Mosfellingur - 22.12.2022, Síða 48
Handknattleiksdeild
neðan Holtahverfis við Leirvog
á sama stað og árleg þrettándabrenna
- Aðsendar greinar48
Kæru Mosfellingar
Gjöfin
Ég veit ekki hvort þú hefur
huga þinn við það fest.
Að fegursta gjöf sem þú gefur
er gjöfin sem varla sést.
Ástúð í andartaki
augað sem glaðlega hlær,
Hlýja í handartaki,
hjartað sem örar slær.
Allt sem þú hugsar
heiminum breytir til.
Gef þú úr sálarsjóði
sakleysi fegurð og yl.
Úlfur Ragnarsson
Okkur í Framsókn langar að óska ykk-
ur kæru sveitungar gleðilegra jóla og
megi nýja árið færa ykkur gleði, heilsu og
hamingju. Munum að hamingjan er val,
hamingjan er lífstíll og hamingjan
er ákvörðun en allt er það vinna.
Fyllum líf okkar af því sem okkur
þykir gaman að gera. Eitthvað sem
gerir okkur glaðari, ánægðari eða
eitthvað sem nærir okkur.
Það er líka mikilvægt að stað-
setja sig sólarmegin í lífinu þannig
að gleði, jákvæðni og þakklæti séu
til staðar alla daga. Já við þurfum að staldra
aðeins við og njóta allra einföldu hlutanna
sem eru allt í kringum okkur, þeir eru lífið.
Njótum þess!
Gefum af okkur, vöndum framkomu
okkar við aðra því þannig gerum við gott
samfélag betra.
Eigið góða daga, alla daga og megi gæfan
umvefja ykkur.
Með jólakveðju,
Framsókn í Mosfellsbæ.
Halla Karen Kristjánsdóttir
oddviti Framsóknar
Kæru Mosfellingar
Fyrir hönd sjónvarpsþáttarað-
arinnar Aftureldingar langar mig
að þakka kærlega fyrir okkur. Þið
hafið væntanlega orðið vör við
umstangið og vesenið, fólk í snjó-
göllum að reykja, fræga leikara að
spígspora um Kjarnann að þykjast
eiga heima þar, síðskeggjaða ljósamenn í
stríði við skammdegið; þetta eru allt sam-
an við, fólkið sem er að gera Aftureldingu
- sjónvarpsþátt sem gerist að öllu leyti í
Mosfellsbæ og verður frumsýndur á RÚV
um páskana.
Þátturinn er svokölluð dramedía um
handboltafólk - saga af vígvelli kynjastríðs-
ins, saga um börn, foreldra og harpix.
Það er ótrúlegt hvernig tekið hefur verið
á móti okkur. Hvert sem við komum stend-
ur fólk með útbreiddan arminn
boðið og búið að aðstoða hvernig
sem er.
Sérstaklega langar mig að þakka
hersingunni í íþróttahúsinu, en þar
hefur starfslið hússins og þáttanna
einhvernveginn runnið saman í
eitt. Ótrúlegt, ég segi með sanni
að við gætum ekki gert þessa þætti
án bæjarbúa hér í Mosfellsbæ.
Við lofum að láta ykkur í friði um jól-
inn, en birtumst svo öðru hvoru megin
við þrettándann og klárum síðustu tvær
vikurnar.
Verð líka að segja….djös andi í bænum
núna.
Gleðileg jól!
Dóri DNA Hátíðarkveðja
Takk fyrir okkur
Boðið var upp á tónleika
í Lágafellskirkju fimmtu-
dagskvöldið 15. desember.
Þeir félagar Andrés Þór
á gítar, Karl á píanó og Jón
á bassa, fluttu útsetn-
ingar sínar af þekktum
jólalögum og sálmum
með jassívafi svo unun var
á að hlýða.
Notalegt spjall þeirra
félaga um efnisskrána gaf
ágætum tónleikum þeirra
enn meira gildi.
Takk fyrir yndisstund,
sem fáir komu til að njóta.
Jórunn og Birgir
Hátíðarnótt - tónleikar