Mosfellingur - 22.12.2022, Qupperneq 4

www.lagafellskirkja.is
kirkjustarfið HelgiHald næstu vikna
- Bæjarblaðið í Mosfellsbæ4
aðfangadagur 24. desember
Kl. 13: Jólastund barnanna í Lágafells-
kirkju. Umsjón: Sr. Henning Emil.
Kl. 18: Aftansöngur í Lágafellskirkju.
Arndís Linn.
Kl. 23:30: Miðnæturguðsþjónusta á
jólanótt í Lágafellskirkju. Sr. Henning
Emil Magnússon.
Jóladagur 25. desember
Kl. 14: Hátíðarguðsþjónusta í Lága-
fellskirkju. Sr. Arndís Linn. Kirkjukór
Lágafellssóknar.
Kl. 16: Hátíðarguðsþjónusta í Mosfells-
kirkju. Sr. Henning Emil Magnússon.
gamlársdagur 31. desember
Kl. 17: Aftansöngur í Lágafellskirkju. Sr.
Henning Emil Magnússon.
sunnudagur 8. janúar 2023
- upphaf barnastarfsins.
Kl. 11: Guðsþjónusta í Lágafellskirkju.
Kl. 13: Sunnudagaskólinn í SAFNAÐAR-
HEIMILINU, ÞVERHOLTI 3.
Kl. 17: Batamessa í Lágafellskirkju.
Foreldramorgnar
Hefjast aftur á nýju ári miðvikudaginn
11. janúar kl. 10-12 í safnaðarheimilinu.
Barnakór lágaFellskirkJu
Æfingar hefjast aftur 9. janúar,
fyrir krakka í 1.- 6. bekk.
Brennur yfir hátíðar
- tímasetningar
Loksins verður hægt að halda
brennur í Mosfellsbæ eftir sam-
komutakmarkanir síðustu ár. Á
gamlárskvöld verður áramóta-
brenna haldin neðan Holtahverfis
við Leirvoginn þar sem þrett-
ándabrennan er árlega. Mosfells-
bær stendur fyrir brennunni í
samstarfi við handknattleiksdeild
Aftureldingar en kveikt verður í
brennunni kl. 20:30. Hin árlega
þrettándabrenna fer fram á sama
stað föstudaginn 6. janúar 2023.
Blysför leggur af stað frá Miðbæjar-
torginu kl. 17:30. Skólahljómsveitin,
Stormsveitin, Grýla og Leppalúði og
fleiri verða á svæðinu. Björgunar-
sveitin Kyndill verður með glæsilega
flugeldasýningu að vanda.
Bæjarbúar geta kosið
Mosfelling ársins
Val á Mosfellingi ársins 2022 stend-
ur nú yfir. Lesendum gefst kostur
á að tilnefna þá sem þeim þykja
verðugir að bera nafnbótina. Öllum
er frjálst að senda inn tilnefningar
í gegnum heimasíðu blaðsins
www.mosfellingur.is. Þetta er í 18.
sinn sem valið fer fram á vegum
bæjarblaðsins Mosfellings. Íbúar
eru hvattir til að taka virkan þátt og
senda inn tilnefningar. Gjarnan má
fylgja með stuttur rökstuðningur
fyrir tilnefningunni og hvað við-
komandi hefur lagt til samfélagsins.
Áður hafa þessi hlotið nafnbótina:
Sigsteinn Pálsson, Hjalti Úrsus
Árnason, Jóhann Ingi Guðbergsson,
Albert Rútsson, Embla Ágústsdóttir,
Steindi Jr., Hanna Símonardóttir,
Greta Salóme, Kaleo, Jóhanna Elísa
Engelhartsdóttir, Sigrún Þ. Geirs-
dóttir, Guðni Valur Guðnason, Jón
Kalman Stefánsson, Óskar Vídalín
Kristjánsson, Hilmar Elísson,
Sigmar Vilhjálmsson og Elva Björg
Pálsdóttir. Útnefningin verður
kunngjörð í fyrsta blaði ársins 2023,
fimmtudaginn 12. janúar.
