Mosfellingur - 22.12.2022, Page 8

Eldri borgarar • þjónustumiðstöðin eirhömrum • fram undan í starfinu
Skrifstofa félagsstarfsins er opin
alla virka daga kl. 13–16. Sími félags-
starfsins er 586-8014. Forstöðumaður
félagsstarfs eldri borgara í Mosfellsbæ
er Elva Björg Pálsdóttir tómstunda-
og félagsmálafræðingur, s: 698-0090.
Skrifstofa FaMos á Eirhömrum
er opin alla fimmtudaga frá kl. 15–16.
Félag aldraðra
í Mosfellsbæ og nágrenni
famos@famos.is
www.famos.is
- Fréttir úr bæjarlífinu8
Jólafrí félagsstarfsins 2022
Síðasti dagur félagsstarfsins fyrir jól
er fimmtudagurinn 22. des. Opnum
síðan aftur mánudaginn 2. jan 2023
kl. 13:00. Hlökkum til að sjá ykkur
öll aftur. Gleðileg jól kæru vinir og
þökkum samfylgdina á liðnu ári.
Opið hús/menningarkvöld
Tunglið og ég: Djass í Hlégarði.
Opið hús/menningarkvöld verður
mánudaginn 9. janúar í Hlégarði kl.
20:00. Heiða Árnadóttir og Gunnar
Gunnarsson píanóleikari flytja lög
eftir franska tónskáldið Michel
Legrand (1932-2019), en hann er
helst þekktur fyrir að hafa samið
söngleiki og tónlist fyrir kvikmyndir.
Lögin verða flutt á íslensku og eru
textarnir samdir af Árna Ísakssyni
og Braga Valdimar Skúlasyni. Kaffi-
nefndin verður svo með sitt rómaða
kaffihlaðborð að venju. Aðgangseyrir
er kr. 1.500 (posi er ekki á staðnum).
Með kveðju, Menningar- og skemmti-
nefnd FaMos
Hugur og heilsa
Íþróttanefnd FaMos. Hugur og
heilsa, 12 vikna námskeið 3 sinnum
í viku hefst 9. janúar 2023. Verð fyrir
tímabilið er kr. 15.000. Skráning hefst
3. janúar í síma 895 4656 og 845 7490
frá kl. 10 til 12. Þeir sem hafa þegar
skráð sig þurfa ekki að panta tíma.
Vatnsleikfimi byrjar 16. jan. Ringó
byrjar 10. jan. Boccia byrjar 18. jan.
Púttæfingar byrja 9. jan.
Gönguferðir alla miðvikudaga kl. 13.00
frá Fellinu við Varmá.
leikfimi á Eirhömrum hjá Karin
sjúkraþjálfara byrjar 5. janúar
kl. 10:45 og 11:15.
Allir velkomnir.
Fyrirlestur með ara Trausta
Í Safnaðarheimilinu 3. hæð 12. janúar
kl. 14:00 með Ara Trausta sem ræðir
um ýmislegt áhugavert varðandi
manninn og náttúruna, allir
velkomnir, aðgangur ókeypis.
Promennt
Erum á fullu að skrá á Promennt
snjallnámskeiðin sem byrja aftur
eftir áramót. Kennt er í 4 skipti á
Apple eða Android snjalltæki.
Aðgangur á námskeiðin er ókeypis.
Skráning og upplýsingar í síma
6980090 eða á elvab@mos.is.
STJórn FaMOS
Jónas Sigurðsson formaður
s. 666 1040 jonass@islandia.is
Jóhanna B. Magnúsdóttir varaformaður
s. 899 0378 hanna@smart.is
Kristbjörg Steingrímsdóttir ritari
s. 898 3947 krist2910@gmail.com
Þorsteinn Birgisson gjaldkeri
s. 898 8578 thorsteinn.birgis@gmail.com
guðrún K. Hafsteinsdóttir meðstjórnandi
s. 892 9112 gunnasjana@simnet.is
Áshildur Þorsteinsdóttir varamaður
s. 896 7518 asath52@gmail.com
Jólasveinaheimsókn
á aðfangadag
Jólasamstarf jólasveinanna og
Knattspyrnudeildar Aftureldingar
verður á sínum stað í ár. Heimsókn-
artíminn er
laugardag-
urinn 24.
des á milli
kl. 10:00
og 14:00.
