Fréttablaðið - 31.03.2023, Blaðsíða 2

Inga er að rannsaka
áhrif stafrænnar fram-
þróunar á jaðarhópa í
doktorsnámi sínu.
19%
Íslenska liðið var með
nítján prósenta sigur-
hlutfall undir stjórn
Arnars Þórs.
Fær loksins húsnæði
Það voru sannkölluð tímamót í Silfursmára í gær þegar Margrét Sigríður Guðmundsdóttir tók á móti lyklunum að íbúð sinni sem Ármann Ólafsson frá Brynju
leigufélagi afhenti henni. Hún hefur verið í baráttu við Kópavogsbæ og ríkið undanfarin ár vegna úrræðaleysis og getur nú loksins flutt út af hjúkrunarheimil-
inu sem hún hefur búið á síðastliðin tvö ár. Vonir standa til að hún flytji inn eftir páskana og því stutt í flutningana. Fréttablaðið/anton brink
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af
borðstofuborðum frá CASÖ
Embla hrinborð 120 cm og 140 cm reykt eik og nature eik.
ser@frettabladid.is
samfélag Inga Björk Margrétar
Bjarnadóttir fær aðgengisviður-
kenningu Reykjavíkur 2022, en
viðurkenninguna hlýtur hún fyrir
baráttu sína fyrir bættu aðgengi í
stafrænum heimi.
Verðlaunahafinn hefur vakið
athygli á mikilvægi þess að stafræn
vegferð samfélagsins þjóni öllum og
skilji engan út undan, en hún rann-
sakar nú í doktorsnámi sínu áhrif
þessa á jaðarhópa.
Inga Björk þakkaði fyrir viður-
kenninguna og benti á hversu mikil-
vægt væri að gerður yrði rammi um
stafræn aðgengis- og réttindamál
er varða mannréttindi í breiðum
skilningi. n
Ingu Björk launað
baráttuþrekið
Inga er að rannsaka áhrif stafrænnar
þróunar á jaðarhópa hér á landi.
Arnar Þór Viðarsson var
rekinn sem landsliðsþjálfari
karla í fótbolta í gær. Vanda
Sigurgeirsdóttir, formaður
KSÍ, segir ákvörðunina hafa
verið erfiða en nauðsynlega
því trúin á að Arnar væri
réttur maður á réttum stað
var ekki lengur til staðar.
hordur@frettabladid.is
helgifannar@frettabladid.is
fótbolti „Ég skil gagnrýnina á
tímasetninguna. En þegar stjórnin
hefur ekki trú og traust og við
höldum ekki að þjálfarinn sé rétti
maðurinn þá verðum við að taka
svona ákvörðun,“ segir Vanda Sigur-
geirsdóttir, formaður KSÍ, en í gær
ákvað stjórn sambandsins að víkja
Arnari Þór Viðarssyni úr starfi.
Arnar Þór stýrði íslenska karla-
landsliðinu frá því undir lok árs
2020. Síðasti leikur hans sem lands-
liðsþjálfara var gegn Liechtenstein,
sem vannst 7–0, sá stærsti í sögunni.
Mikið hefur verið rætt og ritað
um framtíð Arnars Þórs. Margir
héldu að metsigurinn myndi lægja
öldurnar en Vanda bendir á að fáir
landsliðsþjálfarar hafi lent í eins
miklu mótlæti og Arnar Þór.
„Það er margt sem hann má vera
stoltur af, líka í starfi sem sviðsstjóri
knattspyrnusviðs. Hann kemur
með afreksáætlun og alls konar.
Það gerir þetta enn erfiðara. Það
breytir því ekki að ef stjórn knatt-
spyrnusambandsins er sannfærð
um að hann sé ekki rétti maðurinn
þá verðum við að gera breytingar,
eins erfitt og það er,“ segir Vanda.
Arnar hefur þurft að byggja upp
nýtt landslið undanfarin ár og fékk
hann tíma til þess. Vanda sagði
á ársþingi KSÍ á Ísafirði í febrúar
að nú væri kominn tími á að ná í
úrslit. „Við vorum í uppbyggingu
og ákváðum að við þyrftum að sýna
ákveðna þolinmæði vegna þeirra
aðstæðna og breytinga sem voru.
Mikilvægi þess að karlalandsliðið
komist aftur á stórmót er gríðarlegt.
Það er okkar hlutverk að finna leið-
irnar til að gera allt til að það takist.
Til þess var talið að þyrfti að skipta
um þjálfara,“ segir Vanda. KSÍ er
ekki búið að ræða við neinn og leitin
að nýjum landsliðsþjálfara er því
hafin. „Við erum ekki búin að ræða
við neinn. En við förum á stúfana.
Þó að næsti leikur sé 17. júní er þetta
fljótt að líða.“
Arnar var allt annað en vinsæll
hjá íslensku þjóðinni eins og sam-
félagsmiðlar og kommentakerfi
fréttamiðla sýna og sanna. Vanda
segir að KSÍ hafi verið meðvituð um
þennan storm.
„Við erum í þessu samfélagi og við
heyrum þetta allt saman. Í raun var
þetta svona frá byrjun, frá því hann
var ráðinn. Þetta snýst meira um
þá trú sem við höfum. Við teljum
að við þurfum annan þjálfara til að
ná markmiðum okkar. Trúin á að
Arnar væri rétti maðurinn var ekki
lengur til staðar,“ segir Vanda. n
KSÍ bar ekki lengur traust
til Arnars landsliðsþjálfara
Arnar Þór tók við liðinu í árslok 2020. Liðið fékk strax skell í fyrstu umferð
undankeppni EM 2024 á dögunum í 0-3 tapi gegn Bosníu og Hersegóvínu.
Fréttablaðið/anton brink
kristinnpall@frettabladid.is
Náttúruvá Rýming hélt áfram á
Austurlandi í gær og var óvissu-
og hættustig í gildi víðs vegar um
landshlutann. Margrét María Sig-
urðardóttir, lögreglustjóri á Austur-
landi, segir að björgunaraðilar upp-
lifi æðruleysi hjá fólki sem hefur
þurft að þiggja aðstoð og er spennt
að þetta verði yfirstaðið.
„Það eru allir að reyna að vinna
að þessu og vinna þetta vel. Auð-
vitað er þetta erfitt, en flestir taka
þessu af miklu æðruleysi að mér
skilst,“ segir Margrét. Hún er sjálf
í aðgerðastjórn og því ekki úti við
björgunarstörf. Aðspurð segir hún
að það eigi eftir að gæta áhrifa þessa
veðurfars á andlega heilsu eftir að
þessu verði lokið.
„Það er heilmikil vinnsla eftir við
að vinna úr þessum áfalli.“
Hjördís Guðmundsdóttir, upplýs-
ingafulltrúi almannavarnadeildar
ríkislögreglustjóra, tekur í sama
streng og segir stöðuna fordæma-
lausa á Austfjörðum.
„Þetta hefur gífurlegar afleiðingar
fyrir fólk sem þarna býr. Við biðjum
fólk að láta vita þegar það fer og
fylgjast vel með tilkynningum frá
lögreglu og almannavörnum.“ n
Rýming heldur áfram á Austurlandi
Frá björgunaraðgerðum á Austur-
landi í gær. Mynd/landsbjörg
2 FRéttIR FRÉTTABLAÐIÐ 31. mARs 2023
FÖStUDAGUR