Skemmtikraftarnir og Mosfellingarnir
Steindi Jr. og Dóri DNA gerðu sér lítið fyrir
og unnu spurningaþáttinn Kviss á Stöð 2.
Strákarnir kepptu fyrir hönd Aftur-
eldingar en í þáttunum keppa þekktir
Íslendingar fyrir hönd íþróttafélaganna
sem þeir styðja. Þátturinn er í umsjón
Björns Braga Arnarssonar.
Afturelding mætti KR í úrslitaviðureign-
inni og höfðu Vesturbæingar yfirhöndina
lengi vel. Steindi og Dóri áttu hinsvegar
magnaða endurkomu og staðan var
hnífjöfn þegar ein spurning var eftir. Eftir
þessa ótrúlegu dramatík höfðu Mos-
fellingarnir betur og er Afturelding því
sigurvegari þriðju þáttaraðar Kviss.
skemmtikraftarnir steindi jr.,
björn bragi og dóri dna
afturelding
vann kviss
Steindi Jr. og Dóri DNA
Vesturlandsvegur (1) í gegnum Mosfellsbæ
var vígður formlega fimmtudaginn 8. des-
ember eftir endurbætur og breikkun. Með
framkvæmdinni stóreykst umferðaröryggi
í gegnum bæinn.
Vígðir voru tveir áfangar, tæpir 2 kíló-
metrar frá Skarhólabraut að Kóngsvegi
(Reykjavegi), en framkvæmdirnar eru hluti
af verkefnum Samgöngusáttmála ríkisins og
sex sveitarfélaga á höfuðborgarsvæðinu.
Verkið gekk mjög vel. Framkvæmdir við
fyrsta áfanga hófust í lok maí 2020 og lauk í
desember það sama ár. Seinni áfangi fór af
stað í febrúar á þessu ári og lauk formlega
við opnunina þann 8. desember.
Í fyrri áfanga, sem náði frá Skarhólabraut
að Langatanga, var akreinum fjölgað úr
þremur í fjórar og þannig komið í veg fyrir
umferðarteppur sem oft mynduðust við
Lágafellskirkju. Í seinni áfanganum, sem
náði frá Langatanga að Kóngsvegi, voru
fjórar akreinar fyrir en þörf á endurbygg-
ingu vegarins. Stærsta breytingin er sú að
akstursstefnur eru nú aðskildar með vegriði
á allri leiðinni sem stóreykur umferðarör-
yggi á veginum.
Verktaki í báðum áföngum var Loftorka
Reykjavík ehf.
klippt á borða á afrein að krikahverfi
Sigurður Ingi Sigurðarson innviðaráð-
herra, Bergþóra Þorkelsdóttir forstjóri
Vegagerðarinnar, Davíð Þorláksson, fram-
kvæmdastjóri Betri samgangna, og Regína
Ásvaldsdóttir bæjarstjóri Mosfellsbæjar
klipptu á borða á nýrri afrein að Krikahverfi
og mörkuðu þannig formlega opnun.
Við það tækifæri sagði Sigurður Ingi
meðal annars: „Með Samgöngusáttmálan-
um, sem að standa ríkið og sex sveitarfélög
á höfuðborgarsvæðinu, var blásið til stór-
sóknar í samgöngumálum á svæðinu. Það
er mjög ánægjulegt að sjá uppskeru hans
líta dagsins ljós sem eykur umferðaröryggi
og afköst vegarins.“
Regína Ásvaldsdóttir bæjarstjóri Mos-
fellsbæjar var einnig ánægð: „Við erum
hæstánægð með þessa framkvæmd þar
sem hún bætir umferðaflæðið auk þess
sem lýsing og vegrið auka öryggi til muna.
Hljóðvarnir hafa líka verið bættar og við
fengum biðstöðvar Strætó beggja vegna
vegarins við Hlíðartúnshverfi og Skálahlíð
sem er mikill kostur.“
Formleg opnun Vesturlandsvegar í gegnum bæinn • 20-30 þúsund bílar á dag
stóraukið umferðaröryggi
í gegnum Mosfellsbæ
regína ásvaldsdóttir bæjarstjóri
og sigurður ingi innviðaráðherra
skæraverðirnir þórhildur
karen og dagbjört lilja