Fréttablaðið - 31.03.2023, Blaðsíða 6

Það er litið á útlend-
inga sem vinnudýr,
ódýrt vinnuafl. Ekkert
annað en græðgi skýrir
hve starfsaðstæður
þessa fólks eru ömur-
legar.
Valur Jónsson, rútubílstjóri
AðAlfundur
KEA
verður haldinn í Menningarhúsinu Hofi
fimmtudaginn 27. apríl kl. 20:00
Á dagskrá fundarins eru venjubundin aðal-
fundarstörf samkvæmt samþykktum félagsins.
Tillögur sem óskað er eftir að verði teknar
fyrir á fundinum skulu berast stjórn skriflega
eigi síðar en sjö dögum fyrir aðalfund.
Dagskrá og ársreikningur verða aðgengileg
á heimsíðu félagsins www.kea.is
viku fyrir aðalfund.
helgisteinar@frettabladid.is
Ísrael Joe Biden Bandaríkjaforseti
og Benjamín Netanjahú, forsætis-
ráðherra Ísraels, hafa undanfarna
daga deilt um áætlun ísraelsku
ríkisstjórnarinnar um að draga úr
völdum hæstaréttar landsins.
Biden hefur gagnrýnt áætlun Net-
anjahú en sá síðarnefndi segir Ísraela
vera sjálfstæða þjóð sem taki eigin
ákvarðanir óháð utanaðkomandi
þrýstingi.
Forsetinn hefur ekki í hyggju að
bjóða Netanjahú í Hvíta húsið á
næstunni og var óvenju harðorður í
garð forsætisráðherra eftir þau verk-
föll og fjöldamótmæli sem hafa geng-
ið yfir landið undanfarnar vikur.
„Eins og margir aðrir dyggir
stuðningsmenn Ísraels hef ég miklar
áhyggjur. Þeir geta ekki haldið áfram
á þessari braut og ég hef verið skýr
með það. Vonandi mun forsætis-
ráðherrann bregðast við með þeim
hætti að hægt verði að koma á ein-
hvers konar málamiðlun.“ n
Netanjahú ekki boðið í Hvíta húsið
Biden fékk hlýjar kveðjur í Tel Aviv.
fréttablaðið/epa
Rútubílstjóri segir Samtök
ferðaþjónustunnar gefa upp
rangar tölur um vinnuafl
vísvitandi til að fegra raun-
veruleikann. Launaþjófnaður
kemur formanni Eflingar
ekki á óvart.
bth@frettabladid.is
Ferðaþjónusta Valur Jónsson
rútubílstjóri segist gáttaður á þeim
ummælum um hlutfall erlends
vinnuafls sem höfð voru eftir fram-
kvæmdastjóra Samtaka ferðaþjón-
ustunnar í Fréttablaðinu.
„Hann [Jóhannes Þór] segir að
hlutfall útlendinga sem starfar í
ferðaþjónustu hér sé þriðjungur.
Sannleikurinn er sá að það eru nán-
ast allir sem starfa við ferðaþjónust-
una útlendingar,“ segir Valur.
Valur segir að sá sem gisti á hót-
elum hringinn í kringum landið
sjái vart Íslending starfandi á gisti-
stöðum nema að morgni til að taka
við peningum. „Þá kemur einhver
hátt settur.“
Rútubílaf lotinn sé gerður út til
helminga með erlendu vinnuaf li
en hlutfall fólks af erlendum upp-
runa á gististöðum og mörgum
veitingahúsum, einkum úti á landi,
sé nær því að vera 95 prósent en
þriðjungur.
„Það dugar ekki að sækja upplýs-
ingar um þessi mál til Jóhannesar
Þórs hjá Samtökum ferðaþjónust-
unnar af því að hann vinnur við að
láta ferðaþjónustuna líta vel út.“
Valur er á áttræðisaldri, hefur
ekið rútubíl síðan 1977 með einu
hléi og er enn að. Hann hefur hitt
hótelstjóra sem sagði: „Það þýðir
ekkert að ráða Íslendinga því þeir
þurfa alltaf að vera fríi.“
Skuggahliðin að sögn Vals er að
margt erlent fólk hér í ferðaþjón-
ustunni fái launatekjur langt undir
lágmarkstaxta. Sumir útlending-
anna séu með „botnlausar vaktir“
og búi í gámum. Þeir komist vart
frá vinnustaðnum meðan á ver-
tíðinni stendur og séu þeirri stund
fegnastir þegar þeir komast aftur til
síns heimalands.
