Fjarðarfréttir - 04.05.2022, Blaðsíða 10

10 www.fjardarfrettir.is FJARÐARFRÉTTIR | MIÐVIKUDAGUR 4. MAÍ 2022
Uppland okkar Hafnfirðinga er
ómetan leg náttúruparadís. Við búum svo
vel að eiga náttúruperlur sem gaman er að
heim sækja eins og t.d. Hvaleyrarvatn,
Gjárnar og Helgafell svo fáeinar séu
nefndar. Við í Framsókn höfum lagt
áherslu á uppbyggingu stíga til að auka
aðgengi allra að upplandinu og höfum nú
þegar sett í gang uppbyggingu stígs við
Hvaleyrarvatn, en þar verður byggður
stígur sem mun nýtast fyrir alla, jafnt
hlaupara sem hjólastóla. Einnig stefnum
við að frekari uppbyggingu nýrri stíga í
samræmi við tillögur starfshóps, sem og
lagfæringu eldri stíga.
Upplandið okkar getur líka verið
að gengilegt á veturna fyrir iðkun göngu­
skíða með því að troða spor um stígana
þegar snjóalög bjóða upp á það. Þetta er
meðal þess sem við í Framsókn viljum
hrinda í framkvæmd.
Við þurfum þó ekkert endilega að fara
upp í uppland til að stunda útivist – það er
hægt innanbæjar líka. Við höfum lagt
áherslu á endurnýjun gangstétta og er það
verkefni langt komið en þó ekki lokið.
Við þurfum að tryggja að gangstéttirnar
okkar fái eðlilegt viðhald og verði ruddar
á veturna svo þær geti þjónað sínu
hlutverki, hvort sem það er til útivistar
eða samgangna.
Okkur í Framsókn langar að byggja
skíðalyftu (töfrateppi) á Þorlákstúni fyrir
börn og vonandi er hægt að hanna hana
þannig að hún geti nýst á sumrin líka, t.d.
fyrir hjólafólk. Eins væri hægt að setja
segldúk í brekkuna sem börn gætu rennt
sér niður á góðviðris degi og tekið
töfrateppið upp. Við í Framsókn viljum
standa undir nafni og sækja fram. Með
þessu móti væri hægt að nýta áður ónýttar
náttúruperlur innan bæjarins. Við þurfum
líka að tryggja fjármagn til viðhalds
leiksvæða og þar verður að viðurkennast
að ekki hefur nægilega vel tekist til. Við
getum betur og þá gerum við betur!
Árni Rúnar skipar 3. sæti á lista
Fram sóknar og Jón Atli skipar 9. sæti.
Er ekki bara best að
stunda útivist í
Hafnarfirði?
Árni Rúnar
Árnason
Jón Atli
Magnússon
Íslenska þjóðin er að eldast og á næstu
árum og áratugum munum við sjá
þennan hóp stækka verulega. Við lifum
lengur og höldum heilsu fram á efri ár í
auknum mæli ­ þannig eru eldri borgarar
ekki afgangsstærð, heldur mikilvægur
hópur með kröfur og getu til að leggja sitt
af mörkum til samfélagsins.
Áherslur Félags eldri borgara fyrir
sveitarstjórnarkosningar 2022 eru skýrar
því félagsfólkið vill hafa áhrif á sitt
nánasta umhverfi. Þau vilja fjölbreytt
bú setuúrræði í sinni heimabyggð, þau
vilja lífsgæði, samveru og öryggi á eigin
forsendum. Þau vilja fjárhagslegt sjálf­
stæði og lægri húsnæðis kostnað, auk
fjölbreyttra úrræða til heilsueflingar.
Einnig vilja þau að raddir þeirra heyrist
og eftirfylgni sé með óskum þeirra t.d.
varðandi rekstur og aðbúnað á hjúkr unar­
heimilum, og í öldungaráðum sveitar­
félaga.
Í Hafnarfirði búa rúmlega 2700 íbúar
sem náð hafa eftirlaunaaldri, þar af 1300
karlmenn og 1400 konur. Af þessum
fjölda eru aðeins rúmlega 40 manns
starfandi á vinnumarkaði samkvæmt
gögnum frá Hagstofu Íslands. Vissulega
eru ellilífeyrisþegar mismunandi að
atgerfi, en eitthvað segir manni að mikil
reynsla og þekking fari forgörðum með
því að bjóða eldra fólki ekki val um
atvinnuþátttöku.
Píratar vilja gera vel við fullorðnu íbú­
ana okkar. Við viljum hlúa að andlegri og
líkamlegri heilsu eldri bæjarbúa, til
dæmis með því að bjóða eldri borgurum
upp á fjölbreyttar tómstundir og útivist í
Hafnarfirði eftir getu hvers og eins. Eitt af
grunn stefum Pírata er að standa vörð um
og efla sjálfsákvörðunarrétt allra lands­
manna.
Þannig sjá Píratar fyrir sér að í
Hafnarfirði megi bjóða upp á úrræði á
vegum bæjarins þar sem ellilífeyrisþegum
verða boðin tækifæri til heilsueflingar,
tómstunda, útivistar og möguleika til að
nýta reynslu og þekkingu sína með
ýmsum atvinnuúrræðum. Hugsanlega
geta aðilar eins og heilsugæslan, Mark­
aðsstofa Hafnarfjarðar, Starfsendur hæf­
ing Hafnarfjarðar og öldungaráð unnið
saman að ofangreindu.
