Rökkur - 01.06.1945, Blaðsíða 5

RÖKKUR
165
lið með Miðveldunum, rufu Italir seinustu tengsl
sín við Miðveldin og gengu í lið með bandamönnum.
Víkjum nú að þessu nokkru nánar. Þann 28. júlí
sagði Austurríki Serbum stríð á hendur. Fregnir
ípru að berast um smáskærur á landamærunum,
töku fljótabáta og þess háttar. Þessum fregnum var
gert allhátt undir höfði i brezkum blöðum. Þennan
dag birti Times áskorun þess efnis, að öll þjóðin
ætti að sameinast um þá kröfu, að írska deilan yrði
til lykta leidd tafarlaust, vegna þess hve ískyggi-
lega horfði á meginlandinu. Brezku blöðin tóku
yfirleitt undir þessa áskorun.
Þann 29. júlí sagði Asquith forsætisráðherra i
neðri málstofunni, að horfurnar væru mjög ískyggi-
legar. Hann iívað hrezku stjórnina halda áfram til-
raunum sínum til þess að koma í veg fyrir að
styrjöld hrytist út um alla álfuna. Daginn eftir
sagði hann, að það „héngi á þræði”, hvort friður
héldist eða Evrópustyrjöld blossaði upp. Hann hvatti
alla flokka til þess að leggja innhyrðis deilur til
hliðar.
Bonar Law studdi forsætisráðherrann: Hvað sem
líður ágreiningsmálum okkar heima fyrir, verðum
vér að standa sameinaðir á vettvangi heimsmál-
anna. Báðherrarnir voru hylltir fyrir þessar yfir-
lýsingar sínar. 1 rauninni var nú fyrir það girt, að
frekari ágreiningur yrði í Bretlandi um Irlands-
málin.
Þann 31. júlí hvatti Georg konungur V. Rússa-
keisara til þess að gera allt, sem í hans valdi stæði,
til þess að varðveita friðinn. Rússar voru þá hyrj-
aðir að hervæðast. Þjóðverjar svöruðu með því að
lýsa yfir hernaðarástandi. Þrátt fyrir allt virtist
svo, sem vígahugur væri í mönnum í flestum lönd-
um álfunnar. Jean Jaures, leiðtogi franskra jafn-
aðarmanna, var myrtur, af því að hann hafði mót-
mælt því, að lagt væri út í styrjöld. 1 Englandi
A oru bankavextir hækkaðir úr 4 í‘ 8 af hundraði.