Fréttir - Eyjafréttir - 21.09.2022, Síða 8

8 | | 21. september 2022
Umhverfismatsskýrsla um áhrif
fyrirhugaðrar landeldisstöðvar á
laxi í Viðlagafjöru og byggingu
seiðaeldisstöðvar í Friðarhöfn er
í umsagnaarferli og er frestur til
að skila inn athugasemdum til
4. október. Í skýrslunni er lagt
mat á hugsanleg umhverfisáhrif
og áhrifin á samfélagið þegar
reksturinn verður kominn í fullan
gang. Það er fyrirtækið Icelandic
Land Farmed Salmon (ILFS)
sem stendur að verkinu og hefur
frá upphafi verið í mjög góðri
samvinnu við Vestmannaeyjabæ
sem unnið hefur breytingar á aðal-
skipulagi og deiliskipulagi vegna
verkefnisins.
Að mati forsvarsmanna ILFS eru
Vestmannaeyjar góður kostur fyrir
starfsemina. Stutt er á stóra mark-
aði í Evrópu og Norður-Ameríku,
góð sjógæði, mikill mannauður í
Vestmannaeyjum með þekkingu á
tækni, vinnslu, sölu og flutninga á
sjávarafurðum. Einnig er tiltekið
nálægð við höfn og sjávarhiti
með ákjósanlegasta móti auk
þess sem við Vestmannaeyjar er
staðbundin alda frá suðvestri, og
því Viðlagafjara, sem er austan á
Heimaey í skjóli frá henni. Auk
þess hentar Viðlagafjara mjög vel
frá náttúrunnar hendi fyrir upp-
byggingu mannvirkja og aðgengi
að sjó.
Allt að 240 stöðugildi
Ljóst er að um gríðarstóra starf-
semi er að ræða á alla mælikvarða
og er áætlað að heildarfjöldi nýrra
starfa sem skapist við verkefnið
verði um 240 stöðugildi. Þar af
allt að 120 störf við eldið sjálft.
Áætlað er að framleiða um 11.500
tonn af óslægðum laxi á ári ef
allar áætlanir um stækkun ná fram
að ganga með mögulegri stækkun
í 22.000 tonn af óslægðum laxi.
Uppbygging fyrsta áfanga er
áætluð í þremur hlutum, fyrst
3.500 tonn, og síðan 2 x 3.500
tonna áfangar, en eldið verður á
landi í lokuðum kerjum og sjór
úr borholum verður notaður í
eldiskerjunum.
Auk mateldisins í Viðlagafjöru
ætlar fyrirtækið að byggja upp
seiðaeldi í botni Friðarhafnar. Þar
verður notað svokallað RAS kerfi
við vinnsluna sem byggist á því
að endurnýta vatn við vinnslu; það
þýðir að hver lítri af vatni verður
endurnýttur allt að 100 sinnum.
Með þessu kerfi er farið betur
með orku og auðlindir en almennt
gengur og gerist í fiskeldi.
Í fjörunni er miðað við að reist
verði vinnslubygging fyrir fisk-
eldið ásamt um 30 kerjum með
eldi. Kerin verða misstór, en þau
stærstu allt að 12 metrar á hæð.
Forsvarsmenn verkefnisins vilja
meina að næg orka og vatn sé til
staðar fyrir vinnsluna. En tóku
einnig fram að aukin nýtingar-
þörf Vestmannaeyja með þessari
vinnslu ásamt sífellt stækkandi
bæjarfélagi muni án vafa setja
aukinn þrýsting á stjórnvöld um
sterkari og öruggar innviði og
betri dreifileiðir á orku og vatni
til bæjarins. Vestmannaeyjabær
hefur sýnt verkefninu mikinn
áhuga, stutt það og greitt götur
þess, unnið hratt og ákveðið að
gerð aðal -og deiliskipulags fyrir
svæðið.
Efla Verkfræðistofa vann um-
hverfismatsskýrsluna fyrir ILFS
og þar er lagt mat á áhrif miðað
við fullan rekstur. Meðal annars
áhrif dælingar á grunnvatns- og
jarðsjávarstrauma, sjónræn áhrif,
útivist og ferðaþjónustu.
Mikil áhrif á byggðaþróun
Ljóst er að áhrif á atvinnulíf og
byggðarþróun verða talsverð
og jákvæð. „Fyrirsjáanlegt er
að fjölgun íbúa verði mjög hröð
sem getur skapað vaxtaverki fyrir
samfélag og atvinnulíf í Eyjum.
Því er mikilvægt að standa vel
að öllum undirbúningi. Verk-
efnið mun styrkja atvinnulíf og
byggðarþróun til lengri tíma litið.
Verið er að skjóta fleiri, fjöl-
breyttari og styrkari stoðum undir
atvinnulíf og samfélag í Eyjum,
með atvinnuuppbyggingu sem
byggir á styrkleikum svæðisins.
Leiðarljósið er að hafa jákvæð
áhrif á umhverfi og samfélag í
Eyjum,“ segir í skýrslunni sem nú
er til umsagnar og hægt að nálgast
á heimasíðu Vestmannaeyjabæjar,
vestmannaeyjar.is.
Stofnendur eru Daði Pálsson og
Hallgrímur Steinsson en Lárus
Sigurður Ásgeirsson, stjórnarfor-
maður kom inn í eigandahópinn á
síðari stigum.
Landeldi á laxi í Vestmannaeyjum
Fleiri, fjölbreyttari og styrkari stoðir
undir atvinnulíf og samfélag
Tölvuteikning af matfiskastöð ILFS í Viðlagafjöru. Mannvirki eru í þróun og ekki um endanlegt útlit að ræða.
Tölvuteikning af seiðastöð ILFS í botni Friðarhafnar.