Albert Svan og Ragn heið ur skipa 3.
og 6. sæti á lista Pírata.
Eldri borgarar
í Hafnarfirði
Ragn heið ur H.
Eiríksdóttir Bjarman
Albert Svan
Sigurðsson
Kosningarnar þann 14. maí næst kom­
andi snúast á stórum hluta um það
hverjum bæjarbúar treysta til að
fara með stjórn bæjarins. Við í
Framsókn erum áfram tilbúin í
það verkefni.
Fyrir kosningarnar 2018
höfð um við það yfirmarkmið
að gera góðan bæ enn betri. Það
hefur svo sannarlega tekist. Við
sjáum það á þeirri kraftmiklu
uppbyggingu sem er út um all­
an bæ, við höfum lækkað álög­
ur á fjölskyldufólk m.a. með því að
stórauka systkinaafslætti, stigin voru
skref í þá átt að skólamáltíðir í grunn­
skólum verði gjaldfrjálsar, það hafa verið
opnaðir þrír nýir búsetukjarnar fyrir fatlað
fólk, allir nýfæddir Hafnfirðingar fá gjöf
frá bænum og svona mætti lengi telja.
Niðurstöður ánægjuvogar Gallup sýna
fram á að mikill meirihluti Hafnfirðinga
er ánægður með þjónustu bæjarins. En
það eru alltaf tækifæri til umbóta. Við
erum áfram tilbúin í þá umbótavinnu í
samstarfi við aðra flokka.
Framsókn er miðjuflokkur. Flokkur
sam vinnu og sátta. Sem formaður í fjöl­
skylduráði á þessu kjörtímabili hef ég
starfað með öllum flokkum. Í langflestum
málum hefur fjölskylduráð verið sam­
mála. Ég tel að það sé vegna
þess að það er allt uppi á
borðinu, við ræð um málin fram
og tilbaka og kom umst svo
yfirleitt að sam eig in legri
niðurstöðu. Þannig vinnubrögð
viljum við taka með okkur inn í
bæjarstjórn Hafn arfjarðar. Ég
hef tæplega 20 ára reynslu sem
skólastjóri. Sú reynsla á eftir að
nýtast mér afar vel í bæjarstjórn
Hafnar fjarðar. Reynslan hefur kennt mér
það fyrst og síðast að það að hlusta á fólk
skiptir öllu máli, sýna fólki áhuga og
finna lausnir. Við vinnum málin saman.
Þegar ég flutti í Hafnarfjörð árið 2008
fann ég um leið að hér var gott að búa.
Hér er góður bæjarbragur og yndislegt
fólk. Hafnfirðingar eru stoltir af bænum
sínum og mega líka vera það. Við erum
með sama yfirmarkmið nú og fyrir
kosningarnar 2018; gera góðan bæ enn
betri. Við þurfum þig með í þá vegferð.
Framtíð Hafnarfjarðar ræðst á miðjunni
– XB.
Höfundur er oddviti Framsóknar í Hafn­
ar firði og skólastjóri Öldutúnsskóla.
Hverjum treystir
þú best?
Valdimar
Víðisson
Sagt er að hundar séu bestu vinir
mannanna og í flestum tilfellum
er það dagsatt.
Í Hafnarfirði eru skráðir um
800 hundar og eflaust eru þeir
nokkrir sem eru óskráðir. Það er
þó erfitt að átta sig á fjölda
hunda í Hafnarfirði en við
göng ur um bæinn má sjá að
fjöldinn er nokkuð mikill.
Við í Framsókn viljum efla
og byggja upp hundasvæðið
sem staðsett er við Hvaleyrar vatnsveg.
Við viljum setja upp hundaleiktæki,
þrauta braut og skolunarbúnað ásamt því
að lagfæra og viðhalda hundasvæðinu. Þá
viljum við einnig leggja áherslu á að
hundasvæðinu yrði sinnt betur og nýjum
ruslatunnum með hundapokum verði
komið fyrir.
Það hefur verið ákall frá hundaeigendum
að koma upp góðu hundasvæði í Hafnar­
firði þar sem lausaganga er leyfð. Á
kjörtímabilinu sem senn er að enda var
sett upp gott hundagerði við kirkjugarðinn
í suðurbænum. Það er vel nýtt og því
nauðsynlegt að halda áfram að sinna
stórum hópi hundaeigenda í
Hafnarfirði vel.
„Ég er glaðasti, glaðasti,
glað asti hundur í heimi. Mér er
klappað á hverjum degi og ég
er að fíla‘ða,“ segir í laginu
Glað asti hundur í heimi eftir
Friðrik Dór.
Er ekki bara best að botna
lagið og syngja um glöðustu
hundana í Hafnarfirði sem fá að
hlaupa um frjálsir á hundasvæði, hitta
vini sína, hnusa, hlaupa og digg‘aða?
Er ekki bara best að eiga hund í Hafn­
arf irði? Það verður það þegar upp er
komið flott opið hundasvæði í heima­
bænum okkar þar sem við getum meira
segja skolað bestu vini okkar áður en við
höldum heim á leið. Það yrði líka kær­
komið fyrir hafnfirska hundaeigendur að
þurfa ekki að fara úr sveitarfélaginu til að
komast á gott og opið hundasvæði.
Höfundur er í 2. sæti á lista
Framsóknar í Hafnarfirði og
hundaeigandi
Er ekki bara best að
vera hundur í
Hafnarfirði?
Margrét Vala
Marteinsdóttir