að koma og vera með
okkur,“ segir Óskar, þegar hann
rifjar upp heimsókn Arnaldar á
tökustað. „Hann gaf okkur góða
móralska orku með nærveru sinni,“
segir leikstjórinn einnig um ann-
álað hógværan rithöfundinn.
Óskar segir myndina ekkert taka
sig neitt súper hátíðlega, sem hafi
gefið honum og leikurunum svig-
rúm til þess að bregða á leik. „Eins
og sést bara á þessum búningum
sem Darri og Vivian eru í.“
Óskar segir Ólaf Darra hafa verið
manna hressastan í tökunum enda í
skemmtilegu aukahlutverki og laus
undan þeirri kunnuglegu ábyrgð að
þurfa að vera með allt á herðum sér.
„Hann kemur mjög sterkur inn í
myndina og er alveg í essinu sínu.
Þetta er skemmtilegur karakter,
pínu ýktur og þá er hann bara hlæj-
andi allan daginn. Hann sérstaklega
hafði gaman að þessu,“ segir Óskar,
sem hefur þekkt leikarann lengi
og leikstýrði honum til dæmis í
nokkrum Ófærðarþáttum. n
Arnaldur kom með móralska orku í hasarinn
Aðalleikkonan
Vivian og Arn-
aldur í góðum
fílíng á tökustað
þegar rithöf-
undurinn leit
við og gaf af sér
góða móralska
orku.
„Þetta er mómentið þegar Birna Rún Eiríksdóttir ákvað að það hefðu verið
mistök að fara í björgunarsveitina,“ segir Óskar um leikkonuna sem er þarna
heldur betur komin á kaldan klaka.
„Ég man eftir því úr Ófærð hversu svakalegur „stunt driver“ Darri er og hann er ekkert slakari á vélsleða,“ segir Óskar
um Ólaf Darra í hlutverki Einars, sem birtist til dæmis sem bangsalegur stuðbolti á vélsleða. Myndir/Juliette rowland
Vivian, Darri og Jack Fox, sem leikur Steve Rush, á leið í tökur í stúdíói í Köln í Þýskalandi.
Óskar fer yfir málin með Darra og skoska leikaranum Iain Glen, sem er sjálf-
sagt þekktastur hér á landi sem Game of Thrones-kempan Jorah Mormont.
„Glen er mikill sögumaður og lúmskur grínisti,“ segir leikstjórinn.
„Fókus-leg-
endið og fag-
maðurinn Goði Már
Guðbjörnsson þekkir
mikilvægi þess að
bregða á leik þegar
færi gefst.“
„Þessi
mynd sýnir að
Vivian og Iain eru ekki
„method“-leikarar. Það
er að segja að þau þurfa
ekki að halda áfram að
hatast við hvort annað
eftir að kameran
hættir að rúlla.
24 lífið FRÉTTABLAÐIÐ 25. jAnúAR 2023
MiðViKUDAGUR