Hægt er að
láta þessa
skemmtilegu
jólasveina
afhenda pakka. Heimsóknin kostar
5.000 krónur en panta þarf í vef-
verslun Aftureldingar fyrir klukkan
16:00 á Þorláksmessu. Allar nánari
upplýsingar eru á afturelding.is
Halldóra í 40 ár
á Reykjalundi
Reykjalundur heiðraði nýlega
Halldóru S. Árnadóttur en á þessu
ári náði hún þeim merka áfanga að
hafa starfað á Reykjalundi í 40 ár.
Halldóra starfar nú sem gjaldkeri
en á þessum árum hefur hún unnið
ýmis skrifstofustörf. Reykjalundur
vill þakka Halldóru kærlega fyrir
góð og gegn störf í þágu Reykja-
lundar á þessum árum.
Stormsveitin, sem er rokkkarlakór, er um
þessar mundir að leggja lokahönd á plötu
með lögum sem samin eru og útsett af Arn-
óri Sigurðarsyni og textar eftir stórskáldið
Kristján Hreinsson.
„Formlega er kórinn orðin 10 ára. Við
erum fjórraddaður lítill karlakór sem
syngur hefðbundin karlakóralög sem og
önnur lög við undirleik rokkhljómsveitar.
En við höfum samt margoft komið fram
órafmagnaðir,“ segir Sigurður Hansson
forsprakki kórsins. Sonur hans Arnór hefur
frá stofnun kórsins séð um tónlistarhliðina
og útsetningu á lögum.
Platan kemur út á Spotify
„Frá upphafi hef ég verið tónlistarstjóri
Stormsveitarinnar, hef séð um að útsetja
fyrir hljómsveitina. Svo þróaðist þetta út í
að ég varð kórstjórinn líka,“ segir Arnór.
„Ég fann það svo í Covid-ástandinu þar
sem við vorum alltaf að byrja og hætta að
við þurftum einhverja áskorun.
Það varð úr að ég samdi
nokkur lög fyrir kórinn og
fékk svo Kristján Hreinsson
til að semja textana.
Platan kemur út á Spotify
á næstu dögum en svo er
hugmyndin að fara af stað
með söfnun á Karolina
Fund eftir áramót þar sem
hægt verður að tryggja sér
plötuna á vínil,“ segir Arnór
sem samdi öll lögin á plöt-
unni nema eitt en það lag
er samið af föðurbróður hans, saxafónleik-
aranum Jens Hanssyni.
Útgáfu- og þrettánda-
tónleikar í Hlégarði
Laugardaginn 7. janúar
verða útgáfu- og þrett-
ándatónleikar í Hlégarði
hjá Stormsveitinni. „Það
er hefð hjá okkur að vera
með þrettándatónleika og
í ár bætum við um betur
og flytjum nýju plötuna í heild sinni fyrir
hlé og svo eftir hlé tökum við þau lög sem
okkur hefur fundist skemmtilegast að
syngja þau 10 ár sem Stormsveitin hefur
starfað.
Við erum með flotta hljómsveit með
okkur, auk Arnórs verða Jens Hansson á
saxann, Þórir Úlfarsson á hljómborð, Páll
Sólmundur á gítar og Jakob Smári á bassa.
Við lofum góðri skemmtun og miklu stuði.
Miðasala er hafin á Tix.is og eru miðarnir
tilvalin jólagjöf,“ segir Siggi og vonast eftir
góðri mætingu á tónleikana.
Rokkaður karlakór í 10 ár • Halda stóra tónleika ásamt hljómsveit í Hlégarði 7. janúar
stormsveitin gefur út plötu
með frumsömdum lögum
feðgarnir arnór
og siggi hansa