Nesfréttir - 01.12.2022, Blaðsíða 4

Þór Sigurgeirsson bæjar­
stjóri sagði er hann fylgdi
um ræðu um fjárhagsáætlun
Seltjarnarnes bæjar úr hlaði á
bæjarstjórnarfundi að áætlunin
væri unnin við krefjandi aðstæður
þar sem rekstur bæjarsjóðs
væri í járnum sökum afleiðinga
heimsfaraldurs auk stríðsreksturs
í Evrópu sem hefur skapað
verðbólgu sem mælist nú um
9,4%. Hann sagði verðbólguna
hafa stóraukið fjármagnsliði
langtímalána bæjarsjóðs.
Þór sagði að áætlunin bæri
þess merki að verið væri verja
grunnþjónustu bæjarfélagsins sem
eru skólar, íþrótta og tómstundastarf
og félagsþjónusta auk öldrunar­
þjónustu. “Við áformum þó að
ráðast í byggingu nýs glæsilegs
leikskóla en fyrrnefnd verðbólga
og hvernig hún hefur leikið okkur
hefur haft tefjandi áhrif á þá vinnu
hjá okkur. Við stefnum á að hefja þá
vinnu á fullu í upphafi næsta árs. Við
lækkum stuðul allra fasteignagjalda
og mætum þar sérstaklega mjög
ósanngjarnri hækkun fasteignamats
sem tekur gildi um næstu áramót.
Það sem við sjáum strax og við
viljum setja inn í áætlun þessa fyrir
síðari umræðu er að í janúar 2023
munum við hækka tómstundastyrk
úr 50 þúsund krónum í 75 þúsund
krónur. Það mun gagnast börnum
og ungmennum til íþrótta og
tómstunda auk þess að létta
undir með barnafjölskyldum.
Leikskólagjöld munu ekki hækka
um 9,75% heldur um 7,7% sem er
samkvæmt forsendum fjárlaga.”
Þór sagði að á árunum 2024 til 2026
megi búast við að íbúafjölgun verði
um 500 manns.
Hvar eru æskulýðs­
og forvarnarfulltrúi
og framkvæmdir við
félagsheimilið
Samfylkingin og óháðir lögðu
fram bókum vegna fjárlaga­
gerðarinnar. Þar segir m.a. að
ekki sé gert ráð fyrir ráðningu á
æskulýðs­ og forvarnarfulltrúa,
ekki er gert ráð fyrir hækkun
tómstundarstyrks og aftur er gert
ráð fyrir miklum niðurskurði í
sumarstörfum, þrátt fyrir að sá liður
hafi farið verulega framúr áætlun
þessa árs. Þá sé ekki gert ráð fyrir
neinum fjármunum í framkvæmdir
við félagsheimili Seltjarnarness en
þar hafa framkvæmdir staðið yfir,
eða ekki, í nokkur ár. Nýr leikskóli
var eitt helsta umræðuefni í
aðdraganda síðustu kosninga, en í
fjárfestingaráætlun næsta árs er ekki
gert ráð fyrir neinum fjármunum
í það verkefni. Það rímar í raun
ágætlega við þá staðreynd að ekkert
hefur verið unnið við það verkefni
á þessu kjörtímabili, nema ef vera
skyldi að óformlegur spjallhópur
bæjarstjóra um nýja leikskóla hafi
eitthvað þokað því verkefni áfram.
4 Nesfrétt ir
Verðbólgan hefur stóraukið
fjármagnsliði langtímalána
Séð yfir Seltjarnarnes.
- sagði Þór Sigurgeirsson bæjarstjóri við umræðu um fjárhagsáætlun