„Ein kona sagði við mig að mán-
aðarkaupið væri 1.450 evrur, fyrir
ótakmarkaða vaktavinnu,“ segir
Valur. Samkvæmt gengi dagsins í
gær eru 1.450 evrur ígildi 216.000
króna.
„Það er litið á útlendinga sem
vinnudýr, ódýrt vinnuafl. Ekkert
annað en græðgi skýrir hve starfs-
aðstæður þessa fólks eru ömur-
legar,“ segir Valur og heldur því
fram að starfsmannaleigur f lytji
inn fólk í stórum stíl. Þær leigi fólkið
til atvinnurekenda. „Svo eru þessir
aðilar alltaf tilbúnir að senda þann
í hvelli heim til sín sem slasast eða
veikist.“
Þó nefnir Valur að sum fyrir-
tæki standi sig vel, sem dæmi Frið-
heimar í Biskupstungum. Þar sé vel
búið að erlendum starfsmönnum
enda koma þeir sumar eftir sumar
til baka. Á f lestum stöðum sé þó
gríðarleg mannavelta. „Því vitan-
lega forðar fólk sér þegar það getur.“
Sólveig Anna Jónsdóttir, formað-
ur Eflingar, segir á ábyrgð atvinnu-
rekenda að passa upp á að fólk sé í
stéttarfélagi.
„Ef þetta er eins og maðurinn lýsir
er um að ræða grafalvarlegan launa-
þjófnað en það kemur svo sem ekki
á óvart,“ segir Sólveig Anna.
Samkvæmt taxta Eflingar á þerna
sem þrífur hótelherbergi í Reykjavík
ekki að fá lægri laun en um 410.000
krónur á mánuði. n
Segir útlendinga líða fyrir
fjölmörg brot Íslendinga
Dæmi eru um fyrirtæki sem standa sig vel í starfsmannaþjónustu við ferðamenn að sögn Vals Jónssonar bílstjóra.
Hitt er þó algengara og einkum úti á landi að illa sé farið með erlent starfsfólk að hans sögn. fréttablaðið/anton brink
Sólveig Anna
Jónsdóttir, for-
maður Eflingar
Valur Jónsson er ómyrkur í máli er kemur að aðbúnaði fólks sem flutt er til
Íslands gagngert til að starfa á gististöðum og veitingahúsum. mynd/aðsend
ser@frettabladid.is
rÍKIsFjÁrMÁl St jór n Félag s
atvinnurekenda segir alltof skammt
gengið í hagræðingu á gjaldahlið í
nýrri fjármálaáætlun ríkisstjórn-
arinnar og hvetur stjórnvöld til að
ganga harðar fram í lækkun ríkisút-
gálda og fækkun ríkisstarfsmanna.
Til þess þurfi að breyta lögum
um réttindi og skyldur opinberra
starfsmanna og gera þannig starfs-
mannahald ríkisins sveigjanlegra
og nútímalegra. Nóg séu tækifærin
til aðhalds í þessum efnum, enda
hafi ríkisstarfsmönnum fjölgar úr
hófi fram á undanförnum árum.
Ný skýrsla á vegum félagsins sýni
að ríkisstarfsmönnum hafi fjölgað
um meira en fimmtung frá 2015
á sama tíma og starfsmönnum á
almennum vinnumarkaði hafi
fjölgað um innan við fimm prósent.
Því séu það vonbrigði að ríkis-
stjórnin grípi í staðinn til skatta-
hækkana á fyrirtæki. „Félagið telur
fremur ástæðu til að létta sköttum
og álögum af fyrirtækjum, til dæmis
með því að efna marggefin fyrir-
heit um að tryggingagjald lækki til
samræmis við það sem það var fyrir
bankahrun,“ segir í tilkynningu frá
stjórn þess.
Þá séu það einnig vonbrigði að
ekki finnist stafkrókur í fjármála-
áætluninni um lækkun tolla til að
stuðla að aukinni samkeppni, lægra
matarverði og lækkandi verðbólgu.
„Stjórnvöld virðast kjósa að gæta
þröngra sérhagsmuna fremur en að
horfa á almannahag.“ n
Telja alltof skammt
gengið í hagræðingu

Guðrún Ragna
Garðarsdóttir,
formaður
Félags atvinnu-
rekenda
6 fréTTir FRÉTTABLAÐIÐ 31. mARs 2023
fÖSTUDAGUr